Category Archives: កម្រងជីវប្រវត្តិ

ជូនចំពោះវិញ្ញាណក័្ខន្ធអ្នកម្តាយរបស់ខ្ញុំ

 

12417776_575554442599051_8905217034784134680_n

អ្នកម្តាយឬ អ្នកម៉ាក់ឬ ម៉ាម៉ង់ហៅតាមភាសាបារាំង Mamanជាទីគោរព

និងស្រឡាញ់!

កូនស្រីច្បងរបស់ម៉ាម៉ង់ថ្ងៃនេះ មានឱកាសសរសេរពីម៉ាម៉ង់ដោយសូមយកថ្ងៃ៨មីនា

ដែលជាទិវាសិទ្ធនារីពិភពលោកនេះដើម្បីឱទ្ទិសជូនម៉ាម៉ង់តែមួយ ទោះបីម៉ាម៉ង់មិន

មែនជាវិរៈនារីដែលបានបំពេញភារៈកិច្ចជូនជាតិក៏ដោយ ប៉ុន្តែម៉ាម៉ង់របស់កូនបាន

ពរពោះរយៈពេល៩ខែ និងមានកាតព្វកិច្ចចិញ្ចឹមបីបាច់ថែទាំកូនៗ ព្រមទាំងមានភារៈ

កិច្ចជាស្ត្រីមេផ្ទះដ៏ធំធេងណាស់ និងជាមាតាដ៏ល្អពិសេសណាស់សម្រាប់បុត្រីបុត្រា

ទាំងដប់ពីរ (១២) រូប។

ពិតណាស់ គេអាចវាស់ជម្រៅមហាសាគរ និងអាចស្ទង់សីតុណ្ហភាពក្នុងលោកបាន

ប៉ុន្តែគេមិនអាចវាស់និងស្ទង់ទំហំនៃសេចក្តីស្រឡាញ់របស់អ្នកម្តាយចំពោះកូនៗ

ទាំងអស់របស់អ្នកម្តាយដ៏មានគុណបានឡើយ។ សេចក្តីស្រឡាញ់របស់ម៉ាម៉ង់ចំពោះ

កូនមានទំហំធំធេងនិងមានជម្រៅជ្រៅជាមហាសាគរទៅទៀត។

រាល់គ្រាដែលអ្នកផងសរសើរថា កូនមានចរិតទន់ភ្លន់ គួរសមគោរពចាស់ទុំ និងមិន

ប្រកាន់ឬកពារឆ្មើងឆ្មៃ និយាយស្តីដោយប្រើពាក្យគួរសមចំពោះជនានុជនទួទៅ

មិនថាញាតិមិត្តសាច់បង្កើតនិងសាច់ថ្លៃដោយមិនរើសមុខ និងមិនរើសឋានៈយស

សក្តិ ទ្រព្យធន ឬក៏សរសើរថា កូនមានសណ្តាប់ធ្នាប់ប្រសប់រៀបចំទុកដាក់ចេះតុប

តែងផ្ទះចេះដេរប៉ះសម្លៀកបំពាក់ និងប៉ាក់ព្រមទាំងចេះធ្វើម្ហូបអាហារល្អៗខ្លះ

សម្រាប់គ្រួសារ ព្រមទាំងសម្រាប់ទទួលភ្ញៀវ ក្នុងពេលបុណ្យទាន។ល។

ការយល់និងដឹងកិច្ចការទាំងអស់និងការសរសើរពីអ្នកផងទាំងឡាយ តែងតែ

បណ្តាលឱ្យកូននឹកដល់ម៉ាម៉ង់តែ១គត់របស់កូន ពីព្រោះកូនបានចំណេះទាំង

នេះកូនបានមកពីអ្នកម្តាយ។ អ្នកម្តាយជាស្រី្តមេផ្ទះដែលមានសណ្តាប់ធ្នាប់

