ទើបនឹងចេញផ្សាយ៖កម្រង​សិក្សាកថាវប្បធម៌​ខ្មែរ

កម្រងសិក្សាកថាវប្បធម៌ខ្មែរ

ឧទ្ទិសប្រគេន

ព្រះមហាវិរយបណ្ឌិតតោ ប៉ាង ខាត់

(១៩១០-១៩៧៥)

សៀវភៅកម្រងសិក្សាកថាវប្បធម៌នេះចងក្រងនិងរៀបចំឡើងដោយសិស្សគណចាស់ព្រះគ្រូប៉ាងខាត់នៅមហាវិទ្យាល័យអក្សរសាស្រ្តនិងមនុស្សសាស្ត្រភ្នំពេញមុនឆ្នាំ១៩៧៥។ យើងបានអំពាវនាវដល់សិស្សគណចាស់និងអ្នករាប់អានព្រះមហា វិរិយ បណ្ឌិតោប៉ាងខាត់ដែលរស់នៅកម្ពុជាហើយនិងនៅបរទេសគឺនៅប្រទេសបារាំង,អាល្លឺម៉ង់,អូស្រ្តាលីនិងជប៉ុនជាដើមមកចូលរួមតាក់តែងអត្ថបទតាមចំណេះដឹងម្នាក់ៗដែលជាកិច្ចរំលឹកបុព្វការគុណព្រះគ្រូ។

កម្រងសិក្សាកថាវប្បធម៌នេះទៀតសោតគឺជាស្នាដៃរួមដែលបានបដិសន្ធិឡើងចេញពីសទ្ធាជ្រះថ្លានៃយើងខ្ញុំទាំងអស់គ្នាហើយយើងខ្ញុំសូមឧទ្ទិសស្នាដៃរួមនេះប្រគេនដល់ព្រះគ្រូអាចារ្យដែលបានបូជាជីវិតទាំងស្រុងដើម្បីបម្រើវប្បធម៌អរិយធម៌ខ្មែរ,ពុទ្ធ សាសនានិងឧត្តមគតិយុត្តិធម៌ស្នេហាជាតិ។

ព្រះគ្រូប៉ាងខាត់ជាព្រះសង្ឃគម្រូខ្មែរមួយអង្គនិងជាសាស្រ្តាចារ្យដ៏ឆ្នើមប្រកបដោយវិជ្ជាខ្ពង់ខ្ពស់ទូលំទូលាយទាំងខាងផ្លូវលោកទាំងខាងផ្លូវធម៌ដោយព្រះអង្គចេះភាសាអង់គ្លេស,ភាសាបារាំង,បាលី,សំស្រ្កឹត,សៀម,ខ្មែរបុរាណ។ល។អត្ថបទសិក្សានិងស្នាដៃស្រាវជ្រាវនានារបស់លោកមានតម្លៃកំរិតអន្តរជាតិសូម្បីតែសាលាបារាំងចុងបូព៌ាក៏បានសុំទទួលលោកជា”សមាជិកឆ្លើយឆ្លង”(Membre correspondant)ដែរ។

កម្រងសិក្សាកថាវប្បធម៌មានស្នាដៃទាំងអស់១៩អត្ថបទដែលចែកចេញជាពីរចំណែកធំៗអត្ថបទសិក្សាស្រាវជ្រាវទាក់ទងនឹងប្រវត្តិសាស្រ្ត,ពុទ្ធសាសនា,អក្សរសាស្រ្តខ្មែរពោលគឺវប្បធម៌ខ្មែរជាទួទៅហើយមួយចំណែកទៀតជាអត្ថបទទាក់ទងនឹងអនុស្សាវរីយនិងការស្រមៃនឹកឃើញដោយប្រឌិតឡើង។

បញ្ជីអត្ថបទ

លំនាំដើម 7
ដោយ      ឃីងហុកឌី

ជីវប្រវត្តិ 14

-ព្រះវិរិយបណ្ខិតោប៉ាងខាត់

ដោយ    ឃីងហុកឌី

អត្ថបទសិក្សាវប្បធម៌-ពុទ្ធសាសនា-ប្រវត្តិសាស្រ្ត-វប្បធម៌និងអរិយធម៌

តាមគំហើញខ្មែរ 42

–       Etudes sur la culture et la civilisation khmères, bilan et perspective

–       ការសិក្សាពីវប្បធម៌និងអរិយធម៌ខ្មែរ-តុល្យាការនិងទស្សនវិស្ស័យ

Par KHY Phanra ឃីផាន់រ៉ា                                                                                 43

