Category Archives: សួស្តីណូអែល

សួស្តីណូអែលឆ្នាំ២០១២

JOYEUX NOËL

MERRY CHRISTMAS

Advertisements

សួស្តីណូអែលឆ្នាំ២០១១

សូមរីករាយក្នុងឱកាសបុណ្យណូអែល

ថ្ងៃ២៥ធ្នូ

ប័ណ្ណជូនពររបស់អ្នកនិពន្ធឡឹក ជំនោររដែលខ្ញុំបានទទួលពីកម្ពុជា

លោកអ៊ំទាំងពីរមានចិត្តរំភើបណាស់ដែលបានទទួលប័ណ្ណជូនពរក្នុងឱកាស

បុណ្យណូអែល​និងឆ្នាំថ្មីសាកល។​

សូមអរគុណក្មួយជំនោរជាពន្លឹកដែលបានរចនាប័ណ្ណដ៏ល្អ

រំលេចដោយលក្ខណៈខ្មែរយើងនេះ។​

សូមព្រះប្រទានដល់ក្មួយនូវពរដ៏ប្រសើរគ្រប់យ៉ាងនៅក្នុងលោក​។

ជាពិសេស​សូមឲ្យមន្តប៉ាការបស់ក្មួយ​និងគ្រប់អ្វីៗដែលក្មួយ

មានទេពកោសល្បស្រាប់កាន់តែ

ពណ្ណរាយលេចត្រដែតឥតស្រកស្រុត។​

អរគុណផងដែរនិងសូមរក្សាទុក

ក្នុងដួងចិត្តជានិច្ចនូវសេចក្តីស្រឡាញ់របស់ក្មួយ។

ក្មួយក៏បានទទួលទំហ៊ំនៃសេចក្តីស្រឡាញ់ពីលោកអ៊ំទាំងពីរដូចគ្នាដែរ៕

លោកលោកអ៊ំទាំងពីរក្មួយ

ប័ណ្ណជូនពររបស់លោកអនុបណ្ឌិតហេង សុភា នាយកគ្រប់គ្រងទូទៅនៃទស្សនាវដ្តី<វិធីសាស្ត្រជោគជ័យ>

អរគុណលោកក្មួយ ហេង​សុភាណាស់ដែលបាននឹកឃើញខ្ញុំ។

ខ្ញុំបានផ្ញើប័ណ្ណជូនពរអេឡិចត្រូនិកតាមអ៊ីមែលជូនលោកក្មួយហើយ៕

អេរិច ប្អូនធម៌ផ្ញើមកពីអាមេរិក

ណូអែល​ឆ្នាំ២០១០នៅ​ភ្នំពេញ ដោយ​ប៉ិច សង្វាវ៉ាន

ព្រះ​វិហារ​ជីវិត​ថ្មី​ភ្នំពេញ​ប្រារព្ឋ​បុណ្យ​ណូ​អែល

ដោយ​ប៉ិច​ សង្វាវ៉ាន


ក្នុង​ពេល​ដែល​ប្រទេស​ជា​ច្រើន​នៅ​ក្នុង​ពិភពលោក​បាន​ប្រារព្ឋ​បុណ្យ​ណូអែល​យ៉ាងអធិក

អធម៌  នៅ​ប្រទេស​បារាំងឯណោះ បង​ប្អូន​ខ្មែរ​ជា​ច្រើន​ ទាំង​អ្នក​កាន់​និង​អ្នក​មិនកាន់​គ្រីស្ទ

សាសនាក៏​បាន​នាំ​គ្នា​រៀប​ចំ​បុណ្យ​ណូអែល​ក្នុង​គ្រួសារយ៉ាង​សប្បាយរីករាយ​ណាស់​ដែរ​។

នៅឯប្រទេសកម្ពុជាឯណេះវិញ ក្នុងឆ្នាំ​នេះ ​ ដើម្បី​អប​អរ​សាទរ​បុណ្យ​ណូអែល​ គេ​សង្កេតឃើញ

នៅ​តាម​ហាង និង ​ភោជនីយដ្ឋាន​នានា​ក៏​ដូច​ជា​នៅ​តាមសណ្ឋាគារ​ធំ​ៗ​ដែរ​ មាន​ការ​តុប​តែង

ដើម​សាប៉ាំង(sapin)​យ៉ាង​ល្អ​ៗ​​រំលេច​ទៅដោយ​ខ្សែ​រំយោល(Guirlande)​ពណ៌​ផ្សេងៗភ្លឺផ្លេក