ណាស់។ សម្លៀកបំពាក់និងគ្រឿងអលង្ការសម្រាប់ប្រើនៅផ្ទះនិងចេញទៅ

ខាងក្រៅនិងសម្រាប់បុណ្យទានផ្សេងពីគ្នាមិនច្របូកច្របល់លាយឡំឡើយ។

បើយើងទាំងពីរមានលក្ខណៈប្លែកពីគ្នា គឺប្លែកត្រង់ម៉ាម៉ង់ជាអ្នកយឺត ឯកូនជា

អ្នករហ័សរហួនតែប៉ុណ្ណោះ។ នេះជាការបរិយាយសង្ខេប តែកូនមានសង្ឃឹម

ថា និងមានការរៀបរាប់ពិស្តារនៅ ក្នុងរឿង«ខ្ញុំជាស្រី»ដែលជារឿងរ៉ាវទាក់

ទងនឹងខ្សែជីវិតពិតរបស់កូន។ ការស្តាយខ្លាំងបំផុតរបស់កូន គឺការគ្មាន

ឱកាសបានសរសេររឿងរ៉ាវទាំងនេះក្នុងពេលដែលម៉ាម៉ង់របស់កូននៅមាន

ជីវិត។ កូនបានឃើញ MAMAN ជាញឹកញយតែក្នុងសុបិនតែប៉ុណ្ណោះ៕

ឧកញ៉ាឃ្លាំងមឿង​ដោយលោកសាគូ​ សាមុត

ឃ្លាំងមឿងនាមដើមពេជ្រ ជាមន្ត្រីខេត្តពោធិសាត់ បានត្រូវ ពញាចន្្ទ

តែងតាំងជាចៅហ្វាយខេត្តពោធិសាត់។ នៅពេលដែល មានចំបាំង

រវាងទ័ពស្តេចកន១០ម៉ឺននាក់ ទល់នឹងទ័ពពញាចន្ទ២ម៉ឺននាក់ ឃ្លាំងមឿង

បានពលីជីវិតលោតចូលរណ្តៅមានសុទ្ធតែអាវុធដើម្បីកេណ្ឌទ័ពខ្មោចមក

ជួយទ័ពពញាចន្ទវាយលុកមុនទៅទ័ពស្តេចកន។ បន្ទាប់ពីបានជ័យជំនះ

លើស្តេចកន ពញាច័ន្ទបាន ឡើងគ្រងរាជ្រមានឈ្មោះព្រះចន្ទរាជា។

ស្តេចអង្គនេះបានរំដោះខេត្តខ្មែរ ៖ ខេត្តបស្ចឹមបុរីឆ្នាំ១៥៣១ ខេត្តចន្ទបុរី

ឆ្នាំ១៥៥៧ និងនៅឆ្នាំ១៥៥៩និង១៥៦២ ទ័ពខ្មែរបានលើកទ័ពទៅវាយ

សៀម ចាប់បានសៀមជាឈ្លើយច្រើនពាន់នាក់នាំមកស្រុកខ្មែរ។

ដកស្រង់ពីសៀវភៅភូមិសាស្ត្រប្រទេសកម្ពុជា

សាគូ សាមុត

 

 

រូបភាព

២៤វិច្ឆិកា ប័ណ្ណថ្ងៃខួបកំណើត៦៨ឆ្នាំ

 

  • ឆ្នាំនេះក៏ដូចជាឆ្នាំមុនដែរខ្ញុំមានកិត្តិយសដែលបានទទួលជាប័ណ្ណជូន
  • ពរក្នុងថ្ងៃខួបកំណើត៦៨ឆ្នាំដ៏ល្អដែលរចនាដោយបណ្ឌិត យឹម កិច្ចសែ
  • លោកជាមិត្តរួមប៉ាកាជាទីគោរពដ៏ខ្ពង់ខ្ពស់មួយរូបនៅប្រទេសអាល្លឺម៉ង់
  • មិត្តដ៏ល្អរបស់ខ្ញុំនេះមិនដែលភ្លេចថ្ងៃសំខាន់នៃជិវិតខ្ញុំទេ។

