Category Archives: ចម្រៀង

ថ្ងៃ១កក្កដា ច្រៀងដោយលោក​ស៊ីន ស៊ី​សាមុត

យប់មិញ ខ្ញុំបានរកកាស្សែតចម្រៀងដែលជាស្នាដៃកវីយឹម កិច្ចសែ។

ខ្ញុំក៏បានឆ្លៀតស្តាប់នាទីចម្រៀងអត្ថាធិប្បាយរបស់ខ្ញុំដែលបានចាក់ផ្សាយ

ក្នុងឆ្នាំ១៩៩៨តាមរលកអាកាសវិទ្យុបារាំងអន្តរជាតិRFI ( RADIO FRANCE

INTERNATIONALE)

ខ្ញុំក៏បានឆ្លៀតរៀបកាស្សែតចាស់ទាំងអស់នោះដាក់ក្នុងប្រអប់ដែកដើម្បីកាពារ

កុំប្រឡាក់ធូលីនិងបោះចោលកាស្សែតខ្លះដែលមិនត្រូវការ។ ស្រាប់តែបានប្រទះ

ឃើញកាស្សែតចម្រៀងដែលខ្ញុំបានធ្វើអត្ថាធិប្បាយមួយប្រអប់និងដែលបានផ្សាយ

ក្នុងវិទ្យុបារាំងអន្តរជាតិRFI។ ខ្ញុំចាប់ដោយចៃដន្យយកកាស្សែតមួយហើយក៏ស្តាប់

ស្រាប់តែប៉ះចំចម្រៀង១បទដែលខ្ញុំសែនស្រឡាញ់ពេញចិត្តតាំងពីនៅយុវ័យ គឺ

ស្រឡាញ់ទាំងទំនុកច្រៀងនិងស្រឡាញ់ទាំងបទភ្លេង។ ចម្រៀងដ៏ពិរោះនោះមាន

ចំណងជើងថា«ថ្ងៃ១កក្កដា»។ ខ្ញុំចាក់ស្តាប់បណ្តើរពីបីសារ និងកត់ទំនុកច្រៀង

បណ្តើរ ។  ខ្ញុំសូមអញ្ជើញប្រិយមិត្តអ្នកអានបណ្តែតអារម្មណ៍តាមទំនុកច្រៀងដ៏ពិរោះ

នេះដូចតទៅ ៖

១. ថ្ងៃ១កក្កដាគឺថ្ងៃបានជួបភក្ត្រស្ងួន

ជួនជាយប់យន់ដែលមានរស្មីថ្លៃថ្លា

អូូនបានសារសងឆ្លើយឆ្លងវាចាត្រឹមខ្សែនេត្រា

ឱ្យរៀមស្នេហាពន់ពេកកន្លង។

. ពេលដែលបងបានលួចយកភក្ត្រដ៏ប្រឹមប្រិយ

រៀមគួចហឬទ័យថ្នមបីឥតមានពេលល្ហែ

សម្រស់ដួងចិត្តមើលតែដួងខែ

បញ្ចេញក្តីស្នេហ៍ថាឱ្យរៀមថែស្រីឱ្យគង់។

បន្ទរ ៖ ឬមួយនាងអៀនបានជាមិនហ៊ានពោលនូវពាក្យមេត្រី

ថាចិត្តរៀមស្មោះចំពោះស្រី តើនាងប្រណីបងទេ?

