Category Archives: ទំព័រគ្រីស្ទបរិស័ទ

ភាពយន្តវិដេអូ៖មនុស្សស្មោះមិនអស់សង្ឃឹម

  ​និពន្ធ ដឹកនាំ និង ផលិតដោយ ម៉ា​ ច័ន្ទបញ្ញា

នេះជាស្នាដៃដំបូងរបស់ម៉ា ច័ន្ទបញ្ញា​ ប៉ុន្តែ

ជាការសម្តែងលើកទីពីររបស់គេ

បន្ទាប់ពីរឿង

«បេះដូងស្រស់ស្អាត»

ដែលបានផ្សាយក្នុងគេហទំព័រដដែលនេះ

កាលពីថ្ងៃ២៨ មីនា ២០១៣កន្លងទៅ៕

សូមអញ្ជើញទស្សនា ដោយចុចលើខ្សែដំណខាងក្រោម។

http://youtu.be/ymjWtoWgyYA

វីដេអូចម្រៀង ៖ ច្រូតថ្វាយព្រះអង្គ

ជូនចំពោះបងប្អូនគ្រិស្ទជន

ព្រះបង្កើតគ្រប់ទាំងអស់

ជូនបងប្អូនគ្រឹស្ទជនទាំងអស់…

វិបត្តិ​ផ្លូវ​ចិត្ត និពន្ធដោយ លោក ដឺនី វ៉ា

វិបត្តិ​ផ្លូវ​ចិត្ត

និពន្ធដោយ លោក ឌឺនី វ៉ា

@ រក្សាសិទ្ធិគ្រប់យ៉ាងដោយអ្នកនិពន្ធ

191038

បុព្វយោគរបស់លោកឌឺនី វ៉ា

សព្វថ្ងៃនេះមានជំងឺច្រើនបានកើតមានបន្តបន្ទាប់ ដែលបណ្តាលឲ្យមនុស្សភាគច្រើនមានសេចក្តី

បារម្ភជាខ្លាំង។ រោគទាំងប៉ុន្មានដែលយើងតែងតែឮនោះជារោគខាងផ្លូវកាយរបស់យើង។ ប៉ុន្តែមាន

ជំងឺមួយបែបទៀតសំខាន់ខ្លាំង និងគួរឲ្យយើងចាប់អារម្មណ៍ គឺរោគធ្លាក់ទឹកចិត្តអស់សង្ឃឹមខ្លាំង

( La dépression) ដែលជារោគ«វិបត្តិខាងផ្លូវចិត្ត»។ ជំងឺនេះបណ្តាលឲ្យមានគ្រោះថ្នាក់ខ្លាំងណាស់

ហើយក៏ជាជំងឺឆ្លងដែរ។ ជំងឺអាក្រក់នេះបានសម្លាប់មនុស្សជាច្រើន ដោយអំពើអត្តឃាតកម្ម (Le

suicide) ដែលបានបំបែកគ្រួសារជាច្រើន រវាងប្តីប្រពន្ធ ឪពុកម្តាយនិងកូន និងញាតិមិត្តឯទៀត ។

ជំងឺនេះអាចបំផ្លាញសុភមង្គលនៃជីវិតរបស់សាមីខ្លួននិងគ្រួសារដោយងាយបំផុត និង តែងតែ

បណ្តាលឲ្យកាយមានជំងឺដែរ។ គ្មាននរណាម្នាក់អាចជៀសផុតពីផលវិបាកដែលបណ្តាលមកពី

ជំងឺនេះបានទេ ដរាបណាយើងមានជីវិតរស់នៅក្នុងលោកនេះ។ ដ្បិតជំងឺនេះ មិនខុសពីរោគគ្រុន

ផ្តាសាយដែលមិនរើសមុខបុគ្គលណាម្នាក់គ្រប់សញ្ជាតិ គ្រប់វណ្ណៈ គ្រប់ស្ថានភាពមនុស្សឡើយ។

ពោលគឺគ្រប់រូប និងគ្រប់ជំនាន់មនុស្សតែងតែជួបប្រទះម្តងម្កាល ដោយឆ្លងកាត់មួយរយៈពេលខ្លី

ឫយូរខែឆ្នាំរហូតដល់ទទួលលទ្ធផលល្វីងជូរចត់បំផុតដូចបានរៀបរាប់ខាងលើជាស្រេច។ គួរឲ្យ

ស្តាយថ្វីត្បិតតែសេចក្តីអាក្រក់នេះមានភាពកាចសាហាវ ដែលអាចបណ្តាលឲ្យវិនាសអន្តរាយ

ដល់អ្នកដែលបានជួបប្រទះ ឬកំពុងតែឆ្លងកាត់តែមនុស្សភាគច្រើនមិនបានចាប់អារម្មណ៍ពីការ

នេះទេ ឬមិនស្គាល់ថាជារោគមួយដែលត្រូវព្យាបាលទេ ។ ជាពិសេសចំណោមបងប្អូនខ្មែរយើង

ប្រហែលជាគ្មានសៀវភៅដែលពន្យល់ពីបញ្ហានេះផង ឬក៏មានដែរតែគេមិនរវល់ចង់ដឹងនិងចង់

អាន។

ខ្ញុំសូមអរគុណព្រះជាអម្ចាស់យេស៊ូគ្រីស្ទ ដែលបានអនុញ្ញាតឲ្យខ្ញុំទៅសិក្សាព្រះគម្ពីរនៅវិជ្ជាស្ថាន

ព្រះគម្ពីរដើម្បីឲ្យបានស្គាល់ព្រះអង្គកាន់តែច្បាស់ថែមទៀត ហើយដោយសារការសិក្សានោះ ខ្ញុំក៏

បានពើបប្រទះនូវមុខវិជ្ជាមួយ ដែលបង្ហាញនូវសេចក្តីអាថ៌កំបាំងនេះ និងដែលធ្វើខ្ញុំចាប់អារម្មណ៍

ជាខ្លាំងដ្បិតបានជួយរូបខ្ញុំជាច្រើន ហើយម្យ៉ាងទៀត ខ្ញុំបានសង្កេតឃើញថា សព្វថ្ងៃនេះ រោគនេះ

បាននិងកំពុងរាលដាលយ៉ាងខ្លាំងមិនតែខាងក្រៅព្រះវិហារទេ គឺរាលដាលនៅក្នុងពួកជំនុំជាច្រើន

នាក់ផងដែរ។

ដោយយល់ឃើញថា ជាការមានប្រយោជន៍ឲ្យបងប្អូនរួមជំនឿទាំងអស់ និងបងប្អូនគ្រប់គ្នាបាន

ស្គាល់លក្ខណៈរបស់រោគនេះ និងរបៀបការពារខ្លួនដែរ ​បានជាខ្ញុំសម្រេចចិត្តសរសេរបរិយាយ

អំពីបញ្ហានេះឡើង។ ជាដំបូង យើងរៀនសម្គាល់រោគនេះ។  បន្ទាប់មកយើងរកមូលហេតុដែល

បណ្តាលឡើង។ នៅចុងក្រោយបង្អស់ យើងនិយាយពីការធ្វើដូចម្តេចដើម្បីការពារខ្លួនឬព្យាបាល

ខ្លួនឲ្យបានរួច។

សូមព្រះអង្គប្រទានពរឲ្យការអានរបស់បងប្អូនមានប្រយោជន៍ជាច្រើន ​ដូចជារូបខ្ញុំផ្ទាល់ដែរ។

ក្នុងការសរសេរនេះ ខ្ញុំលាយបញ្ចូលនូវសេចក្តីបង្រៀនក្នុងសៀវភៅខ្លះដែលខ្ញុំបានអាន។ ហេតុ

ដូចនេះ ​ខ្ញុំសូមប្រើភាសារដើមខ្លះដើម្បីស្រួលយល់ជាងពាក្យខ្មែរ៕

191628

លក្ខណៈ​របស់​ជំងឺ Symptôme

 

          សេចក្តី​ហិន​វិនាសដែល​បណ្តាល​ឡើង​ដោយ​រោគ​នេះ ដូច​បាន​រៀបរាប់​មក​ហើយ បង្ហាញ​ឱ្យ​ឃើញ​ថា ជំងឺ​នេះពិត​ជា​ពោរ​ពេញ​ដោយ​គ្រោះ​ថ្នាក់​ ហើយ​ឆ្លង​ផង។

          ឧទាហរណ៍​ពី​គ្រួសារ​មួយ​ដែល​ស្ថិត​នៅ​ក្នុង​ភាព​គួរ​ឱ្យ​អាណោច​ណាស់៖ ស្ត្រី​ម្នាក់​កំពុង​យំអណ្តឺត​អណ្តកយ៉ាង​យូរ​ ដោយ​ក្រាប​មុខ​នៅ​លើ​តុ​មួយ​នៅ​កណ្តាល​ផ្ទះ រីឯ​នៅ​ជ្រុង​ផ្ទះ​បុរស​ជាប្តី​ឈរ​ដោយ​ស្ងៀម​ស្ងាត់​ ដោយ​ដោយ​មាន​ចិត្ត​ក្រៀម​ក្រំ​ដែរ នៅ​ជិត​មាត់ទ្វារ​ កូន​គាត់​ទាំងបី​កំពុង​ឈរ​ដោយ​ស្រងូត​ស្រងាត់​សម្លឹង​មើល​មក​ភាព​ដ៏​កម្សត់​នេះ។ ជំងឺរបស់​ស្ត្រី​នេះ​បាន​នាំ​មក​នូវ​សេចក្តី​ទុក្ខ​សោក​ដល់​គ្រួសារ​ ហើយ​បាន​ឆ្លង​ដល់​ប្តី​និង​កូ​ន​ផង។