ទឹកចិត្តនិងកាយវិការដ៏ប្រពៃនេះបណ្តាលឱ្យខ្ញុំរំភើបនិងមានចិត្តសោមស្ស

ក្រៃលែង រំភើបនឹងការផ្តល់តម្លៃខ្ពស់ដែលធ្វើឱ្យខ្ញុំរលីងរលោងទឹកភ្នែកនិង

ប្រឹងរស់ដើម្បីអាចសរសេរអ្វីៗដែលខ្ញុំចង់សរសេរ។  អរគុណបណ្ឌិត យឹម

កិច្ចសែនិងលោក សំ វិជ្ជាដែលបានសម្រឹតសម្រាំងប័ណ្ណដ៏ល្អជាទីពេញចិត្ត

នេះ។​

ខ្ញុំនិងរក្សាទុកប័ណ្ណនេះជាមរតកមិត្តភាពដ៏មានតម្លៃមួយប្រចាំជីវិតក្នុងនាម

ជាអ្នកស្រឡាញ់អក្សរសាស្ត្រអក្សរសិល្ប៍ខ្មែរមួយរូបនៅក្រៅប្រទេស៕

Sangwawann Bauk Sorng Aksor Sell

អំពីលោកប៉ិច ឈុនស្វាមីរបស់ខ្ញុំ ដែលជាបទសម្ភាសន៍៍របស់លោកកៅ សីហា

បទសម្ភាសន៍របស់លោក កៅ សីហាកាលពីខែកញ្ញាឆ្នាំ២០១១ អំពីលោកប៉ិច ឈុនស្វាមីរបស់ខ្ញុំ

បទសម្ភាសន៍របស់លោក កៅ សីហាអំពីស្វាមីខ្ញុំដែលបានផ្សាយក្នុងទស្សនាវដ្តី ឡេហ្សោមស្ស៍LES HOMMESកាលពីខែកញ្ញាឆ្នាំ២០១១នៅរាជធានីភ្នំពេញ 

 

យូ បូ៖ អ្នកនិពន្ធ គឺជាអ្នកស្រឡាញ់មនុស្ស កសាងមនុស្ស និងសង្គមជាតិ – RFI Khmer

191357នេះ​ជា​ឧទាហរណ៍​មួយ

​នៃ

​ជីវិត​អ្នកនិពន្ធ​ខ្មែរ។

ខ្ញុំ​ធ្លាប់​បាន​ស្គាល់​និង​បាន​អានស្នាដៃ​លោក យូ បូ​ ខ្លះ​ដែរ។ ខ្ញុំ​នឹក​សរសើរ​ទឹក​ចិត្ត​លោក​ដែល​បាន​ជួយ​ស្រោច​ស្រង់​អក្សរសាស្ត្រ​អក្សរ​សិល្ប៍​ខ្មែរ​ឡើងវិញ​បន្ទាប់ពី​របប​វាល​ពិឃាត​ខ្មែរ​ក្រហម ដោយ​លោក​បាន​ផ្តួច​ផ្តើម​បង្កើត​សមាគម​អ្នកនិពន្ធ​ខ្មែរ​ឡើង​វិញ និង​បាន​សរសេរ​ស្នាដៃ​ជា​ច្រើន​ផ្សេង​ទៀត​​។

ខ្ញុំ​សូម​លើក​យក​បទយកការណ៍​បែប​ប្រវត្តិ​ជីវិត​ (profil – portrait) នេះ​មក​ផ្សាយ​ឡើងវិញ។ កិច្ច​ការ​នេះ​ជា​របស់ ហេង ឧត្តម ដែល​ វិទ្យុ​បារាំង​អន្តរជាតិ ផ្សាយ​កាល​ពី​ថ្ងៃទី​១៧ មករា ២០១៥ កន្លង​ទៅ។

 you-bo

លោក​ យូ បូ គឺ​ជា​អ្នកនិពន្ធ​ជើង​ចាស់​មួយ​រូប និង​ជា​​អ្នក​ដែល​​បាន​បង្កើត«​សមាគមអ្នក​និពន្ធ​ខ្មែរ​»​ឡើង​វិញ ក្រោយ​ពី​​របបខ្មែរ​ក្រហម។ មាន​អ្នកនិពន្ធ កវី និង​អ្នកកាសែត​​ជំនាន់​ក្រោយ​​ជា​ច្រើននាក់​ដែលបាន​ទទួល​ការ​អប់រំ​បណ្តុះបណ្តាល​ពីសមាគម​អ្នកនិពន្ធ​ខ្មែរ។ នៅ​ក្នុង​ជីវិត​ជា​អ្នកសរសេរ​​ លោក យូ បូ តែ​ង​ប្រាប់​កូន​សិស្ស​របស់​លោក​​ថា   ត្រូវ​ឈរ​លើ​ស្មារតី​ស្រឡាញ់​មនុស្ស​ជាតិ​   ហើយ​ត្រូវ​សរសេរ​ដើម្បី​កសាង​ម​នុស្ស កសាង​គ្រួសារ​ និង​កសាង​សង្គម​ជាតិ​។ យ៉ាងណា​ក៏ដោយ​ នៅ​ក្នុង​អាជីព​ជា​​អ្នកនិពន្ធ​និងអ្នក​កាសែតជា​ច្រើន​ជំនាន់​ លោកគ្រូ​តែង​តែ​រម្លឹក​ដល់​កូន​សិស្សដែល​​រៀន​កាសែត​និងរៀន​​តែងនិពន្ធ​ជំនាន់ក្រោយ​ជានិច្ច​ថា ធ្វើ​ជា​អ្នកនិពន្ធ​ និង​អ្នកសែតដែល​ឯករាជ្យ​​ត្រូវ​ត្រៀម​ខ្លួន​និង​ដឹង​ខ្លួន​ជា​មុន​នូវ​បីចំណុច គឺ ​ស្លាប់ ជាប់​គុក និង​រត់​ចោល​ស្រុក។