. ពេលដែលអូនបានបែរភក្ត្រនេត្រាមកចំ

ពេលនោះអារម្មណ៍រៀមរែងកើតក្តីសៅហ្មង

វិលវល់ក្នុងចិត្តត្បិតកែវនួនល្អងអាសូររៀមផង

ចិត្តបងស្នេហ៍ស្នងតែលើរូបស្រី៕

Advertisements

កំណាព្យស្នេហ៍មាស និពន្ធ​ដោយ​ លោក ​គង្គ ប៊ុនឈឿន – Rfi

ខ្ញុំ​សូម​យក​កិច្ច​ការ​របស់​ខ្ញុំកាលពី​ពេល​ដែល​ខ្ញុំ​បំពេញ​ការងារ​នៅវិទ្យុ​បារាំង​អន្តរជាតិ Rfi មក​ចុះ​ផ្សាយ ដើម្បីជាការ​សន្សំ​ស្នាដៃ​របស់​ខ្ញុំ​ឡើង​វិញ និង​ជាការ​ផ្សាយ​ដល់​អ្នក​ស្តាប់អ្នក​អានទាំង​ឡាយ​ ដែល​ខក​ខាន​មិន​បាន​ស្តាប់​វេលា​ផ្សាយ​កាល​មុន។ ការ​ផ្សាយ​ឡើងវិញ​​គ្រានេះ​ ខ្ញុំ​គ្មាន​ចេតនា​ផ្សេង​ក្រៅពី​ចង់​លើក​ស្ទូយ​សិល្បៈ​វប្បធម៌​អក្សរ​សាស្ត្រ​អក្សរ​​សិល្ប៍​ជាតិ​ខ្មែរ​យើង​នោះទេ។

kbc book

 កំណាព្យស្នេហ៍មាស និពន្ធ​ដោយ​លោក​គង្គ ប៊ុនឈឿន

 នៅ​ឆ្នាំ​២០០០ លោក ​គង្គ​​  ប៊ុន​ឈឿន ដែល​ជា​អ្នក​និពន្ធ​ដ៏​ល្បី​ល្បាញមួយរូប​ បាន​ចេញ​​ផ្សាយ​សៀវភៅ​មួយ​​ដាក់​ចំណង​ជើង​ថា​​ កំណាព្យ​ស្នេហ៍​មាស។ កំណាព្យ​ស្នេហ៍​មាស ជា​កំណត់ហេតុ​ស្នាដៃ​ ឬជា​កម្រង​វណ្ណកម្មទាំង​អស់​របស់លោកគង្គ​​  ប៊ុន​ឈឿន តាំង​ពី​លោក​បាន​ចាប់​ដង​ប៉ាកកា​ប្រឡូក​ក្នុងជីវិត​ទឹក​ខ្មៅ​ ពី​ទស្សវត្សរ៍​១៩៥០​មក ដូច​ជា​ ប្រលោមលោក​ កំណាព្យ​ ​បទ​ភ្លេង ​​​ទំនុក​ច្រៀង​ ​និងរឿង​ភាពយន្ត​វីដេអូ​ជា​ដើម​ ។

ប្រវត្តិ​បទចម្រៀង​អ្នកនិពន្ធ​ជើងចាស់ គង្គ ប៊ុនឈឿន

សូមចុចខាងក្រោម ដើម្បី​ស្តាប់ (ភាគទី១) http://mfi.re/listen/cytawh2mt2no5ko/KONGBUNCHHOEUN_07_11_04.mp3

ដោយ ប៉ិច សង្វាវ៉ាន

អត្ថបទចុះផ្សាយកាលនៅវិទ្យុ​បារាំង​អន្តរជាតិ Rfi ពីថ្ងៃទី 13/09/2009

 

បំណង​របស់​លោក​ គង្គ​​ ប៊ុន​ឈឿន ក្នុង​ការសរ​សេរ​សៀវភៅ​នេះ​ មាន​៣​​ចំណុច​គឺ​៖

 ទី១-​ លោកចង់រក្សា​ទុកផ្នត់គំនិត​របស់លោក​ ដែល​ជា​ផលចំណែក​នៃ​ការ​ត្រិះរិះ​ពិចារណា​មួយ។

ទី២-    លោកចង់ឲ្យ​អ្នក​អាន​ដឹង​ពិត​ប្រាកដ​ថា ពេលដែល​លោក​រស់​នៅ​ លោក​បាន​ធ្វើអ្វី​ខ្លះ?