          រោគ​នេះ អាច​បង្ហាញ​រូប​រាង​របស់​វា​តា​មសណ្ឋាន​ផ្សេងៗ យើង​មិន​អាច​នឹងរៀប​រាប់​ឱ្យ​បាន​គ្រប់​ទាំង​អស់​បាន​ទេ តែយើង​អាច​លើក​យក​ខ្លះៗ​ដែល​តែង​តែជួប​ប្រទះ​ជា​រឿយ​ៗ​​មក​ធ្វើ​ជា​ទីសម្គាល់ ៖

          ១- មាន​បញ្ហា​ក្នុង​ការ​ទទួល​ទាន​ដំណេក

          ដោយរោគ​នេះ ខ្លះ​គេង​ច្រើន​ជ្រុល​ហើយ​ភ្ញាក់​ឡើង​អស់​កម្លាំង​ភ្លាម​ តែម្តង​ដោយ​មិន​ទាន់​បាន​ធ្វើ​អ្វី​សោះ។ ផ្ទុ​យ​ពី​នេះវិញ ខ្លះ​គេង​មិន​បានសោះ ឬ​បាន​តែ​បន្តិច​ហើយ​ភ្ញាក់​ឡើង​ដោយ​មិន​អាច​គេង​លក់​វិញ​សោះ​តែម្តង។ លោក​វេជ្ជ​បណ្ឌិត​ព្យាបាល​រោគ​វិបត្តិ​ផ្លូវ​ចិត្ត​ម្នាក់​ (Psychiatre) បាន​សម្តែង​ថា មនុស្ស​ពេញវ័យ​ត្រូវ​ការ​គេង​ប្រាំ​បីម៉ោង ក្មេងត្រូវ​ការ​ប្រាំបួន​ម៉ោង​ទៅដប់​ម៉ោង ទារក​ត្រូវ​ការ​ច្រើន​ជាង​ទៅ​ទៀត ចំណែក​វ័យ​ចាស់​ជរា​វិញ ត្រូវការ​តែប្រាំពីរឬប្រាំមួយ​ម៉ោង​ប៉ុណ្ណោះ។

          ២- អស់​កម្លាំង​ជា​ញឹក​ញាប់ ខ្ជិល​ក្នុង​ចិត្ត​ជានិច្ច​ មិន​ចង់​ធ្វើ​អ្វីសោះ។

          ៣- មិន​ឃ្លាន​ចំណី អ្នក​ដែល​អស់​សង្ឈឹម​ខ្លាំង​អាច​មិន​ឃ្លាន​ចំណី​ជា​ច្រើនថ្ងៃ​ ដោយ​មិន​ទទួល​ទាន​អ្វី​សោះ។

          ៤- បាត់​តម្រេក​តណ្ហា ពិសេស​ចំពោះ​ស្រ្តី ឬ​ជួនកាល​ធ្វើ​ឱ្យ​បាត់​រដូវ«ការ​មក​ខែ​ថ្ងៃ»​របស់​ស្ត្រី​ផង។

          ៥- លែង​រវល់​នឹងការតុប​តែង​ឬ​សម្អាត​ខ្លួន​ ខុស​ពី​ទម្លាប់​ដែល​ធ្លាប់​តែ​ធ្វើ​ពី​មុន។ មនុស្ស​ម្នាក់​ដែល​ធ្លាប់​តែ​តែ​តុប​តែង​ខ្លួន​ស្អាតបាត តែពេល​មាន​ជំងឺ​អស់​សង្ឃឹម​នេះ (La dépression) លែង​រវល់​ពី​រូប​កាយ​ខ្លួន​តែម្តង។

          ៦- បង្កើត​ប្រតិកម្ម​ផ្សេងៗក្នុង​រូបកាយ៖ ធ្វើ​អ្វី​បន្តិច​ឆាប់​ហត់ ឈឺចុក​ចាប់​កន្លែង​ផ្សេងៗ​ ច្រើន​ឈឺ​ក្បាល​ (Migraine) វិល​មុខ បេះ​ដូង​ដើរ​មិន​ស្មើ​ចង្វាក់​ ទល់​លាមក ការ​បញ្ចេញ​ញើស​ជា​ញឹក​ញាប់ រលាក​ក្រពះ អន់​ស្មារតី។

          ៧- ធុញ​ទ្រាន់នឹង​មនុស្ស អាច​ធុញ​ទ្រាន់​នឹង​ប្តី​ ឬ ប្រពន្ធ​ខ្លួន កូន​របស់ខ្លួន​ និង​ខ្លួនឯង​ រួច​មក​ដល់​មនុស្ស​ទាំង​អស់។

          ៨- មា​នភាព​ស្រពាប់​ស្រពោន ចេះតែពិបាក​ចិត្ត ​ទោះ​ជា​ពេល​ខ្លះ​បាន​ស្ថិត​នៅ​ក្នុង​ភាព​គួរ​ឱ្យ​សប្បាយ​ក៏ដោយ។

          ៩- ចេះតែ​បណ្តាល​ឱ្យ​ចង់​ស្រែក​យំ។

          ១០- ចេះតែ​មាន​ការ​ទំនាស់​ចិត្ត​ដែល​នាំ​ឱ្យ​រហ័ស​ខឹង​ ហើយ​ចេះ​តែ​ត្អូញ​ត្អែរ​ ឆាប់​ប្រកាន់​ ឬ​អន់​ចិត្ត​នឹង​ពា្យ​សម្តី ឬ​អាកប្បកិរិយា​របស់​គេ។

          ១១- ចេះតែ​ភ័យ​បារម្ភ ភ័យ​ខ្លាច ខ្វល់​ខ្វាយ។

          ១២- មាន​អារម្មណ៍ថា ខ្លួន​ជាមនុស្ស​ឥត​ប្រយោជន៍​ ធ្វើ​អ្វី​ក៏​មិន​កើត ​នាំ​ឱ្យ​គិតថា រស់​នៅ​ឥត​ន័យ​។

          បន្ទាប់​ទៅនេះ ខ្ញុំ​នឹង​រៀប​រាប់​អំពី​មនុស្ស​ពីរ​នាក់​ដែល​កំពុង​តែមាន​រោគ​អស់​សង្ឃឹមនេះ៖

បុរស​ម្នាក់​ជា​មេ​គ្រួសារ​បា​នដួល​ដោយ​ការ​ខំប្រឹង​ហួស​កម្លាំង(surmenage)គ្រូពេទ្យ​ដែល​មើល​​​​​ជំងឺ​គាត់​បាន​ចេញ​បង្គាប់​ឱ្យ​គាត់​ឈប់​សម្រាក​នៅ​ក្នុងមន្ទីរ​សម្រាក​ណា​​មួយ​តាម​តែ​គាត់​ជ្រើស​រើស។ ប៉ុន្តែ ​ពេល​ដែល​គាត់​ជួប​គ្រូ​គង្វាល​ម្នាក់ គាត់​បាន​ត្អូញ​ត្អែរ​យ៉ាង​ដូច្នេះ​ថាដប់​ប្រាំបី​ខែហើយ​ដែល​ខ្ញុំ​បាន​សម្រាក​នៅ​ទីនេះតាម​ដែល​គ្រូពេទ្យ​បាន​បង្គាប់​មក។ ខ្ញុំ​បាន​ទទួល​ការ​សម្រាក​ស្ងៀម​ស្ងាត់ ចំណីអាហារ​យ៉ាង​ល្អ ការ​បម្រើឆ្វេង​ស្តាំ​យ៉ាង​គាប់​ចិត្ត តែ​ទោះ​ជា​យ៉ាងនេះ​ក៏​ដោយ ខ្ញុំ​នៅតែ​អស់​កម្លាំង​រលីង​ដូច​ពីមុន ដូច​ថ្ងៃ​ដែល​ទើបតែ​ចូល​មក​ ឥត​ឃើញ​ស្រួល​បន្តិច​សោះ​នៅ​តែ​ហេវ​ហត់​ឥត​មាន​កម្លាំង​ គ្មាន​កម្លាំង​ចិត្ត​សោះ គ្មា​ន​សេចក្តី​សង្ឃឹម​សោះ។

ដោយស្តាប់​នូវ​ការ​រ៉ាយ​រាប់​នេះ តើ​យើង​នឹង​ថា ជា​ជំងឺ​អស់​កម្លាំង​ធម្មតា​ឬ? ពិត​ជារោគ​អស់​កម្លាំង​ខាង​ផ្លូវចិត្ត​ដែល​បណ្តាល​មិន​ឱ្យ​គាត់​មាន​កម្លាំង​ខាង​ផ្លូវ​កាយ។

 