សូម​ស្តាប់​បទ​យក​ការណ៍​របស់ ហេង ឧត្តម ដែល​ វិទ្យុ​បារាំង​អន្តរជាតិ ផ្សាយ​កាល​ពី​ថ្ងៃទី​១៧ មករា ២០១៥ ដូច​តទៅ៖ http://mfi.re/listen/5ueyue5o5h42u2h/Oudom-feature-khmer_writer-You_Bo-17-01-2014.mp3

​២៤​ វិច្ឆិកា ២០១៤ ជាថ្ងៃខួបគំរប់៦៧ឆ្នាំរបស់ខ្ញំ

ពេល​វេលារំកិលទៅមុខឥតងាកក្រោយឡើយ។

កុមារភាព យុវភាពរបស់ខ្ញុំបានកន្លងផុតទៅយ៉ាងលឿន

ជាងកន្លះសតវត្សរ៍ទៅហើយ។

ជរាភាព

របស់ខ្ញុំកំពុងតែបោះជំហ៊ានទៅមុខឥតបង្អង់ ។

រាល់ថ្ងៃ ខ្ញុំតែងតែសួរខ្លួនឯងថា

តើមុននឹងលាចាកលោកនេះទៅ

ខ្ញុំមានកម្លាំងនឹងបំរើអក្សរសាស្រ្តបានប៉ុន្មានរដូវទៀត

បើអារម្មណ៍និងកម្លាំងខ្ញុំចុះទន់ខ្សោយច្រើនដូច្នេះទៅតាមវ័យជរាទៅហើយ?។

ក្នុងនាមជាអ្នកនិពន្ធ អ្នកអក្សរសាស្ត្រ និង

អ្នកសារព័ត៌មានចូលនិវត្តន៍នៃវិទ្យុបារាំងអន្តជាតិRFIមួយរូប

ខ្ញុំកំពុងតែសរសេរសៀវភៅជីវប្រវត្តិរបស់ខ្ញុំដើម្បីទុកជូនក្មួយៗនិងចៅៗអាន

ប៉ុន្តែ

តើសៀវភៅជីវប្រវត្តិរបស់ខ្ញុំ

ដែលខ្ញុំទើបតែចាប់ផ្តើមបានបន្តិចនោះ អាចនឹងបញ្ចប់ហើយចេញជារូបរាង

និងបោះពុម្ពផ្សាយទាន់ពេលដែលខ្ញុំនៅមានជីវិតឬទេ?

