Monthly Archives: ខែ​មីនា 2013

បុណ្យប៉ាកPÂQUES ឬ EASTER (ភាសាអង់គ្លេស)

នៅថ្ងៃអាទិត្យទី៣១ ​ខែមីនា ឆ្នាំ២០១៣  បងប្អូនគ្រីស្ទបរិស័ទខ្មែរនៃព្រះវិហារផ្សាយដំណឹងល្អនៅ

ក្រុងដ្រង់ស៊ី (DRANCY) និង ក្រុងប្រ៊ីសួរម៉ាន(BRY SUR MARNE)ក្នុងប្រទេសបារាំងបានប្រារព្ធ

ប៉ាក PÂQUES  (ភាសាបារាំង)  ឬ EASTER  (ភាសាអង់គ្លេស) ដែលជាបុណ្យគ្រីស្ទសាសនាមួយ

ដើម្បីរំលឹកអំពី«ព្រះយេស៊ូទ្រង់មានព្រះជន្មរស់ឡើងវិញ» ។

នេះជាទិដ្ឋភាពខ្លះៗនៃបុណ្យប៉ាក  PÂQUES  ក្នុងព្រះវិហ៊ារប្រ៊ីសួរម៉ាន (BRY SUR MARNE)

DSC01607

លោកសំបូ អ្នកនាំមុខ

លោកសំបូ អ្នកនាំមុខ

DSC01605

បវរកញ្ញាខ្មែរឆ្នាំ២០១៣ប្រចាំប្រទេសបារាំង

ស្រង់ចេញពីYOUTUBE

បវរកញ្ញាខ្មែរឆ្នាំ២០១២ប្រចាំប្រទេសបារាំង

ស្រង់ចេញពីYOUTUBE

 

ភាពយន្តវីដេអូ៖ បេះដូងស្រស់ស្អាត

គឺជាខ្សែភាពយន្តវីដេអូដ៏ល្អរបស់

ផលិតករ  ឆយ

ដឹកនាំដោយលោក ភិជិត ឫទ្ធា និង លោក ឆយ

ដឹកនាំថតដោយ លោក អ៊ុច មករា។

ជាខ្សែភាពយន្តខ្នាតខ្លីមួយគួរឲ្យសរសើរ

និង

គួរឲ្យចាប់អារម្មណ៍ជាពន់ពេក។

ខ្សែភាពយន្តនេះសម្តែងដោយយុវជនដ៏សង្ហា

ភក្ត្រាញញឹម

ម៉ា ច័ន្ទបញ្ញា

រួមជាមួយកញ្ញាដ៏ស្រស់សោភា

លី លីនណា

តារាថ្មីទាំងពីររូបនេះប្រើកាយវិការ

មនុស្សគរថ្លង់នៅព្រះរាជាណាចក្រកម្ពុជា។

ខ្ញុំសូមអញ្ជើញប្រិយមិត្តទស្សនាដោយរីករាយ។

កំប្លែង៖ព្រះអង្គទតមើលមិនស្គាល់ ដោយ​សុ ភក្តី

shy3

រក្សាសិទ្ធិគ្រប់យ៉ាង

មានស្រ្តីវ័យកណ្ដាលម្នាក់កើតជម្ងឺខ្យល់គ (Hearth attack) យ៉ាងធ្ងន់ធ្ងរហើយត្រូវ

បញ្ជូនទៅមន្ទីរពេទ្យជាបន្ទាន់ដើម្បីឲ្យគ្រូពេទ្យធ្វើការវះកាត់។ នៅលើតុវះកាត់ស្រ្តី

នោះសន្លប់អត់ដឹងខ្លួន  គឺបានសេចក្ដីថាជិតស្លាប់ (near death experience)។

ពេលជិតស្លាប់ហ្នឹង គាត់ក៏បានជួបព្រះអង្គ។ពេលជួបជាមួយព្រះ នាងក៏ចាប់សួរ

ព្រះអង្គថា :

ស្រ្តី : តើជីវិតខ្ញុំម្ចាស់ត្រូវអស់ពេលហ្នឹងឬ​ ?