លោក​អេលីយ៉ា ជា​អ្នក​បម្រើ​ព្រះ​មួយ​ដ៏​ពេញ​ដោយ​ព្រះ​ចេស្តា​ ព្រោះ​បាន​ធ្វើ​ការ​អស្ចារ្យ​ជា​ច្រើន បាន​ប្រោស​មនុស្ស​ឈឺឲ្យបាន​ជា ​អធិស្ឋាន​ឱ្យ​រាំង​ភ្លៀង​​ អធិស្ឋាន​ឱ្យ​ធ្លាក់​ពីលើ​មេឃ​ ប៉ុន្តែ​គាត់​ក៏​បាន​ជួប​ប្រទះ​​នូវ​រោគ​នេះ​ដែរ។ លោកត្អូញ​ត្អែរ​ សូម​ព្រះ​អង្គ​ដក​ជីវិត​គាត់​នឹង​បាន​គេង​ជ្រុល​រហូត​មិន​គិត​ពី​ម្ហូប​ចំណីសោះ​។

ហេតុដែល​បណ្តាល​ឱ្យ​រោគអស់​សង្ឃឹមនេះ​កើត​ឡើងគឺ​ដោយ៖

១- រស់នៅ​ជីវិត​មួយ​ដែល​ស្រួល​ពេក​អាច​នាំ​ឱ្យ​មាន​ជំងឺ​នេះ ព្រោះ​​មិន​​សូវ​មា​នអ្វី្វធ្វើ​ នាំ​ឱ្យ​មាន​អារម្មណ៍​ថា រស់នៅ​ដោយ​ឥតប្រយោជន៍។

២- ការ​បាក់​កម្លាំង ដោយ​ធ្វើ​ការ​ហួស​កម្លាំង (Le surmenage)។

៣- ការ​ប្តូរ​វ័យ ៖ ចូល​វ័យ​ជំទង់​ ចូលវ័យ​ចាស់ ការអស់រដូវ (​ឈប់​មក​ថ្ងៃ​ខែ​របស់​ស្ត្រី La ménopause)។

៤- កំណើត​របស់​កូន ដែល​យើង​មិន​ចង់​បាន។

៥- ការ​ខក​ចិត្ត ការ​រស់​នៅ​យើង​តែង​ជួប​ប្រទះ​នូវ​ការ​ខក​ចិត្ត។ បើ​ការ​ខក​ចិត្ត​នេះ​មិន​បាន​សម្រួល​ឱ្យ​ចិត្ត​បាន​ស្រួល​វិញ​ទេ នោះ​វា​អាច​នាំ​ឱ្យ​ធ្លាក់​ដល់​រោគ​អស់​សង្ឃឹម​នេះ។

៦- មិនពេ​ញ​ចិត្ត​នឹង​ខ្លួន​ឯង (រូប​រាង ​ឬ​ពណ៌​សម្បុរ​របស់​ខ្លួន) និង​ចេះ​តែ​មិន​ស្កប់​ចិត្ត​នឹង​របស់​ទ្រព្យ​ដែល​ខ្លួន​មាន។

៧- ការ​ប្រៀប​ផ្ទឹម​ខុសច្រើន​ដង ​តែងតែ​ធ្វើ​ការ​ប្រៀប​ផ្ទឹម​ខុស គឺយើង​យក​ចំណុចខ្សោយ​​របស់​យើង​ទៅប្រៀប​នឹង​ចំណុច​ខ្លាំង​របស់​អ្នក​ដទៃ​។ ការ​នេះ​នាំ​ឱ្យ​មាន​ការ​តូច​ចិត្ត​ខ្លួន​ឯង។

៨- មាន​អារម្មណ៍ថា ​ជាប់​ចំណង​ក្នុង​ស្ថាន​ភាព​មួយ​ដែល​ពិបាក​ទ្រាំ​ទ្រឬ​ជាប់​ចំណង​​នឹង​អ្នក​ណា​ម្នាក់​ដែល​យើង​ពិបាក​ទ្រាំ​ទ្រ។ ឧទាហរណ៍៖ កូន​ច្រើន​ កើត​មួយ​ឆ្នាំ​មួយ​បន្ត​បន្ទាប់គ្នា នាំ​ឱ្យ​មាន​ការ​រវល់​ជា​ច្រើន​ ហើយ​រំខាន​ដល់​ការ​ចិញ្ចឹម​ជីវិត។ ម្តាយ​ដែល​ចង់​ចេញទៅ​ធ្វើ​ការ​ខាងក្រៅ មិន​អាច​នឹង​ធ្វើ​បាន​ព្រោះតែកូន នាំ​ឱ្យមាន​អារម្មណ៍​ថា​ជា​ជាប់​ចំណង ។ល។

ការ​មាន​អារម្មណ៍​ជាប់​ចំណង​នេះ​ មិន​គ្រាន់​តែជា​ហេតុ​អាច​បណ្តាល​ឱ្យ​មាន​រោគ​អស់​សង្ឃឹម​ទេ វា​ក៏​អាច​បណ្តាល​ឱ្យ​មាន​ការ​លែង​លះ​គ្នា​​ដែរ។ ឧទាហរណ៍ ពី​រនាក់​ប្តីប្រពន្ធ​មិន​ចង់​បា​នកូន ស្រាប់តែ​មាន​ផ្ទៃ​ពោះ​ ដូច្នេះ​នាំ​ឱ្យ​ចោទ​ប្រកាន់​គ្នា​ទៅវិញ​ទៅមក។

១០- ការ​ប្រកាន់​ជាប់​នៅ​ក្នុង​ចិត្ត​នូវ​​កំហឹង​ គំនុំ ភាព​ល្វីង​ជូរ​ចត់​នឹង​ព្រឹត្តិការណ៍ណាមួយ ដោយ​ដឹង​ខ្លួន ​ឬ​មិន​ដឹង​ខ្លួន (Le conscient ou le subconscient)។ ឧទាហរណ៍ បុរស​ម្នាក់​បាន​ចង​គំនុំ​នឹង​ឪពុក​របស់​ខ្លួន​តាំង​តែ​ពី​ក្មេង​មក​ម្ល៉េះ គំនុំ​នោះ​នៅ​តែ​ជាប់​នៅ​ក្នុង​ចិត្ត​របស់​គាត់។​ ការ​នេះ​នាំ​ឱ្យ​គាត់​រស់​នៅ​មិន​ស្រួល​សោះ ទាល់​តែ​ថ្ងៃ​មួយ​គាត់​បាន​ទៅ​ជួប​នឹង​គ្រូ​ខាង​ចិត្តសាស្ត្រ (psychologue) ដែល​បាន​វែក​ញែក​ឃើញ​សេចក្តីពិត​នេះ គាត់​ក៏​បា​នសម្រេច​ចិត្ត​លែង​ប្រកាន់​ទោស​ដល់​ឪពុក ចាប់​ពី​ពេល​នោះ​គាត់​ក៏​មាន​ចិត្ត​ស្រឡះ​វិញ​ដែរ។

១១- ស្ថាន​ភាព​ខ្លះ​ដែល​ជំរុញ​ឱ្យ​មាន​រោគ​នេះ​ ដូច​ជា​ការ​ទទួល​មរណភាព​របស់​អ្នក​ណា​ម្នាក់​ដែល​ជា​ទី​ស្រឡាញ់​ខ្លាំង ការ​លែង​លះ​គ្នា ទំនាស់​ ក្នុងគ្រួសារ​ ឬ​នៅកន្លែង​ធ្វើ​ការ​ ត្រូវ​ជាប់​មាន​ទោស​ ការ​ខ្វះ​ខាត​ សំឡេង​ខ្លាំង​ពេក​​ជា​រៀង​រាល់​ថ្ងៃ (គឺ​ចំពោះ​អ្នក​រស់​នៅ​​ក្នុង​ក្រុង​ធំៗ ឬ​អ្នក​រស់​តាម​មហាវិថី​ធំៗ​ដែល​មាន​សំឡេង​រថ​យន្ត​និង​មនុស្ស​ច្រើន)។

តែ​មាន​អ្នក​ខាង​ចិត្តសាស្ត្រ​ (psychologue) ម្នាក់​ ដែល​ធ្វើ​ជា​គ្រូ​គង្វាល​ផង គាត់​​បាន​ពន្យល់ថា ទោះ​ជា​ហេតុ​ជា​ច្រើន​នេះ​ដែល​អាច​បណ្តាល​ឱ្យ​កើត​រោគ​អស់​សង្ឃឹម​នេះ​​ក៏ដោយ​ គឺ​មាន​ហេតុ​មួយ​ទៀត​ដែល​គ្រោះ​ថ្នាក់​ជាង​គេ​ ហើយ​បណ្តាល​ជំងឺ​នេះ​ពិត​ប្រាកដ គឺ​ការ​ត្អូញ​ត្អែរ​​នឹង​អាណិតខ្លួន (La pitié de soi)។        

ឧទាហរណ៍៖ ការ​ខ្វះ​ខាត​+ ការ​ត្អូញ​ត្អែរនិង​កម្សត់​ខ្លួន+ រោគ​អស់​សង្ឃឹម+ ឈឺ​រ៉ាំរ៉ៃ​យូរ+ ការ​ត្អូញ​ត្អែរ​នឹង​អាណិត​ខ្លួន​+រោគអស់​សង្ឃឹម។

តនិងចប់

តើធ្វើ​ដូច​ម្តេច​ដើម្បី​អាច​នឹង​យក​ជ័យ​ជម្នះលើ​រោគនេះ?