កំពុងតែខ្វល់រាល់ថ្ងៃ ស្រាប់តែខ្ញុំបានទទួល

ប័ណ្ណជូនពរថ្ងៃកំណើតខ្ញំគម្រប់៦៨ឆ្នាំមួយដ៍ល្អស្អាត។

ក្រោយពីខ្ញុំបាន

អានប័ណ្ណជូនពរថ្ងៃកំណើតរបស់បណ្ឌិត យឺម កិច្ចសែ 

អតីតសាស្ត្រចារ្យអក្សរសាស្ត្រខ្មែរមួយរូប និងជាអតីតសាស្ត្រាចារ្យ

អក្សរសាស្ត្រខ្មែររបស់ប្អូនស្រីខ្ញុំ​  ព្រហ្ម វ៉ាន់មុនី និងភរិយារបស់លោក

ដែលសព្វថ្ងៃនេះរស់នៅក្នុងប្រទេសអាល្លឺម៉ាញ

ដែលប្រកប

ដោយកម្រងពាក្យពេចន៍មិត្តភាពដ៏ក្រអូបចារភ្ជាប់ក្នុងចំណងជើងថា​

«ពរជ័យជូនស្រ្តីអក្សរសាស្រ្តនាម សង្វាវ៉ាន» និងអប់ដោយក្លិនកំណាព្យ ជូនពរ

ដ៏ក្រអូប និងពីរោះជាទីពេញចិត្ត

ទាំងអស់នេះ

ជាកម្លាំងទិព្វពិសេសបំផុតដែលជម្រុញឱ្យខ្ញុំប្រឹង

សរសេរបន្តនូវសៀវភៅ​ស្តីពីប្រវត្តិពិតរបស់ខ្ញុំបន្តទៀត។

ខ្ញុំសង្ឃឹមថា

សៀវភៅនេះនឹងអាចសរសេរចប់ជាស្ថាពរ សមតាមសេចក្តីប្រាថ្នា

និងការកំណត់ទុករបស់ខ្ញុំក្នុងឆ្នាំ២០១៥​ខាងមុខនេះ៕

ខួបគំរប់៦៨ឆ្នាំរបស់ខ្ញំ

ខួបគំរប់៦៨ឆ្នាំរបស់ខ្ញំ

អរគុណបណ្ឌិត យឹម កិច្ចសែ កវីឯក

នៅប្រទេសអាល្លឺម៉ាញដែលបានប្រើពេលយ៉ាងច្រើនក្នុងការរៀបចំប័ណ្ណដ៏ល្អនេះ។

អរគុណជាអតិបរមាចំពោះឯកឧត្តម ព្រឿង ប្រណិត

កវីឯកដែលបានទូរស័ព្ទជូនពរខ្ញុំពីខេត្តឧត្តរមានជ័យរៀងរាល់ឆ្នំា

ឆ្នាំនេះ ឯ.ឧ.ក្មួយបានផ្ញើសារដែលមានសេចក្តីទាំងស្រុងថា :
 
ក្នុងឱកាសកំណើតរបស់អ្នកមីងក្មួយ និងភរិយា សូមគោរពជូនពរអ្នកមីង ព្រមទាំងក្រុមគ្រួសារ
សូមទទួលបាន សុខភាពល្អ សំណាងល្អ និងជោគជ័យគ្រប់ភារកិច្ច
ព្រមទាំងជួបប្រទះនូវពរជ័យទាំងឡាយដែរមាននៅលើលោក៕
ឆ្លៀតក្នុងឱកាសនេះដែរខ្ញុំ នៅតែនិយាយពាក្យដដែរៗថា «អរគុណអ្នកមីង»
ដែលបានអនុញ្ញាតឲ្យខ្ញុំបានស្គាល់ទឹកអ៊ឺរ៉ុប ស្គាល់ពិភពខាងក្រៅ និងទទួលបានបទពិសោធន៍ជាច្រើន។

ថ្ងៃនេះក្មួយកំពុងរង់ចាំឲ្យតែមេឃភ្លឺ នឹងអាលទូរស័ព្ទទៅជូនពរអ្នកមីង។

អំពីក្មួយ
ព្រឿង ប្រណីត

និង

អរគុណជាពិសេសចំពោះ

លោក ហេង ឧត្តម

ផងដែរដែលបានជួយវាយអត្ថបទខាងក្រោមនេះដែលជាកាដូសំខាន់មួយ។

គ្រប់យ៉ាងដែលរៀបរាប់ខាងលើនេះសុទ្ធសឹងជាអំណោយ

ដ៏មានតម្លៃបំផុតចំពោះរូបខ្ញុំ។

សូមអញ្ជើញអាន

ឆ្នាំ​១៩៤៦ – ១៩៤៧

ជីវភាព​ថ្មី​នៅរាជ​ធានីភ្នំពេញ

លោក យី ស៊ុម និងភរិយា ឌីវណ្ណ  ទិញ​បាន​ដី​មួយ​ដុំ​នៅ​ភូមិ​បឹង​កេង​កង​ សង្កាត់​លេខ​៦​

ក្រុង​ភ្នំ​ពេញ។ ដីនោះ មាន​ទំហំ​ប្រហែល​៧រយ​ម៉ែត្រ​ការ៉េ។ លោក​បាន​រក​ជាង​ឲ្យ​សង់​

ផ្ទះឈើប្រក់​ក្បឿង​ធំ​ទូលាយ​នៅ​លើ​ទំហំ​ដី​ពាក់​ណ្តាល​ខាង​ក្រោយ។ គេហដ្ឋាននោះ​

នោះ​បែរ​មុខ​ទៅ​ទិស​ខាង​លិច មាន​ជណ្តើរត្រង់​ជាង១០កាំ ។

ក្រោយមក លោកប៉ានិងអ្នកម្តាយបានលើកផ្ទះឈើនេះប្រគេនសម្តេចព្រះគ្រូព្រះចៅ

អធិការកែវ អ៊ូច ​គង់នៅវត្តបុទុមវតី  បើខ្ញុំមិនច្រឡំថានះរបស់ព្រះអង្គទេ ដើម្បីជាកិច្ច