ព្រះអង្គ : អត់ទេ នាងត្រូវរស់បាន ​៤៣ឆ្នាំ ២ខែ ៤ថ្ងៃ ទៀត។ ​ក្រោយពីការវះកាត់

រួចហើយ នាងក៏បានជាសះស្បើយឡើងវិញ។ ប៉ុន្តែ ដោយសារឮព្រះមានបន្ទូល

ប្រាប់ថា ​ត្រូវរស់បាន​៤៣​ឆ្នាំទៀត នាងយើងក៏មានគំនិតថ្មីថាបើត្រូវរស់បានរហូត

ដល់៤៣ឆ្នាំទៀត  នាងគួរតែធ្វើខ្លួនឲ្យស្អាត ។ គិតឃើញហើយ ស្ត្រីយើងក៏ទៅគ្លី

និក clinic កែសម្ភស្ស ឲ្យគេបូមខ្លាញ់(liposuction) ចេញ។

បន្ទាប់មក នាងក៏ទៅឲ្យគេធ្វើមុខ ( facelift ) ។  បន្ទាប់មកទៀត  គាត់ក៏ឲ្យគេដេរ

ពោះ  ( Tummy tuck ) ។ ​ ថ្ងៃមួយ  គាត់ដើរឆ្លងផ្លូវ ស្រាប់តែត្រូវឡានពេទ្យ

Ambulance បុកគាត់ស្លាប់ ​។  ក្រោយពីស្លាប់ គាត់ក៏បានជួបព្រះម្ដងទៀត ។

ឆ្ងល់យ៉ាងខ្លាំងគាត់ក៏ចាប់សួរព្រះ​​:

ស្រី្ត : ព្រះអង្គមានបន្ទូលប្រាប់ខ្ញុំថា ខ្ញុំត្រូវរស់បាន ៤៣ ឆ្នាំទៀត ចុះហេតុអ្វីក៏ខ្ញុំ

ឆាប់ស្លាប់ម៉្លេះ?។  ហេតុអ្វី បានជាព្រះអង្គមិនជួយរុញខ្ញុំម្ចាស់ឲ្យផុតពីផ្លូវឡាន 

Ambulance?
ព្រះអង្គ : ​អើ ពីព្រោះឯងទៅកែមុខ កែខ្លួន កែក្បាលពោះអស់ទៅ យើងមើល

ឯងលែងស្គាល់៕

អាព្រហើន! ដោយ ប៉ិច​ សង្វាវ៉ាន

រក្សាសិទ្ធិ

191357តពីរឿងកំប្លែង«យីលោកប៉ា ទៅណាយូរម៉្លេះ? »

 

ថ្ងៃមួយ  នៅសុខៗ ស្រាប់តែរស្មីលេងក្បាលប៉ារបស់គេ។ បិតារស្មីស្រែកហាម

ណាស់ រស្មីកាន់តែលូកលេងណាស់ ព្រោះរស្មីចាំថា ប៉ារបស់គេក៏ធ្លាប់អង្អែល

ក្បាលគេជារឿយៗដែរ។​ ឃើញកូននៅតែរឹងទទឹង ទ្រាំមិនបាន ប៉ារបស់រស្មីក៏

ស្រែកគំរាមខ្លាំងៗ៖

– ​ អាព្រហើន! ប្រាប់ថាកុំលេងក្បាលប៉ាឮទេ!

កន្លងទៅច្រើនថ្ងៃ រស្មីដែលជាក្មេងរពឺសផង ឆ្ងល់ផង និងចូលចិត្តប៉ះពាល់វត្ថុ

គ្រោះថ្នាក់នៅក្នុងផ្ទះផងដូចជា ខ្សែភ្លើងនិងកន្លែងដោតខ្សែភ្លើងជាដើម  ទោះ

បីជាប៉ារបស់គេស្រែកហាមយ៉ាងណាក៏ដោយ ក៏រស្មីមិនស្តាប់បង្គាប់ដែរ។ ទ្រាំ

មិនបាន ប៉ារបស់រស្មីក៏វាយកំប៉េះគូថរស្មីប៉ាច់ៗដើម្បីឲ្យរាងចាល។  រស្មីឈឺក៏

ស្រែកយំឡែៗ​ហើយនិយាយភាសាបារាំងផងខ្មែរផង៖

–  អ៊ូយ ! ça fait mal! (១) អាចង្រៃយក៍!