ពុទ្ធសាសនាក្នុងអក្សរសិល្ប៍ខ្មែរ 98

-ការផ្ទេររំលែកអានិសង្សក្នុងប្រពៃណីពុទ្ធសាសនានិងអក្សរសិល្ប៍ខ្មែរ

ដោយ    ឃីងហុកឌី                                                                                              99

-សិក្សាប្រៀបធៀបទានបារមីដែលមានក្នុងរឿងជាតកខ្មែរនិងជប៉ុន

ដោយ      ប៉ែនសេដ្ឋារិន                                                                                          121

-បកស្រាយក១និងក៣

ដោយ      ទូចគិមសួគ៌                                                                                            155

-សិក្សាប្រៀបធៀបវិសុទ្ធុមគ្គនិងវិមុត្តិមគ្គ

ដោយ    ថោងធែល                                                                                              199

ពុទ្ធសាសនានិងសង្គម 215

-Le silence dans le bouddhisme theravàda chez les Cambodgiens

Par KHING Hoc Dy   ឃីងហុកឌី                                                                        216

-ការអប់រំនៃពូជខ្មែរ

ដោយ    ឌីការ៉េត                                                                                                 232

-The role of Buddhist Wats in Environmental Preservation in Cambodia

By YI Thon យីធន                                                                                           244

ការយល់និងការប្រតិបត្តិក្នុងពុទ្ធសាសនា 254

-Why it is hard to learn Preah Abhidhamma in Cambodia

By THONG Thel ថោងធែល

សៀវភៅ

«កម្រងសិក្សាកថាវប្បធម៌នេះ»

ចងក្រងនិងរៀបចំប្រមូលចងក្រងដោយ៖

ឃីងហុកឌី បណ្ឌិតផ្នែកការសិក្សាបូព៌ា(១៩៧៤) បណ្ឌិតរដ្ឋអក្សរសាស្រ្តនិងមនុស្សសាស្រ្ត(១៩៩៣)នៅសាកលវិទ្យាល័យស្ហរបោនក្រុងប៉ារីស អ្នកស្រាវជ្រាវនៅមជ្ឈមណ្ឌល ជាតិស្រាវជ្រាវ វិទ្យាសាស្រ្ត(C.N.R.S)ប្រទេសបារាំង អតីតសាស្រ្តាចារ្យអក្សរសាស្រ្តខ្មែរនៅភ្នំពេញនិងនៅប៉ារីស សមាជិករាជបណ្ឌិតសភាកម្ពុជា។

និង

ថោងធែល បណ្ឌិតនៅសាកលវិទ្យាល័យម៉ូណាសប្រទេសអូស្ត្រាលី(១៩៩៩)អតីតសាស្រ្តាចារ្យអក្សរសាស្ត្រខ្មែរ សមាជិករាជបណ្ឌិតសភាកម្ពុជា។

គ្រឹះស្ថានបោះពុម្ពផ្សាយអង្គរ

                                                            លេខ១៤៣ផ្លូវខេមរភូមិន្ទភ្នំពេញ


វណ្ណកម្មអក្សរសិល្ប៍របស់នបណ្ឌិតឃីង ហុកឌីដែលបានចេញផ្សាយហើយពីគ្រឹះស្ថានដដែល៖

– មាលីបទអក្សរសិល្ប៍ខ្មែរសតវត្សទី១៩

– អក្សរសិល្ប៍ខ្មែរសតវត្សទី២០កវីនិពន្ឋ និងកម្រងអត្ថបទ

– ទិដ្ឋភាពទូទៅនៃអក្សរសិល្ប៍ខ្មែរ

– សាស្ត្រារាមកេរិ៍

– ក្រុមង៉ុយនិងស្នាដៃ

– ទាវឯក

– កំណត់វិធីហៅព្រលឹង

– ភោគកុលកុមារ

– សមាភាវីដោយរឹមគិន

– ល្បើកអង្គរវត្ត

– សមូហកម្មអក្សរសាស្ត្រខ្មែរ

នៅប្រទេសបារាំងលោកបានចេញផ្សាយសៀវភៅភាសាបារាំងមួយចំនួន៖

–  Contes et légendes du pays khmer (textes bilingues)

– Un épisode de Ramayana khmer,   Rama endormi par mes maléfices de Vaiy Rabn

– Contribution à l’histoire de la Littérature khmère Vol. 1: l’époque  classique XVe-XIXe Siècle.

– Ecrivains et Expressions littéraires du Cambodge au 20ème Siècle,  Contribution à l’histoire de la Littérature khmère Vol. 2

Advertisements