ពិត​មែន​តែ​ជំងឺ​នេះ​ជា​សាកល ដែល​គ្រប់​គ្នា​តែងជួប​ប្រទះ​ ប៉ុន្តែ​ ​ជា​ការ​ចាំបាច់ទេ គឺ​យើង​អាច​ជ្រៀស​វាង​កុំ​ឱ្យ​ធ្ងន់​ធ្ងរបាន​ដោយ​ការ​បង្ការ​ខ្លួន​ជា​មុន ឬ​ត្រូវ​រំដោះ​ខ្លួន​ឱ្យ​បាន​រួច​ ដ្បិត​ព្រះ​អម្ចាស់​របស់​យើង​សព្វ​ព្រះ​ហឫទ័យ​ឱ្យ​យើង​អរ​សប្បាយ​ជានិច្ច មា​នសង្ឃឹម​ជានិច្ច​ និង​អរ​ព្រះ​គុណ​ទ្រង់​ជានិច្ច។

សូម​អាន​ព្រះ​បន្ទូល​ទ្រង់៖

«ចូរ​អរ​សប្បាយ​ក្នុង​ព្រះ​អម្ចាស់​ជានិច្ច… ចូរ​អរ​សប្បាយ​ឡើង» ភីលីព៤.៤។

«ចូរ​អរ​សប្បាយ​ជានិច្ច» «ចូរ​អរ​ព្រះ​គុណ​ក្នុង​គ្រប់​ការ​ទាំងអស់» ១ថេស្សាឡូនិច៥.១៦,១៨។

«ចូរ​អរសប្បាយ​ដោយ​មាន​សង្ឃឹម…» រ៉ូម​១២.១២

«ឥឡូវ​នេះ សូម​ព្រះ​នៃ​សេចក្តី​សង្ឃឹម​ ប្រទាន​ឱ្យ​អ្នក​រាល់គ្នា​បាន​គ្រប់​អស់​ទាំង​សេច​ក្តី​​អំណរ និង​

ពេញដោយសេចក្តី​សុខ​សាន្ត​ដោយសារ​សេចក្តី​ជំនឿ ប្រយោជន៍​ឱ្យ​បាន​សេចក្តី​សង្ឃឹម​បរិបូរ​ណ៍

ដោយ​ព្រះ​ចេស្តា​នៃ​ព្រះ​វិញ្ញាណ​បរិសុទ្ធ» រ៉ូម​១៥.១៣

ប៉ុន្តែ​ជំងឺ​នេះ​ធ្វើ​ឱ្យ​​យើង​ព្រួ​យ​ ខ្លាំង​ហើយ​អស់​សង្ឃឹម​ខ្លាំង នាំ​ឱ្យ​មាន​តែ​ការ​ត្អូញ​ត្អែរ​ ភាព​ស្រពាប់​ស្រពោន អាប់​អួរ​ និង​រហូត​ដល់​មាន​ចិត្ត​ចោទ​ប្រកាន់​ព្រះ​ផង ការ​នេះ​បង្ហាញ​​ថាជា​កិច្ច​ការ​របស់​អារក្ស​សាតាំង​ជា​ខ្លាំង​សត្រូវ​ដែល​ បាន​ធ្វើ​យ៉ាង​ដូច្នេះ។ ហេតុនេះ​​សំខាន់​ណាស់ឱ្យ​យើង​បា​នស្គាល់​របៀប​យក​ជ័យ​ជម្នះ​លើ​រោគ​នេះ ដើម្បី​​រំដោះ​ខ្លួន​ឱ្យ​បាន​រួច​ ឬ​ជា​ការ​ចង​ចាំ​ដើម្បី​បង្ការ​ខ្លួន​ជាមុន។

១- ព្រះ​យេស៊ូ​មាន​ព្រះ​ចេស្តាដ៏​លើស​លុប​អាច​ប្រោស​ឱ្យ​ជា​បាន​ ​ហើយ​ពិត​ជា​ទ្រង់​សព្វ​ព្រះ​ទ័យ​នឹង​ប្រោស​ឱ្យ​កូន​ទ្រង់​ជា​ ដ្បិត​មិន​មែន​ជា​ព្រះ​ហឫទ័យ​ព្រះ​អង្គ​ឱ្យ​យើង​ព្រួយ​ហើយ​អស់​សង្ឃឹម​និង​ ត្អូញ​ត្អែរ​ទេ ដូច​យើង​បាន​ឃើញ​ក្នុង​បទ​គម្ពីរ​ខាង​លើ​នេះរួច​ហើយ។ ដូចនេះ​ជា​ដំបូង​បងប្អូន​ដែល​មាន​ជំងឺ​នេះ​ត្រូវ​មាន​ចិត្ត​ចង់​ធ្វើ​តាម​ ព្រះ​ហឫ​ទ័យ​ គឺ​ចង់​ជា​ពី​ជំងឺ​នេះ​ពិត​ប្រាកដ ត្រូវ​តែ​​សម្រេច​ដោយ​អស់​ពី​ចិត្ត​។ ឧទាហរណ៍ សេចក្តី​សង្គ្រោះ​របស់ព្រះ​សម្រាប់​មនុស្ស​គ្រប់​រូប​ តែ​ដើម្បី​ឱ្យ​បាន​រួច​ពី​អំពើ​បាប​ បុគ្គល​នីមួយៗ​ត្រូវ​តែ​សម្រេច​ចិត្ត​ពិត​ប្រាកដ​ហើយមក​ទទួល​យក។

ថា​ចង់​បាន​រួច​ ហើយ​ទូល​ដល់​ទ្រង់​ភ្លាម​ ពី​ពេល​នេះ​តែ​ម្តង​ដោយ​ថា បាទ​ ឬ​ចាស ខ្ញុំ​ចង់​ជា។ ជាការ​សំខាន់​ណាស់​ត្បិត​ចង់ធ្វើ​តាម​ព្រះ​ហឫទ័យ​ព្រះ ហើយ​សម្រាប់​សុខភាព​របស់​បងប្អូន​ផ្ទាល់​និង​គ្រួសារ​របស់បង​ប្អូន។ ដូច្នេះ​សូម​ឆ្លើយ​នឹង​ព្រះ​អង្គ​​ដោយ​ឥត​រួញរា សូម​អាន​ពី​សេចក្តី​បង្រៀន​នេះ។ «កុំ​ឱ្យ​ខ្វល់​ខ្វាយ​អ្វីឡើយ ចូរ​ទូល​ដល់​ព្រះ​ឱ្យ​ជ្រាប​ពី​​សេចក្តីសំណូមរបស់​អ្នក​រាល់​គ្នា​ក្នុង​ គ្រប់​ការ​ទាំង​អស់ ដោ​យសេចក្តី​អធិស្ឋាន​ និង​ពាក្យ​ទូល​អង្វរ​ ទាំង​ពោល​ពាក្យ​អរ​ព្រះ​គុណផង​យ៉ាង​នោះ​សេចក្តី​សុខសាន្ត​របស់​ព្រះ ដែល​ហួស​លើស​ពី​អស់​ទាំង​គំនិត​នឹង​ជួយ​ការពារ​ចិត្ត​ហើយ​និង​គំនិត​របស់​ អ្នក​រាល់​គ្នា​ក្នុង​ព្រះ​គ្រីស្ត​យេស៊ូ» ភីលីព៤.៦-៧។

បើ​បាន​សម្រេច​ចិត្ត​ហើយ សូម​សម្រួម​ចិត្ត​ដោយ​ស្ងៀម​ស្ងាត់​នៅ​ចំពោះ​ព្រះ​អង្គ​ក្នុង​ពេល​នេះ សូម​ខំ​សម្អាត​អារម្មណ៍​ពី​អ្វីៗ​ផ្សេង​ហើយគិត​តែ​ពី​ព្រះ​យេស៊ូ​មួយ​ ប៉ុណ្ណោះ​ ព្រះ​អង្គ​ទ្រង់​ជ្រាបពី​ចិត្ត​របស់​បងប្អូន​ថា បងប្អូន​កំពុង​តែ​ចង់​សូម​ព្រះ​អង្គ​ប្រោស​ឱ្យ​បាន​ជា​ ព្រះ​​អង្គ​​កំពុង​រង់​ចាំ​ស្តាប់​និង​ជួយ​តាម​បំណង​ដ៏​ល្អ​របស់បងប្អូ​ន​ ដូច​នេះ​សូម​ទូ​ល​ថា៖ សូម​​អរគុ​ណ​ព្រះ​អម្ចាស់យេស៊ូ​គ្រីស្ត ជាព្រះ​នៃ​សេចក្តីសុខសាន្ត ជា​ព្រះ​នៃ​សេចក្តី​សង្ឃឹម​ ព្រះ​អង្គ​សព្វ​ព្រះ​ទ័យឱ្យ​ទូល​បង្គំ​សប្បាយ​​ជានិច្ច​ មាន​សង្ឃឹម​ជានិច្ច​ហើយ​អរ​ព្រះ​គុណ​ព្រះ​​អង្គ​ជានិច្ច​តែ​អារក្ស​ ជាខ្មាំងសត្រូវ​បាន​នាំ​ឱ្យ​ទូល​បង្គំ​ព្រួយ​ ខ្វល់​ខ្វាយ​ អស់​សង្ឃឹម​។ ឥឡូវ​នេះ​ទូល​បង្គំ​ចង់​សូម​ទ្រង់​អត់​ទោសឱ្យ​ទូល​បង្គំ​ ដែល​បាន​រក្សា​ជំងឺ​នេះ​ក្នុង​ចិត្ត​ជាយូរ​មក​​ហើយ ហើយ​ទួល​បង្គំ​ចង់​រួច​ពី​សេចក្តី​អាក្រក់​នេះ​ចាប់​ពី​ពេល​នេះ​ទៅ​ហើយ ទូល​បង្គំ​សូម​ប្រគល់​ថ្វាយ​ដល់​ទ្រង់​នូវ​សេចក្តី​នឹក​ខ្លាច​ នឹក​ព្រួយ​ចិត្ត​ខ្លាំង​ពី​អនាគត​របស់​ទូល​បង្គំ ពី​ស្ថាន​ភាព​របស់​ទូល​បង្គំ​សព្វ​ថ្ងៃ​ ពីការ​លំបាក​ដែល​ទូល​បង្គំ​កំពុង​តែ​ឆ្លង​កាត់​ទៅ​ក្នុង​ព្រះ​ហស្ថ​ទ្រង់​ សូម​អរ​ព្រះ​គុណ​ព្រះ​អង្គ​ដែល​ទ្រង់​ស្រឡាញ់​ទូល​បង្គំ ទ្រង់​មាន​ព្រះ​ចេស្តា​អាច​ជួយ​ទូល​បង្គំ​ឱ្យ​រួច​បាន ហើយ​ទ្រង់​សព្វ​ព្រះទ័យ​ឱ្យ​ទូល​បង្គំ​បាន​ជា​ពី​ជំងឺ​នេះ សូម​ព្រះ​អង្គ​ដាក់​នូវ​សេចក្តី​អំណរ​និង​សេចក្តី​សុខ​សាន្ត​និង​សេចក្តី​ អរព្រះ​គុណ​ទ្រង់​ជានិច្ច​នៅ​ក្នុង​ចិត្ត​របស់​ទូល​បង្គំ​ចាប់​ពី​ពេល​នេះ​ត ​ទៅ​។ អាម៉ែន។