តបស្នងព្រះគុណព្រះអង្គដែលបានទទួលឱ្យលោកប៉ាស្នាក់នៅក្នុងពេលដែលលោក

ប៉ាឡើងពីកម្ពុជាក្រោមមកបន្តការសិក្សាក្នុងរាជធានីភ្នំពេញ។ ក្រោយមក លើដី

ដដែលនេះ លោកប៉ាបានរកជាងសង់ជាវិឡាដ៏ស្តុកស្តម្ភមួយពេញលើផ្ទៃដី ទុកតែ

បន្តិចខាងមុខដើម្បីធ្វើសួនច្បារ​  និងទុកដីនៅកៀនផ្ទះប៉ែកខាងកើត ​និងខាង

ក្រោយផ្ទះដែលមានទទឹងប្រហែលជាងមួយម៉ែត្រប៉ុណ្ណោះ ។ ភូមិគ្រឺះដ៏មាំនេះ

នៅគង់វង់រហូតដល់សព្វថ្ងៃនេះ​ហើយត្រូវគេយកនៅទទេព្រោះយើងជាម្ចាស់ផ្ទះ

បានរត់គេចភៀសខ្លួនពីរបបយង់ឃ្នងមកនៅប្រទេសបារាំងតាំងពីឆ្នាំ១៩៧៧។

ក្រោយពីរបបខ្មែរក្រហម  អ្នកដែលចូលមកនៅបែងចែកជាល្វែងលក់តគ្នា។

ក្នុងបច្ចុប្បន្នកាលនេះ អតីតវីឡារបស់យើង ដាក់លេខ «២៨២» មិនមែនលេខ

«៣៩» ដូូចពីដើមទេ។

គឺជាភូមិគ្រឹះម៉ូតសាមញ្ញមួយ ដែលស្ថិតលើ​«វិថីសម្តេចល្វីឯម ក្នុងសង្កាត់

បឹងកេងកង១ ក្រុងភ្នំពេញ ។ដីដែល​​សល់​ពាក់​កណ្តាលខាង

​មុខ លោកយ៊ីស៊ុម​មាន​គម្រោង​ទុក​ស្ថាបនា​ផ្ទះ​បី​ល្វែង​ជាន់​ផ្ទាល់​ដី។ ពីរ​ល្វែង

​សម្រាប់​ជួល។ មួយ​ល្វែង​ទៀត​ គ្រួសារស្នាក់​​នៅបណ្តោះអាសន្នសិន។ លោក

បាន​សន្សំប្រាក់​ឈ្នួល​ផ្ទះ​ ​ទុក​សង់ភូមិ​គ្រឹះ​មួយ​ក្នុង​អនាគត​កាល។

មួយ​ឆ្នាំ​ក្រោយ​មក គូ​ស្វាមី​ភរិយា​នេះបាន​បុត្រី​មួយ​។ ទារិកា​នេះ​ ចាប់​កំណើត

​ឃើញ​ពន្លឺ​ព្រះ​អាទិត្យ​នៅថ្ងៃច័ន្ទ ទី​២៤ ខែ​វិច្ឆិកា ឆ្នាំ​១៩៤៧។

លោក​យាយ​ស្បៃ​រឿង​ក៏​មាន​វត្តមានក្នុង​ពេល​បុត្រី​សម្រាលដែរ។​ ការ​ប្រសូត​បុត្រ​ក្នុង​

ជំនាន់​នោះ ប្រព្រឹត្ត​នៅ​ផ្ទះ។  ពេលចេញពីឧទរមាតា ទារិកា​មាន​សង្វារព័ទ្ធ​ជុំវិញ​ក។ ​