លំអ​ដោយ​​អំពូលកែវស្រួយ (Boules en verre)ជាច្រើនពណ៌ ​​និង​ខ្សែភ្លើងចម្រុះ​ពណ៌​ចាំង

រស្មី​ភ្លឺ​ភ្លឹបភ្លែត​ៗ​គួរ​ឲ្យ​ចង់គយ​គន់​ពន់ពេក​ក្រៃមិន​ខុស​ពី​អារ្យប្រទេសនានា​ដែល​កាន់​គ្រីស្ទ

សាសនា​ឡើយ​។


«ព្រះ​វិហារ​ជីវិត​ថ្មី​ភ្នំពេញ​(១)» ដែល​ជា​ព្រះ​វិហារ​ខ្មែរ​ដ៏​ធំ​មួយ​ក្នុង​រាជធានី​ភ្នំពេញបាន​ប្រារព្ឋ

ពិធីបុណ្យ​ណូអែលឆ្នាំ២០១០​យ៉ាង​ឱឡារិក​នៅ​ថ្ងៃ​២៥​ធ្នូ​និង​ថ្ងៃ​២៦​ធ្នូ​។

កម្ម​វិធី​ពិសេសនៅថ្ងៃនោះ​មាន​ជា​អាទិ៍៖ ការ​អធិស្ឋាន​សុំ​ព្រះពរ  ការ​សូត្រ​ខរ​គម្ពីរ

ទី​បន្ទាល់ ការ​សម្តែង​ព្រះ​បន្ទូល​ដោយ​លោក​គ្រូ​គង្វាល​តាំង ​វ៉េក​ហួង

ចម្រៀងកាយវិការសម្តែង​ដោយក្រុម​កុមារាកុមារីមណ្ឌលជីវិត​ថ្មី ចម្រៀង​កាយ​វិការ

សម្តែង​ដោយ​ក្រុមយុវជនយុវនារី ក្រុម​បញ្ញវន្ត និងក្រុមបុរស​ស្ត្រី ចម្រៀង​ពិសេស

ចម្រៀង​សរសើរ​ដំកើង​ព្រះ

ចម្រៀងពិសេស​សម្តែងដោយក្រុមស្ត្រី​និង​បុរស  (រូបថត​ប៉ិច សង្វាវ៉ាន)

ព្រម​ទាំង​មាន​ការ​បញ្ចាំង​ភាព​យន្ត​​​និយាយភាសា​ខ្មែរស្តី​ពី​«ជីវប្រវត្តិព្រះ​យេស៊ូ​គ្រីស្ទ​»​។

គ្រប់ឆាកទាំងអស់ត្រូវបានរៀបចំឡើងយ៉ាង​ល្អ​ប្រណិតទៅ​តាមអត្ថន័យចម្រៀងនិមួយៗ

និងស្ថិតក្រោមការតុបតែងកាយដោយសម្លៀក​បំពាក់ប្រពៃណីខ្មែរ​និង​សម្លៀកបំពាក់

សម័យទំនើបយ៉ាង​ថ្លៃ​ថ្នូរគួរឲ្យសរសើរ និងគួរឲ្យ​មានមោទនៈភាព។

ពី​ធីករពីររូបដែលមានសំនៀងនិងវោហាពីរោះបានចេញ​មកបង្ហាញឆាក​និមួយៗឥតទាស់

ត្រចៀកឡើយ។​ ទាំងអស់​នេះ​គឺពិតជា​ទេពកោសល្លដែល​ព្រះ​បាន​ប្រទានឲ្យ​ពួកគេ។

លោក​គ្រូ តាំង ​វេក​ហួង​​សម្តែង​ព្រះ​បន្ទូល (រូបថត៖​ប៉ិច សង្វាវ៉ាន)

ចម្រៀងកាយវិការដោយ​ក្រុមកុមារាកុមារី (រូបថត៖​ប៉ិច សង្វាវ៉ាន)

ចម្រៀងសរសើរដំកើងព្រះដោយ​ក្រុមយុវជនយុវនារី (រូបថត៖​ប៉ិច សង្វាវ៉ាន)

ចម្រៀងពិសេស​ដោយ​ក្រុមស្ត្រីនិង​បុរស ចម្រៀងពិសេស​ដោយ​ក្រុមស្ត្រីនិង​បុរស (រូបថត​៖ប៉ិច សង្វាវ៉ាន)