ឥឡូវ​នេះ​ ដែល​បង​ប្អូន​បាន​ប្រគល់​បន្ទុក​ដ៏​ធ្ងន់​នេះ​ដល់​ទ្រង់​ហើយ កុំ​ឱ្យ​សង្ស័យ​ ឬ​បារម្ភ​ថា តើ​ជា​ហើយ​ឬ​នៅ​ កុំ​ឱ្យ​ចេះ​តែ​សម្លឹង​មើល​ជំងឺ​របស់​ខ្លួន​ តែ​សូម​សម្លឹង​មើល​ព្រះ​យេស៊ូ​គ្រីស្ត​វិញ គឺ​ពី​ព្រះ​អង្គ​ជានិច្ច​ហើយ​អរគុណ​ព្រះ​អង្គ​ពី​ការ​ល្អៗ​ដែល​ទ្រង់​បាន​ ធ្វើ។

បើ​សិន​ជា​សេចក្តី​ខ្វល់​ខ្វាយ​ចង់​មក​ទៀត បដិសេធ​វា​ភ្លាម​ ទូល​ថ្វាយ​ទៅ​ទ្រង់​ទៀត​ភ្លាម បើ​វា​ចង់​ត្រឡប់​មក​ទៀត ធ្វើ​ទៀត ហើយ​ធ្វើ​ទៀត បដិសេធ​វា​ហើយ​ទូល​ដល់​ទ្រង់។ កុំ​ឱ្យ​អស់​សង្ឃឹម​ឡើង​ដោយ​ចាំថា អារក្ស​សាតាំង​វា​ត្រូវ​តែ​ចាញ់​អំណាច​ព្រះ ហើយ​គ្មាន​ការ​អ្វី​ដែល​ទ្រង់​ធ្វើ​មិន​​បាន​នោះឡើយ គ្រាន់តែ​ពេល​ខ្លះ​អារក្ស​វា​ចង់​មក​លមើល​ទៀត​ក្រែង​យើង​បើក​ឱកាស​ឱ្យ​វា​ ធ្វើ​ទុក្ខ​យើង​ទៀត។ ដូច្នេះ​ដើម្បី​ជ័យ​ជម្នះ​ពិត​ប្រាកដ​ត្រូវតែ​តតាំង​នឹង​វា​ជានិច្ច បដិសេធ​នឹង​ការ​ល្បង​ល​របស់​វា​ជានិច្ច។​

សូម​អាន​សេចក្តី​ដាស់​តឿន​ «ចូរឱ្យ ​ដឹង​ខ្លួន​ ហើយ​ចាំ​យាម​ចុះ ព្រោះ​អារក្ស​ដែល​ជា​ខ្មាំង​សត្រូវ​របស់​អ្នករាល់​គ្នា។ វា​តែងដើរ​ក្រវែល​ទាំង​គ្រហឹម​ដូច​ជា​សិង្ហ ដើម្បី​នឹង​រក​អ្នក​ណា​ដែល​វា​នឹង​ត្របាក់​លេប​បាន​ ចូរ​តស៊ូ​នឹង​វា​ដោយ​មាន​ចិត្ត​ជឿមាំ​មួន…» ១ពេត្រុស៥.៨-៩។

«ដូច្នេះ ត្រូវ​ចុះ​ចូល​ចំពោះ​ព្រះ​ ហើយ​តស៊ូ​នឹង​អារក្សវិញ​ចុះ នោះ​វា​នឹង​រត់​ចេញពី​អ្នក​រាល់​គ្នា» យ៉ាកុប៤.៧។

បន្ទាប់​មក​ត្រូវ​រស់​នៅ​ជិត​ស្និត​នឹង​ ព្រះអង្គ​ជានិច្ច ដោយ​ការ​អធិស្ឋាន​ អាន​ព្រះ​គម្ពីរ ខំព្យាយាម​ទៅ​ប្រជុំ​ថ្វាយ​បង្ខំ​ព្រះ​រាល់​ថ្ងៃ​អាទិត្យ​ និងការ​ប្រកប​ជាមួយ​បងប្អូន​អ្នក​ជឿ​ព្រះ​យេស៊ូ​ដូចគ្នា។

២- ត្រូវ​សម្អាត​ចិត្ត៖

ក្នុង​ចិត្ត​របស់​មនុស្ស​មាន​ផ្ទុក​នូវ​ របស់​ល្អ​ និង​របស់​មិន​ល្អ​ជា​ច្រើន​ ជា​រឿង​ថ្មី​ៗ​ ឬ​ជា​រឿង​យូរ​ខែ​ឆ្នាំ​​មក​ហើយ ដោយ​ដឹង​ខ្លួន ឬ​ដោយ​មិន​ដឹង​ខ្លួន​ (Le conscient ou le subconscient) មាន​ដូច​ជា​គំនុំ កំហឹង វិប្បដិសារៈ ចំពោះ​ឪពុក​ម្តាយ​ សាច់​ញាតិ ​ឬ​មនុស្ស​ឯ​ទៀត​ ឬក៏ចំពោះ​ព្រឹត្តិការណ៍​ណាមួយ។ ស្ត្រី​ម្នាក់​​បាន​កត់សម្គាល់​ឃើញថា ឪពុក​ម្តាយ​គាត់​បាន​ស្រឡាញ់​ថ្នាក់​ថ្នម​ប្អូន​ប្រុស​គាត់​ជា​ជាង​ ហើយ​ប្អូន​គាត់​បា​នទទួល​នូវ​ការ​ផ្គាប់​ចិត្ត​ជានិច្ច​ ចំណែក​ឯ​គាត់​វិញ​គ្មា​នសោះ​ ដូច្នេះ​បណ្តាល​ឱ្យ​​គាត់​មាន​គំនុំ​លាយ​នឹង​កំហឹង​ និង​ការ​នឹក​អាភ័យ​ខ្លួន​ តាំងតែ​ពី​ក្មេង​មក​ រហូត​ដល់​ពេញ​វ័យ​ គំនិត​នេះ​បាន​រំខាន​ជីវិត​ការ​រស់​នៅ​របស់​គាត់​ជាខ្លាំង​ ទាល់​តែ​ថ្ងៃ​មួយ​គាត់​បា​នយល់​ព្រម​អត់​ទោស​ឱ្យ​ឪពុក​ម្តាយ​គាត់​ ទើប​គាត់​បា​នរួច​ពី​ចំណង​នៃ​ការ​លំបាក​ចិត្ត​ដែរ។ មាន​ឃ្លាមួយ​បាន​និយាយ​ថា «លើក​លែង​ទោស​ ឬ​វិនាស» បាន​ន័យ​ថា បើ​យើង​មិន​អត់​ទោស​ហើយ​ជម្រះ​ការ​មិន​ល្អ​នេះ​ចេញ​ពី​ក្នុង​ចិត្ត​យើង​ទេ ការ​នោះ​នឹង​បំផ្លាញ​យើង​វិញ គឺ​ខាង​ផ្លូវ​ចិត្ត បន្ទាប់មក​រូប​ភាព​និង​ជីវិត​ ឬ​ជំនឿ​របស់​យើង។

សូម​អាន​គម្ពីរ​ អេភេសូជំពូក ៤.៣១ បាន​បង្រៀន​យ៉ាង​ល្អណាស់ «ចូរ​ខំ​ដក​គ្រប់​ទាំងសេចក្តី​​ជូរល្វីង ក្តៅ​ក្រហាយ កំហឹង ឡូឡា ជេរប្រមាថ និង​គ្រប់​ទាំង​សេចក្តី​អាក្រក់​ ចេញ​ពី​ពួក​អ្នក​រាល់​គ្នា​ទៅ»។