– រស្មី! ម៉េចក៏ហ៊ានជេរប៉ា!

–  ប៉ារស្មីក៏ខោកក្បាលរស្មីមួយក្រញរ!

រស្មីឈឺតិចៗដែរ ក៏នឹកឃើញពាក្យដែលខ្លួនធ្លាប់ឮប៉ាស្តីថាឲ្យខ្លួនពីថ្ងៃមុនក៏

ស្រែកឲ្យឪពុកផង យំផង ៖

–  អាចង្រៃយក៍! អាព្រហើន!

– ចុម! មើល៍ វាហ៊ានជេរបង!

ប៉ារស្មីលាន់មាត់នឹកហួសចិត្តត្បិតមិននឹកថាកូនជេរ។ ម៉ាក់រស្មីក៏បន្ទោសប្តី៖

– មកពីបងឯងហ្នឹង ចូលចិត្តតែជេរកូនរាល់ដង។ ឃើញទេ!  វាចេះប្រើពាក្យ

អាក្រក់ទាំងអស់នេះតាមបងឯង ។  នេះជាគំរូអាក្រក់ដែលវាចម្លងពីបងឯង

ហ្នឹងដឹងទេ?៕IMAGE ETONNANT 1503751

(១) ប្រែថា ឈឺណាស់!

នួន ភិមាន នារីខ្មែរឆ្នើមមួយរូប

មានកិត្តិយសជាHEROក្នុងបច្ចុប្បន្ន

កាលនៃទូរទស្សន៍ស៊ីអិនអិនCNN។

ដើម្បីទស្សនាកម្មវិធីCNNនេះ សូមចុចលើខ្សែដំណខាងក្រោម។

http://youtu.be/LX7UU4-1Bac

លិខិតពីសម្លាញ់ខ្ញុំម្នាក់

191357ជាលិខិតមួយច្បាប់  ដែលខ្ញុំចង់រក្សាទុក

ក្នុងទីនេះ ដូចជាអត្ថបទផ្សេងៗ  ព្រោះវា

ក៏ជាចំណែកមួយជ្រុងទៀតនៃជីវិតខ្ញុំនិង

ជីវប្រវត្តិខ្ញុំដែរ។

ខ្ញុំសង្ឃឹមថាប្រិយមិត្តអ្នកអានយោគយល់ខ្ញុំដែលជាអ្នក

សន្សំឯកសារ។

scan0001

scan0002

ចម្រៀង ៖ ស្ថានីយចតចិត្ត និពន្ធដោយ លោកព្រឿង ប្រណីត

140927ក្នុងថ្ងៃអាទិត្យនេះ ខ្ញុំជូនចម្រៀងមួយបទដ៏ពិរោះទាំងទំនុកច្រៀងនិងបទភ្លេង

ដែលខ្ញុំសែនស្រឡាញ់ និងចូលចិត្តស្តាប់ណាស់។

00700001 STUDIO RFI PECH Sangwawann e tPROENG Pranith Fev2008

កាលពីថ្ងៃអាទិត្យទី២ខែមីនាឆ្នាំ២០០៨កន្លងទៅ ខ្ញុំបានរៀបចំនាទីមួយសម្ភាសកវី «ព្រឿងប្រណិត»

ហើយផ្សាយតាម  វិទ្យុបារាំងអន្តរជាតិ RFI ​ ក្រុងប៉ារីស រដ្ឋធានីនៃប្រទេសបារាំង។   លោក  ព្រឿង

ប្រណិត បានមានប្រសាសន៍ថា​ ​ស្ថានីយមានច្រើនដូចជា ស្ថានីយរថភ្លើង ស្ថានីយរថយន្ត ជាដើម ។

មែនហើយ ខ្ញុំក៏យល់ដែរថា សេចក្តីស្នេហារបស់បុរសវិញក៏មានស្ថានីយជាកន្លែងសំចតដែរ ។  ចិត្ត