ពីឆ្វេងទៅស្តាំ៖ ខ្ញុំនិងស្វាមីខ្ញុំឯ.ឧ. ​ប៉ិច ឈុន – ឯ.ឧ. អ៊ុង ទី -​​ លោកគ្រូគង្វាល តាំង វេក ហួង​ និង​អ្នកគ្រូជាភរិយានៃព្រះវិហារជីវិតថ្មីភ្នំពេញ (រូបថត៖​ប៉ិច សង្វាវ៉ាន)

ក្នុង​កម្មវិធី​ពេលរាត្រីក៏​ដូច​ជា​កម្មវិធី​ពេលព្រឹកដែរ ពិធីករដែលសម្បូណ៍សំនួនវោហា

ប្រចាំព្រះវិហារជីវិតថ្មីភ្នំពេញបាន​ធ្វើអត្ថាធិប្បាយយ៉ាងពីរោះក្បោះក្បាយបង្កបរិយាកាស

ឲ្យកាន់តែមានសភាពរស់រវើកដែលញ៉ាំងឲ្យអ្នកចូលរួមចំនួនប្រហែលជា

១ពាន់ឬជាងមួយពាន់នាក់បានសោមនស្សរីករាយត្រជាក់ចិត្តត្រជាក់អារម្មណ៍

និងមានអំណរក្រៃលែង។

គ្រីស្ទសាសនិកជនទាំងឡាយមិនអាច​បំភ្លេច​បានឡើយនូវ​បរិយាកាសដ៏ពិសេស

ដែលមានលក្ខណៈជាគ្រួសារតែមួយនៅក្នុងឱកាសបុណ្យណូអែល…

បុណ្យណូអែលដែលជាបុណ្យខួបកំណើតនៃព្រះយេស៊ូគ្រីស្ត

(១):ព្រះវិហារជីវិតថ្មីភ្នំពេញ

អាគារលេខ​៤​ ផ្លូវ​៩៥​ ក្រុមទី១០​ សង្កាត់បឹងកេងកង​ ២

ខ័ណ្ឌចំការមន​ រាជធានី​ភ្នំពេញ

ទូរស័ព្ទលេខ : ​០២៣​ ២១០ ​៣៥៤

ទូរស័ព្ទទំនាក់ទំនង​​​ :០១២ ​៨០០ ៧៦៦​ – ០១២ ​៣៣១​៩៨១


សួស្តីណូអែល​ JOYEUX NOËL MERRY CHRISTMAS

សួស្តីណូអែល

សូមរីករាយក្នុងឱកាសបុណ្យណូអែល

និងសួមឆ្នាំ២០១១នាំមកនូវ

សុខភាពល្អមាំមួន សុភមង្គល

ជោគជ័យ សិរីមង្គល វិបុលសុខគ្រប់ប្រការ

សូមសុខសន្តិភាពមានគ្រប់ទិសទី

ក្នុងពិភពលោក

ដើម្បីឲ្យយើងទាំងអស់់គ្នារស់នៅបានសុខសាន្ត

ក្នុងពិភពមួយដ៏ល្អប្រសើរ


សូមអញ្ជើញប្រិយមិត្តទស្សនាdiaporamaទិដ្ឋភាពណូអែលតាមដំណខាងក្រោមនេះ

http://dl.free.fr/iAQos7MFO (“MERRY_CHRISTMAS.pps”) [carte en français]

ដំណខាងលើជាភាសាបារាំង

ដំណខាងក្រោមជាភាសាអង់គ្លេស

http://dl.free.fr/muqC2dJPK (“MERRY_CHRISTMAS_gb.pps”) (carte en anglais)

 