៣- អំពី​កំហឹង​ កុំ​បណ្តោយ​ឱ្យ​ចេះ​តែ​ខឹង​ ដូច​ខគម្ពីរ​​ខាង​លើ​នេះ​​បា​ន​បង្គាប់​មក​ស្រាប់​។ ការ​ខឹង​ឆេវ​ឆាវ​ច្រើ​នបណ្តាល​ឱ្យ​មិន​ស្រួល​ខ្លាំង​ដល់​សរសៃ​ក្បាល (les nerfs vasculaires de la tête)។ ផ្ទុយ​ទៅវិញ ការ​ញញឹម​នាំ​សេចក្តី​ល្អ​ដល់​សរសៃ។ គេ​បា​ន​កត់​សម្គាល់​ឃើញថា៖ មាន​ជំងឺ​ខ្លះ​ដូច​ជា​ការ​ឈឺ​ក្បាល មិន​ឃ្លាន​អាហារ ការញ័រ​បេះ​ដូង​ ដែល​បណ្តាល​មក​ពី​កំហឹង អាច​ជា​វិញ​ភ្លាម​ដោយ​សារ​តែការ​ញញឹម។ ដូច​ការ​ការ​ញញឹម​មា​នប្រយោជន៍​ណាស់ ហើយ​ជាការ​ព្យាបាល​មួយ​ដែល​ស្រួល​ និងមិន​បាច់​ចំណាយ​ប្រាក់​ផង។

 ៤- ចូរគិត​ពិចារណា​តែអ្វី​ដែល​ពិត​ ល្អ ដែល​នាំ​ឱ្យ​ចិត្ត​រីករាយឡើង (La pensée positive) ដែល​នាំ​ឱ្យ​មា​នចិត្ត​អរ​ព្រះ​គុណ​ព្រះ ត្រូវ​ខំ​ជម្រះ​គំនិត​ណា​ដែល​នាំ​ឱ្យ​ភ័យ​ខ្លាច​ ខ្វល់​ខ្វាយ​អាប់អួរ​គំនិត (La pensée négative) កុំ​ចេះ​តែ​លើក​យក​បញ្ហា​មិន​ល្អ​ ឬ​ទាល់​គំនិត​មក​គិត​លោកសាវក​ពេត្រុសអាច​ដើរ​លើ​ទឹក​បាន ដោយ​គ្មាន​គ្រោះ​ថ្នាក់​សោះ​ពេល​ដែល​គាត់​សម្លឹង​មើល​តែ​ព្រះ​យេស៊ូ​ដោយ​ ជំនឿ​ ជា​ការ​អស្ចារ្យ​ណាស់ ប៉ុន្តែ​នៅ​ពេល​ដែល​គាត់​សម្លឹង​មើល​ខ្យល់​ព្យុះ ហើយ​មាន​ចិត្ត​ភ័យ​ខ្លាច​ ដោយ​ការ​ភ័យ​ខ្លាច​នេះ​គាត់​ត្រូវ​លិច​លង់​ភ្លាម។​ យើង​ក៏​ដូច្នេះ​ដែរ ​ត្រូវ​ដើរ​ដោយ​ជំនឿ ភ្នែក​សម្លឹង​មើល​តែ​ព្រះយេស៊ូ នោះ​ព្រះ​ចេស្តា​របស់​ទ្រង់​នឹង​ទ្រ​យើង​ឱ្យ​ដើរ​លើ​សេចក្តី​ទុក្ខ​វេទនា​ របស់​យើង​បាន បើ​យើង​ងាក​ចេញ​ពី​ទ្រង់​ទៅ​រក​មើល​តែ​បញ្ហា​ហើយ​ភ័យ​ខ្លាច​វិញ​នោះ​ប្រាកដ​ ជាលិច​លង់​ជា​មិន​ខាន លិច​លង់​ខាង​ផ្លូវ​ចិត្ត​ ផ្លូវកាយ និង​ព្រលឹង​វិញ្ញាណ​ផង។

សូម​ស្តាប់ព្រះ​បន្ទល់​ព្រះ «… ឯសេចក្តី​ណា​ដែល​ពិត​ សេចក្តី​ណា​ដែល​គួរ​រាប់​អាន សេចក្តីណា​ដែល​សុចរិត សេចក្តីណា​ដែល​បរិសុទ្ធ សេចក្តីណា​ដែល​គួរ​ស្រឡាញ់ សេចក្តីណា​ដែល​មានឈ្មោះល្អ បើ​មាន​សគុណ​ណា ឬ​ជាសេចក្តី​សរសើរណា នោះ​ចូរ​ពិចារណា​​ពី​សេចក្តី​ទាំង​នោះ​ចុះ» ភីលីព៤.៨

ដូច​នេះ ផ្ទុយ​ពី​ការ​គិត​តែ​ពី​ការ​លំបាក​ ខ្វល់​ខ្វាយ​ ភ័យ​ខ្លាច ដែល​នាំ​ឱ្យ​ត្អូញ​ត្អែរ​ និង​នឹក​កម្សត់​ខ្លួន បណ្តាល​ឱ្យ​កើត​រោគ​អស់​សង្ឃឹម​ ត្រូវ​គិត​តែ​អ្វី​ដែល​ល្អៗ​វិញ ដូច​ខ​គម្ពីរ​អម្បាញ់មិញ​បា​នបង្គាប់​ហើយ។ យើង​អាច​គិត​ពី​ការ​ល្អៗ​ដែល​ទ្រង់​បាន​ធ្វើ​ យើង​អាច​អរគុណ​ព្រះ​អង្គ​ពី​ទេស​ភាព​ដ៏​ល្អ​ដែល​យើង​បាន​ឃើញ អរគុណ​ព្រះ​អង្គ​ពី​ប្តី​ឬ​ប្រពន្ធ​ដ៏​ល្អ អរគុណ​ព្រះ​អង្គ​ពី​កូន​របស់​យើង ពី​គ្រប់​ទាំង​អ្វីៗ​ដែល​យើង​មា​ននៅ​ផ្ទះ​ ពីការ​ព្រះ​អង្គ​ផ្គត់​ផ្គង់​យើង ពីការងារ​ដែល​យើង​ធ្វើ​ ពី​សុខភាព ពីការ​ដែល​ទ្រង់​បាន​ឆ្លើយ​នឹងសេចក្តីអធិ​ស្ឋាន​​ អរគុណ​ព្រះ​ដែល​បាន​ប្រទាន​ឱ្យ​យើង​មាន​ស្ថាន​ភាព​ល្អ​ជា​ង​កាល​មុន​ជឿ​ព្រះ ​អង្គ។​ ព្រះ​​បាន​ប្រទាន​ឱ្យ​យើង​បាន​យល់​ច្បាស់​ជាង​មុន ពី​សេចក្តីស្រឡាញ់​របស់ទ្រង់ អរគុណ​ព្រះ​អង្គ​ទ្រង់​យាង​ត្រឡប់​មកវិញ ពី​ព្រះ​បន្ទូល​ព្រះ​អង្គ​ដែល​ជួយ​បង្រៀន​ ជួយ​កម្សាន្ត​ចិត្ត​ជួយ​ឱ្យ​មាន​សង្ឃឹម អរគុណ​ព្រះ​អង្គ​ពី​សេចក្តីស្រឡាញ់រាប់​អាន​ដ៏​ល្អ​របស់​បង​ប្អូន​យើង​ អរគុណ​ព្រះ​អង្គ​ពី​ការ​លំបាក​ដែល​យើង​កំពុង​តែ​ជួប​ប្រទះ​ដោយ​ដឹង​ថា​ព្រះ​ អង្គ​ស្រឡាញ់​​យើង​ ហើយ​មាន​អ្វី​មួយ​ដែល​ទ្រង់​ចង់​បង្រៀន​ ឬ​ជួយ​យើង​តាម​រយៈ​ការ​លំបាក​ (លោកសាវកប៉ូល​បាន​សាសន៍ថា «ដ្បិត​កាលណា​ខ្ញុំ​ខ្សោយ នោះ​ខ្ញុំ​មាន​កម្លាំង​យ៉ាង​ចំណានវិញ» ១កូវិន១២.១០ សូម​ពិចារណា​ឱ្យ​យល់​ន័យចុះ) ។ល។ យើង​អាច​ជម្រះ​គំនិត​មិន​ល្អ​ដោយ​គំនិត​ល្អៗ ដូច​យើង​អាច​កម្ចាត់​សេចក្តី​ងងឹត​ដោយ​ពន្លឺ។ ពិត​មែន​តែ​គំនិតមិន​ល្អចេះតែ​មក​ជារឿយៗ ការ​សំខាន់​​គឺ​យើង​កុំ​ទទួល​រាក់​ទាក់​វា​ឱ្យ​សោះ​ គឺត្រូវ​​បដិសេធ​វិញ។ មាន​ឃ្លា​មួយ​យ៉ាង​ល្អ​ដែល​យើង​គួរ​ចង់​ចាំ«ខ្ញុំមិន​អាច​ហាម​សត្វ​ហើរ​លើ​ អាកាស​ឱ្យ​ហោះ​ហើរ​រំលង​ក្បាល​ខ្ញុំ​ទេ​ ប៉ុន្តែ​ខ្ញុំ​អាច​ប្រយ័ត្ន​កុំ​ឱ្យ​វា​ធ្វើ​សំបុក​លើក្បាល​ខ្ញុំ» ចំពោះ​គំនិត​មិន​ល្អ​ក៏​យ៉ាង​ដូច្នេះ​ដែរ យើង​អាច​ប្រយ័ត្ន​​កុំ​ឱ្យ​វា​ធ្វើ​សំបុក​នៅ​ក្នុង​ចិត្ត​យើង។ ទស្សនវិទូម្នាក់បា​នប្រៀប​ផ្ទឹម​ព្រឹត្តការណ៍​ជីវិត​យើង​ទៅ​នឹង​ថូ​ទឹក​ ជំនាន់​ដើម​មួយ ដែល​មាន​ដៃពីរ​សម្រាប់​គេ​កាន់​ប្រើប្រាស់ គាត់​ថា កាលណា​ថូ​នោះ​បាក់​ដៃ​ម្ខាង​ គំនិត​យើង​​បា​ន​​​​​បង្គាប់​ឱ្យ​កាន់​ដៃ​ម្ខាង​ទៀត​ដែល​នៅ​ល្អ ដើម្បី​កុំ​ឱ្យ​មុត​ដៃ​។ ការ​នេះ​ប្រៀប​បាន​នឹង​ព្រឹត្តការណ៍​នៃ​ជីវិតយើង​​ដែរ មាន​ខាង​ធ្ងន់​ធ្ងរ​ ដូច​ជា​ខាង​បាក់​របស់​ថូ ប៉ុន្តែ​មាន​ខាង​ល្អ​ដែល​សម្រាប់​កាន់​ដៃ​ ដូច្នេះ​ចូរ​ចាប់​កាន់​ខាង​ល្អ​ទៅ​ កុំ​ចេះ​តែ​ទៅ​ស្ទាប់​ខាង​បាក់​នាំ​ឱ្យ​មុត​ដៃ​ថែមទៀត។