មានទីសំចតលែងទៅណាហើយ នៅរង់ចាំតែចម្លើយពីនាងដូចជាអត្ថន័យចម្រៀងមនោសញ្ចេតនា

ដ៏ស្រទន់និងផ្អែមល្ហែមមួយបទនេះ៖

ស្ថានីយចតចិត្ត

បទភ្លេង​ដោយ​ លោក ឯល ប៊ុណ្ណា

ទំនុកច្រៀង និពន្ធដោយ លោក ព្រឿង ប្រណីត

បកស្រាយដោយ ​លោក​ឯក ស៊ីដេ

Ek_side80_60

សូមអញ្ជើញចុចលើខ្សែដំណខាងក្រោមដើម្បីស្តាប់និងទស្សនា។

ដកស្រង់ពីយូធូបដែលរៀបចំរបស់លោកគឹម សុទ្ធី

១ -​ គេងនឹកគេងគិតរៀមរឹតស្នេហា   បានស្គាល់សាវតាកបកល្យាណី  សំអាតដួងចិត្តសាងស្នេហ៍

នឹងស្រី    សំអាងភក្តីគង់ស្រីមេត្តា។

២ – ស្នេហ៍មិនឈ្នះស្និទ្ធចិត្តរៀមរឹតចំបែង កណ្តោចម្នាក់ឯងកណ្តែងឱរ៉ា មានតែបួងសួងឥន្ទព្រហ្ម

ទេវតា  និមិត្តសីមាលួងលោមចិត្តស្រី។

បន្ទរ ៖ បើអូនមិនជឿសូមសួរសារិកា  កាយចិត្តវាចាបងគួចអាល័យ  ស្រឡាញ់អូនណាស់សំណព្វ

ដួងចៃ សូមផ្ញើនិស្ស័យរួមរស់កៀកកើយ។

៣ – គ្រប់យ៉ាងបងស៊ូដើម្បីស្នេហ៍ស្មោះ   ជូនអូនទាំងអស់ណាស្រស់ត្រាណត្រើយស្ថានីយចតចិត្ត

បងរកឃើញហើយ ចាំតែចម្លើយអូនឆ្លើយថាស្នេហ៍ ៕

សេចក្តីស្រឡាញ់ LOVE NEVER ENDS ៖ វាលព្រះពរ សហរដ្ឋអាមេរិក

 

 

សេចក្តីស្រឡាញ់​ (ពីរដង) មិនដែលផុតឡើយ (ពីរដង)  ឯពាក្យទំនាយ នោះនឹង

រលាយបាត់អស់ (រលាយបាត់អស់) ភាសាដទៃគ្មានគេនិយាយទៀតសោះ ​ហើយ

ចំណេះប៉ុន្មាននោះ ក៏នឹងត្រូវសាបសូន្យបាត់អស់។

បន្ទរ ៖   ​សេចក្តីស្រឡាញ់មិនដែលផុតឡើយ បងប្អូនអើយ  ចូរថ្លឹងថ្លែងឲ្យល្អល្អះ

(ឲ្យល្អល្អះ) ចេះស្រឡាញ់គ្នា  ទើបឈ្មោះថា  ស្រឡាញ់ព្រះ  ក្តីស្រឡាញ់សំខាន់

ណាស់ អាចជួយយើងឲ្យបានគ្រប់លក្ខណ៍៕

Love  never  ends  (Love never ends) ,  will away be  (will away be) ,  but

propheties  will  one  day  disappear  (disappear),  speaking  in   tongue

eventually  will  cease,  khnowledge  and  gifts  as these  will extinct and

be no more.

បទភ្លេង និង ទំនុកច្រៀងនិពន្ធដោយ ម៉ម បាណាបាស

ទំនុកច្រៀងភាសាអង់គ្លេសនិពន្ធដោយ បណ្ឌិត ស៊ាង ហួត

ច្រៀងដោយក្រុមគ្រីស្ទបរិស័ទនៃព្រះវិហារ «វាលព្រះពរ BLESSING FIELD»