ឆ្មប​មាន​ការ​លំបាកយក​សង្វារ​ចេញ​ពី​កទារិកាណាស់ ព្រោះបើគេយក​​មិន​ស្រួលទេ​​

អាច​បាក់​ក​ដ៏​ទន់​ខ្ចី​របស់​ទារិកានេះ។ ដោយសារតែនាង​កើត​មក​មាន​សង្វារ​ ទើប

​លោក​យាយស្បៃ​រឿងដែលជាជីដូនដាក់​ឈ្មោះ​ចៅស្រី​ច្បងនេះថា«សង្វាវ៉ាន[១]»​។

ទារិកា​សង្វាវ៉ានមាន​សក់​ច្រើន​ខ្មៅ​ក្រឹប ។ សាច់​ក្រហម​រងាល​ដែល​ចាស់ៗ​ចំណាំ​ថា

ប្រែ​សម្បុរ​ជា​ស​នៅពេល​ធំបន្តិច…………………………………………………………………

សូមស្លេស ( ដកស្រង់ចេញពីសៀវភៅជីវប្រវត្តិរបស់​ខ្ញុំ ដែលខ្ញំកំពុងតែសរសេរ ។សៀវភៅនេះគ្រោងចេញផ្សាយឆ្នំា២០១៥  )

*

*         *

[១] សង្វារដែលជាអត្តនាមរបស់​ខ្ញុំ សរសេរអត់ដាក់ «រ» ទេ។

ចំណែកឯអ្នកដែលបានកើតក្នុងខែវិច្ឆិកានេះដែរ ហើយក៏ជាអ្នកនិពន្ធនិងជាកវី

ខ្មែរយើងដែរមាននាមថា:

លោកស្រីសេដ្ធារិន រស់នៅក្នុងប្រទេសជប៉ុន

Por Chey Choun Neang Seus Srei Vei Hok Sep

និង

បណ្ឌិត យឹមកិច្ច សែ ក្នុងប្រទេសអាល្លឺម៉ាញ

Happy 68th Birthday

​ក.ក.ន

សូមម្ចាស់ប័ណ្ណពីររូប​ពីររូបជាទីគោរពស្រឡាញ់រាប់អានទាំងពីររូបនិង

អ្នកដែលបានរៀបចំរចនាប័ណ្ណដ៏ល្អស្អាតនេះអនុញ្ញាតការផ្សាយរូបថត

ប័ណ្ណទាំងពីរនេះ ពីររូបជាទីគោរពស្រឡាញ់រាប់អានពីររូប និងលោក

អ្នកអានទាំងអស់ដែលកើតក្នុងខែវិច្ឆិកាដែរ មានសុខភាពល្អមាំមួន និង

ប្រកបដោយសុភមង្គល និង វឌ្ឍនភាពជានិច្ចនិរន្តរ៍៕

ធម្មជាតិ​​ជា​អ្នកនិពន្ធ និងអ្នក​សារព័ត៌មាន​វិទ្យុុដោយ​ ប៉ិច សង្វាវ៉ាន

IMG_9084 នៅ​ឆ្នាំ​២០១០ ខ្ញុំ​បាន​ចូលរួម​ជា​វាគ្មិន​ក្នុង​សិក្ខាសាលា​«ធម្មជាតិកវីនិពន្ធ» ដែល​រៀប​ចំ​ដោយ សមាគម​អក្សរ​​សិល្ប​នូហាច សហការ​ជាមួយ​ សមាគម​អ្នកនិពន្ធខ្មែរ​នៅបរទេស​ប្រចាំ​ប្រទេស​បារាំង (AEKE) និង​សមាគម​អក្សរសិល្ប៍​ដទៃ​ជា​ច្រើន​ទៀត។ ប្រធាន​បទ​ដែល​ខ្ញុំ​ត្រូវ​និយាយគឺ «ធម្មជាតិ​​ជា​អ្នកនិពន្ធ និងអ្នក​សារព័ត៌មាន​វិទ្យុ»។​ ​គ្រានោះ ខ្ញុំ​បាននិយាយ​ពី​បទពិសោធ​និង​ធម្មជាតិ​ផ្ទាល់​ខ្លួនមួយ​ចំនួន ទាក់​ទង​នឹង​បទនិពន្ធ និង​វិជ្ជាជីវៈ​សារព័ត៌មាន​វិទ្យុ។ លោកអ្នក​នាង​ អាច​ស្តាប់​សំឡេងនៃ​បទ​អន្តរាគមន៍​របស់​ខ្ញុំ​នៅទីនេះ៖  http://mfi.re/listen/m89vi5qzc88w257/Pech_Sangwawann-Nou_Hach_seminaire_2010.wav IMG_9406