យប់ដ៏​សុខសាន្ត


យប់ដ៏​សុខសាន្តយប់បរិសុទ្ឋ…

ស្ងប់ស្ងាត់​យ៉ាង​ស្រួល​បំផុត​ នៅ​ជុំវិញ​ព្រះ​រាជ​បុត្រា…

ជា​បុត្រ​បរិសុទ្ឋ… ទន់​ភ្លន់​អស្ចារ្យ… សូម​ផ្ទុំ​លក់ដោយ​សុខ​សាន្ត​។


យប់ដ៏​សុខ​សាន្ត​យប់​បរិសុទ្ឋ…

ពួក​គង្វាល​ចៀម​បាន​តក់​ស្លុត

ដោយ​មាន​សិរី​ល្អ​ភ្លឺ​អស្ចារ្យ​ និង​ទេវតា​មក​ច្រៀង​ហា​លេ​លូ​យ៉ា

ព្រះ​អង្គ​សង្គ្រោះ…​បាន​កើត​ហើយ​ ព្រះអង្គ​សង្គ្រោះ…​បាន​កើត​ហើយ​។


យប់​ដ៏​សុខ​សាន្ត​យប់​បរិសុទ្ឋ…

ព្រះ​យេស៊ូជា​ព្រះ​រាជ​បុត្រ

មាន​ជា​រស្មី​ភ្លឺ​មក​ពី​ព្រះ​ភក្ត្រ

ឲ្យ​បាន​ឃើញ​ព្រះគុណ​ទ្រង់​ជា​យ៉ាង​ជាក់

ក្នុង​កាល​ទ្រង់ប្រសូត…មក​នោះ  ក្នុង​កាល​ទ្រង់​ប្រសូត្រ…មក​នោះ៕

 

Silent night

(A traditional Christmas Song)


Silent night holy night

All is calm all is bright

Roun yon virgin Mother and child

Holy infant so tender and mild sleep

in heavenly peace.


Silent  night holy night

Son of God, love’s pure light

Radiant beams from thy holy face

With the dawn of redeeming grace

Jesus,  Lord, at thy birth

Jesus,  Lord, at thy birth.


Silent  night,  holy night

Slepherds quake at the Sight

Glories stream from heaven afar

Heavenly hosts sing Alleluia !

Christ , the Saviour is born

Christ , the Saviour is born

សូមអញ្ជើញចូលក្នុងដំណខាង​ក្រោមនេះដើម្បីទស្សនានិង​ច្រៀង«បទ​Silent Night»

<Silent Night >Karaoke from http://www.Activity Village.co.uk

ណូអែល២០១០៖ឱ!ដួងពន្លឺ

សួស្តីណូអែល២០១០

 

ឱ!ដួងពន្លឺ



១ – ពន្លឺ​អើយពន្លឺ​ថ្លា ! ​ភ្លឺ​អស្ចារ្យ​ពី​ឋានខ្ពស់

ពន្លឺ​មក​បំភ្លឺ​មនុស្ស ​​ឲ្យ​បាន​រស់​ក្នុង​ភព​ថ្មី​។

បន្ទរ – ខ្ញុំ​ចង់ចាប់យកពន្លឺ​ ភ្នែក​បាន​ភ្លឺ​យល់​ឃើញ​អ្វី​ៗ…

ភាព​ងងឹត​ជា​ជង់លោកីយ៍

គ្មាន​រស្មី​គ្មាន​ក្តី​សង្គ្រោះឡើយ ​។

២ – ពន្លឺ​ភ្លឺ​ពី​សួគ៌ា! ភ្លឺ​អស្ចារ្យ​ណាស់ព្រះ​អើយ!

ពន្លឺ​នេះ​នាំ​មនុស្ស​ដល់ត្រើយ ​ដល់​ត្រើយ​នៃសុភមង្គល។

៣- ឱ​!ដួង​អើយ​ដួង​ពន្លឺ! អ្នក​បំភ្លឺ​ពេញ​សកល

មនុស្ស​គ្រប់​ពូជ​សាសន៍​ក៏​គេ​បាន​ស្គាល់

ក៏​បាន​ទៅ​ដល់​ភព​នៃ​ជីវិត​ពិត​។

៤ – យើងខ្ញុំ​សូម​អរគុណ​ក្រៃ​ ដោយ​រស្មី​អ្នក​ជាប់​ស្និទ្ឋ

បំភ្លឺ​ឲ្យ​ខ្ញុំ​ក្លាយ​ជា​មិត្ត

ធ្វើ​ជា​មិត្ត​រៀងរាប​អស់​កល្ប

ធ្វើ​ជា​មិត្ត​រៀងរាប​អស់​កល្ប

ធ្វើ​ជា​មិត្ត​រៀងរាបៗ​អស់​កល្ប ៕



ទំនុកច្រៀងនិពន្ឋដោយ​ ដួង ចរិយា

សម្រួលបទភ្លេង​ដោយ ថន អេងលី

ច្រៀង​ដោយ​ វៀង​ច័ន្ទ


«ឱ!ដួងពន្លឺ»ដកស្រង់ចេញពីVCD Karaoke Vol.O1 ផលិតកម្មសំនៀងភក្តី

អាចរកជាវបាននៅ

បណ្ណាគារគ្រួសារ​ Family Bookstore

#1 Nehru (St 215) Sangkat Psar Dépo 3 , Phnom Penh CAMBODIA

Tel 023 883 071

Email : fbs@camnet.com.kh