៥- និយាយ​ប្រាស្រ័យ​ជាមួយ​បងប្អូន​ឯទៀត​ ការ​នេះ​ជា​ការ​សំខាន់​ណាស់ ព្រោះ​អ្នក​នៅ​ឯកឯង​អាច​បណ្តាល​ឱ្យ​មាន​ជំងឺ​អស់​សង្ឃឹម​នេះ។ ដូច្នេះ​ជាការ​ចាំបាច់​ណាស់​ឱ្យ​បងប្អូន​ខំ​ព្យាយាម​ទៅ​វិហា​រ​ប្រជុំ​ ដើម្បី​ថ្វាយ​បង្គំព្រះ​ និង​និយាយ​ប្រកប​ជាមួយ​បងប្អូន​ឯទៀត។ ពេល​ជួប​ជុំ​គ្នា​ សូម​ព្រះវិញ្ញាណ​បរិសុទ្ធ​ជាមួយ​ឱ្យ​គ្រប់​គ្នា​និយាយ​តែ​ពាក្យ​ល្អៗ ដើម្បី​ជា​ការ​កម្សាន្ត​ចិត្តគ្នា លើក​ទឹក​ចិត្ត​ ការសរសើរ ដាស់​តឿន​ដោយ​ទន់​ភ្លន់​ អ្នក​ដែល​មា​នវិបត្តិ​ផ្លូវ​ចិត្ត​ត្រូវ​រក​គ្រូ​កង្វាល​ ឬ​អ្នក​ដែល​យើង​ទុក​ចិត្ត​បាន​ គឺ​អ្នក​ដែល​មាន​ភាពចាស់​ទុំ​​ខាង​ជំនឿ ដើម្បី​ថ្លែង​ប្រាប់​ និង​ជួយ​រំលែក​ទុក្ខ។

ជំងឺ​នេះមានបី​សណ្ឋាន​

​ទីមួយ៖ បន្តិចបន្តួច

ទីពីរ៖ ធ្ងន់​ធ្ងរ គួរ​ព្យាបាល​ភ្លាម​

ទីបី៖ ធ្ងន់​ធ្ងរ​ខ្លាំង ត្រូវ​រក​គ្រូ​ពេទ្យ​ដែល​មាន​សមត្ថភាព​ខាង​ព្យាបាល​ជំងឺ​នេះ ពិសេស​​គ្រូពេទ្យ​ដែល​ជឿ​ព្រះ។

៦- ត្រូវ​មាន​គម្រោង​ការណ៍​ជានិច្ច​ កុំ​នៅ​ទំនេរ គឺ​ធ្វើ​គម្រោង​ធ្វើ​អ្វី​មួយ ហើយ​ខំ​សម្រេច​​តាម​ការ​គ្រោង​ទុក​នោះ បើ​បាន​សម្រេច​ហើយ​បង្កើត​ថ្មីទៀត រួច​គ្រោង​ថ្មី​ទៀត​ តែ​ត្រូវ​ប្រកាន់​ចិត្ត​មួយ​ដែល​ត្រឹម​ត្រូវ​គឺថា បើ​ធ្វើ​ទៅ​ជា​ឃើញ​ថា គម្រោង​របស់​យើង​ពិបាក​ពេក​ ត្រូវ​ប្តូរ​ថ្មី​ទៀត​ដោយ​ឥត​ខឹង​ឬ​តូច​ចិត្តឡើយ។ ពិសេស​ត្រូវ​គិត​ពី​គម្រោង​ណា​ដែល​ធ្វើ​ឱ្យ​មាន​ប្រយោជន៍​ដល់​អ្នក​ដទៃ​ ជួយ​អ្នក​ដទៃ ការនេះ​សំខាន់​ណាស់​សម្រាប់​សុខភាព​ខាង​ផ្លូវ​ចិត្ត​ (ឱ្យ​បាន​ពរ​ជាង​ទទួល!) ។

 

សូម​ព្រះ​អង្គ​ប្រទាន​ព្រះ​ពរ​ដល់​បងប្អូន ​ដ៏​លើសលុប ដែល​បានអាន​សេចក្តី​អធិ​ប្បាយ​​នេះ​ ហើយ​ធ្វើ​តាមដូច​ខ្លួន​ខ្ញុំ​ផ្ទាល់​បាន​ទទួល​ដែរ។

 

*** ខ្ញុំ​សូម​បញ្ជាក់​ថា បើ​បង​ប្អូន​ចង់​បាន​ជ្រាប់​កាន់តែ​ច្បាស់​ទៀត​នោះមានសៀវភៅ​ជា​ច្រើ​នដែល​ សរសេរ​ជាភាសា​បារាំង ពីបញ្ហា​នេះ សរសេរ​ដោយ​ចិត្តវិទូ psychologue  ឬ psychiatre គ្រីស្ទាន ដែល​មាន​ការ​បកស្រាយ ​និង​ណែនាំ​យ៉ាង​ល្អបំផុត។ បើ​ពិបាក​​រក​ សូម​ទាក់ទងលោកឌឺនី វ៉ា។ លោកជាគ្រូគង្វាលនៃព្រះវិហ៊ារខ្មែរនៅក្រុងប្រ៊ីសួរម៉ាន​ក្នុងប្រទេសបារាំង។

Denis VA

Eglise Evangélique Cambodgienne

1  Rue de la Passerelle

94360 BRY SUR MARNE

FRANCE

វាលព្រះពរ​ ក្នុងរដ្ឋជ័រជា សហរដ្ឋអាមេរិក ដោយបណ្ឌិត ស៊ាងយីវ

ប្រវត្តិនៃវាលព្រះពរ

វាលព្រះពរជាដីមួយដុំទំហំសាមសិបហិតតារ នៅស្រុកមៃកិន រដ្ឋជ័រជា ដែលលោកបណ្ឌិតស៊ាង យ៊ីវ​

និងភរិយា បានថ្វាយដល់ព្រះជាម្ចាស់ គឺដល់ប្រិយសម្ព័ន្ធបាព្វទីស្ទខ្មែរ នៅស.រ.អា កាលពីវិស្សមកាល

គ.ស. ២០០៥ សំរាប់ធ្វើជាមជ្ឈ​មណ្ឌលប្រជុំផង និងជាសារមន្ទីរផងនៅក្នុងអនាគតកាល។ គោល​

បំណងរបស់លោកបណ្ឌិតនិងគ្រួសារ គឺចង់ទុកដីជាកេរមរតកដល់កូនចៅជំនាន់ក្រោយ ជាពិសេស

​ពូជអំបូរខ្មែរ ឲ្យបានប្រើ​ប្រាស់ទីកន្លែងនេះផង និងដឹងឮនិងចងចាំពីប្រវត្តិបិតាមាតាជីដូនជីតារបស់

ខ្លួន​ផង​ គឺជាពិសេសពីប្រវ័ត្ត ដែលព្រះជាម្ចាស់បានទុកជីវិតគេមិនឲ្យវិនាសនៅក្នុងវាលពិឃាដ តែឲ្យ

បាន​រួច​ខ្លួន ជាពិសេសគឺបានទទួលសេចក្តីសង្គ្រោះនៅក្នុងព្រះអម្ចាស់ព្រះយេស៊ូគ្រីស្ទ ដោយសារ

ព្រះ​លោហិតដ៏ថ្លៃថ្លារបស់ព្រះអង្គដែលបានខ្ចាយនៅលើឈើឆ្កាង។ ដូច្នេះហើយ បានជាវាលព្រះពរ

​មានបវចនបទថា៖ពីវាលពិឃាដ … ទៅ«វាលព្រះពរ»។​ ឯព្រះពរនេះ គឺមិនមែនគ្រាន់តែមានន័យថា

​បានរួច​ពីស្លាប់ បានមករស់នៅសុខស្រួលក្នុងដែនដីសេរីសុខសាន្តសព្វថ្ងៃនេះទេ គឺមានន័យពេញ

លេញថា ពួកគេនឹងបានទៅបរលោកសុខសាន្ត គឺឋានសួគ៌បរមសុខ ជាទីដែលព្រះយេស៊ូទ្រង់គង់

នៅ និងរង់ចាំទទួលកូនគ្រប់រូបរបស់ព្រះ​អង្គ។

ការសាងសង់ដើម្បីធ្វើជាមណ្ឌលប្រជុំ បានចាប់ផ្តើមកាលពីឆ្នាំ២០០៧ ឯទុនចំណាយសំរាប់ការកាប់​

ឆ្ការ​ឆាយសំអាតពង្រាបដី​និងស្ថាបនាសាងសង់នោះ  គឺមកពីប្រាក់ដង្វាយ ដែលអ្នកគ្រីស្ទានទាំង

ឡាយ​បានស្ម័គ្រចិត្តដាក់បន្តៗមក។ ម្យ៉ាងទៀត អ្នកដែលដាក់ដង្វាយជាប្រាក់នោះ ក៏ស្ម័គ្រចិត្ត

ចំណាយពេលវេលាជាច្រើន  កម្លាំងញើស  បច្ចេកទេសសាងសង់ ចំណេះផ្សេងៗ គំនិតប្រាជ្ញា និង

ទេពកោសល្យ ដាក់បញ្ចូលគ្នាក្នុងគំរោងការណ៍នេះ ជាបន្តបន្ទាប់រហូតមកដល់សព្វថ្ងៃនេះ។ ទោះបី

ប្រាក់ចំណាយ និងតម្លៃដីបូកសារុបទៅមានត្រឹមតែប្រមាណ២៥ហ្មឺនដុល្លារ តែដោយសារការសាង

សង់​ដែលស្ទើរតែធ្វើឡើង​ដោយកម្លាំងញើសអ្នក​ស្ម័គ្រចិត្តសឹងតែ១០០% មជ្ឈមណ្ឌលនេះមានតម្លៃ

ខ្ទង់មួយលានដុល្លារហើយ។

អង្គការវាលព្រះពរគ្រប់គ្រងដោយគណកម្មការដឹកនាំមួយ​ដែលមានសមាជិក៥រូប ដែលមានលោក

​បណ្ឌិតស៊ាង យីវជាប្រធាន។ អង្គការនេះមានសមាជិកជាខ្មែរផង និងជាជនជាតិផ្សេងទៀតផង ទាំង​

អស់ប្រមាណជាងមួយពាន់នាក់។​ សមាជិកមួយចំនួន​ គឺប្រមាណ ៣០០នាក់ តែងតែធ្វើដំណើរមក

រួមប្រជុំ​មហា​សន្និបាតជាទៀង​ទាត់រៀងរាល់ឆ្នាំ។ លើសពីនេះ សមាជិកក្រុមជំនុំដែលនៅរដ្ឋជ័រជា

ឬនៅជិតរដ្ឋ​ជ័រជា ​តែងតែមកជួបជុំគ្នា ពេលមានសិក្ខាសាលា ឬការហ្វឹកហ្វឺនផ្សេងៗ ឬការសាង

សង់តូចធំ​នៅវាលព្រះពរជាញឹកញាប់។

នៅបច្ចុប្បន្ននេះ វាលព្រះពរបានក្លាយទៅជាដែនដីមួយ ​ដែលខ្មែរជាច្រើនរួបមានអារម្មណ៍រាប់ថាជា​

ចំណិត​ស្រុកភូមិតូចមួយរបស់ខ្លួន ដែលរំលឹកឲ្យឃើញមាតុ​ភូមិ ពេលណាដែលជួបជុំគ្នារបរិភោគ​

ម្ហូបខ្មែរ ​​ផ្អក​ប្រហុកទឹកគ្រឿងកកូរប្រហើរ បេះផ្លែទន្លាប់នៅចំការ ជជែកគ្នាលេងដោយភាសាជាតិ​

លេងល្បែង​ប្រជាប្រិយ​សប្បាយក្អាកក្អាយជាមួយគ្នានៅទីវាលខាងក្រៅ ឬក៏រំលឹករំលែករឿងដើម​

រឿងកំប្លែង រឿង​កំសត់ស្រក់ហៀរហូរទឹកភ្នែក នៅអែបព្រៃព្រឹក្សា ក្រោមពន្លឺច័ន្ទ្រា ពេលយប់

អាធ្រាត្រ។​

ប៉ុន្តែ យើងដឹងដោយជាក់ថា យើងច្បាស់ជានឹងមិនបែកគ្នាទៀតទេ ទោះបីបែកគ្នា ក៍លាគ្នាតែមួយ

រយៈពេលប៉ុណ្ណោះ រួចហើយយើងនឹងជួបគ្នាវិញជាប្រាកដ នៅក្នុងនគរសុខសាន្ត រុងរឿងពិសិដ្ឋដែល

គ្មាន​ទុក្ខ ​គ្មានទឹកភ្នែក គ្មានរោគាឈឺថ្កាត់ ​នៃ​ព្រះអាទិករ​ព្រះ​អម្ចាស់យេស៊ូគ្រីស្ទ៕

សូមអញ្ជើញទស្សនាវីដេអូ«អភិវឌ្ឍន៍នៃវាលព្រះពរ  DEVELOPMENT OF BLESSING FIELD»

ដោយចុចលើខ្សែដំណខាងក្រោម៕

http://www.youtube.com/watch?v=nd6AQJyC2_c

BLESSING FIELD FOUNDATION

P.O BOX 1306

JONESBORO , CA 237

U.S.A.

GOD BLESS

សូមព្រះអង្គប្រទានពរ

croix  clignotant

បុណ្យប៉ាកPÂQUES ឬ EASTER (ភាសាអង់គ្លេស)

នៅថ្ងៃអាទិត្យទី៣១ ​ខែមីនា ឆ្នាំ២០១៣  បងប្អូនគ្រីស្ទបរិស័ទខ្មែរនៃព្រះវិហារផ្សាយដំណឹងល្អនៅ

ក្រុងដ្រង់ស៊ី (DRANCY) និង ក្រុងប្រ៊ីសួរម៉ាន(BRY SUR MARNE)ក្នុងប្រទេសបារាំងបានប្រារព្ធ

ប៉ាក PÂQUES  (ភាសាបារាំង)  ឬ EASTER  (ភាសាអង់គ្លេស) ដែលជាបុណ្យគ្រីស្ទសាសនាមួយ

ដើម្បីរំលឹកអំពី«ព្រះយេស៊ូទ្រង់មានព្រះជន្មរស់ឡើងវិញ» ។

នេះជាទិដ្ឋភាពខ្លះៗនៃបុណ្យប៉ាក  PÂQUES  ក្នុងព្រះវិហ៊ារប្រ៊ីសួរម៉ាន (BRY SUR MARNE)

DSC01607

លោកសំបូ អ្នកនាំមុខ

លោកសំបូ អ្នកនាំមុខ

DSC01605

សេចក្តីស្រឡាញ់ LOVE NEVER ENDS ៖ វាលព្រះពរ សហរដ្ឋអាមេរិក

 

 

សេចក្តីស្រឡាញ់​ (ពីរដង) មិនដែលផុតឡើយ (ពីរដង)  ឯពាក្យទំនាយ នោះនឹង

រលាយបាត់អស់ (រលាយបាត់អស់) ភាសាដទៃគ្មានគេនិយាយទៀតសោះ ​ហើយ

ចំណេះប៉ុន្មាននោះ ក៏នឹងត្រូវសាបសូន្យបាត់អស់។

បន្ទរ ៖   ​សេចក្តីស្រឡាញ់មិនដែលផុតឡើយ បងប្អូនអើយ  ចូរថ្លឹងថ្លែងឲ្យល្អល្អះ

(ឲ្យល្អល្អះ) ចេះស្រឡាញ់គ្នា  ទើបឈ្មោះថា  ស្រឡាញ់ព្រះ  ក្តីស្រឡាញ់សំខាន់

ណាស់ អាចជួយយើងឲ្យបានគ្រប់លក្ខណ៍៕

Love  never  ends  (Love never ends) ,  will away be  (will away be) ,  but

propheties  will  one  day  disappear  (disappear),  speaking  in   tongue

eventually  will  cease,  khnowledge  and  gifts  as these  will extinct and

be no more.

បទភ្លេង និង ទំនុកច្រៀងនិពន្ធដោយ ម៉ម បាណាបាស

ទំនុកច្រៀងភាសាអង់គ្លេសនិពន្ធដោយ បណ្ឌិត ស៊ាង ហួត

ច្រៀងដោយក្រុមគ្រីស្ទបរិស័ទនៃព្រះវិហារ «វាលព្រះពរ BLESSING FIELD»