ទី​៣-    លោកចង់​បញ្ជាក់​ប្រាប់​មជ្ឈដ្ឋានមួយចំនួន​ដែល​បាន​យកស្នាដៃ​របស់​លោក​ទៅ​ ប្រើ​ប្រាស់​ជា​​​ផ្លូវ​ជំនួញ​ ដោយ​មិន​គោរពសិទ្ធិ​របស់លោក​ជាអ្នក​និពន្ធ​​​ដើមបន្តិច​បន្តួច​សោះ។

តាំង​ឆ្នាំ១៩៦៣ រហូត​មកដល់​ខែ​មេសា​ឆ្នាំ​១៩៧៥ លោក គង្គ ​​ ប៊ុន​ឈឿន ​និពន្ឋទំនុក​ច្រៀង​ និង​​​បទ​ភ្លេង​ បាន​ជាង​ពីររយ​បទ​​។​

ដោយ ​ចេះ​ភ្លេង​ខ្លះៗ​ និង​ចេះ​កាន់​ឧបករណ៍តន្រី្ត ដូច​ជា​ ​វីយូឡុង​​ និង​ហ្គីតាច្បាស់​លាស់​ លោក​គង្គ ប៊ុន​ឈឿន​ តែង​តែ​បង្ហូរ​មនោសញ្ចេតនា​តាម​មន្ត​ស្នេហ៍​នៃ​តន្តី្រ​ និង​តាមរសជាតិ​កំណាព្យ​ទំនុក​ច្រៀង​ លុះ​ត្រា​តែ​ក្លាយ​ទៅ​ជា​ទម្លាប់​។

តាំង​ពី​នៅ​ក្មេង លោក ​គង្គ ប៊ុន​ឈឿន ពេញចិត្ត​អ្នកចម្រៀង​ ស៊ីន ​ស៊ីសាមុត​ និង​អ្នក​និពន្ឋ​ អ្នកបទភ្លេង​ទំនុក​ច្រៀង​ ពៅ ​ស៊ី​ផូ ណាស់។ អ្វីៗ​ដែល​លោក គង្គ ប៊ុន​ឈឿន បានឮក្នង​សម័យ​ ជា​រសជាតិ​ស្រោចស្រប់​បេះដូង​លោក​ឲ្យ​ដុះពន្លក​មនោសញ្ចតនា​កំណាព្យ​ ទំនុក​ច្រៀង​កាន់តែ​ខ្លាំងឡើងៗ​គ្មាន​ស្រកស្រុត​។​

គេចំណាំ​ឃើញ​ថា​ ចម្រៀង​របស់លោក​ គង្គ ប៊ុន​ឈឿន ច្រើនតែ​រៀបរាប់ពី​ខេត្ត​បាត់ដំបង​​ ដែល​ជា​ទឹកដី​កំណើត​របស់​លោក និង​ ឆ្លុះ​បញ្ចាំង​ពី​សេចក្តី​ស្នេហា​របស់​លោក​ក្នុង​យុវវ័យ​ ជា​អាទិ៍​បទ​ស្ពាន​ឈើ​អភ័ព្វ​ ។ ស្ពាន​ឈើ​អភ័ព្វដែល​សព្វ​ថ្ងៃ​នេះ​ គេ​នាំ​គ្នា​ប្តូរ​ដាក់​ថា​ភូមិ​វត្ត​កំផែង​ ខុស​ពី​ចំណង​ជើង​ដើមគួរ​ឲ្យ​ស្តាយ។ ​លោក ​គង្គ ប៊ុន​ឈឿន បញ្ជាក់​ពីមូល​ហេតុ​ដែល​បាន​ជំរុញ​ឲ្យ​លោក​និពន្ធ​បទ​ ស្ពាន​ឈើ​អភ័ព្វ ​និង​ ជំនួប​ចុង​ក្រោយ​របស់​លោក​ជា​មួយ​លោក​ ស៊ីន​ ស៊ី​សាមុត៕

KBC.

 ប្រវត្តិ​បទភ្លេង និងទំនុកច្រៀង

កំណាព្យ​ស្នេហ៍មាស និពន្ធ​ដោយ​លោក គង្គ ប៊ុនឈឿន

 សូមចុចខាងក្រោម ដើម្បី​ស្តាប់ (ភាគទី២) http://mfi.re/listen/oewaj623edpzo9j/KONG_BUN_CHHOEURN01_23-08-09.mp3

ដោយ ប៉ិច សង្វាវ៉ាន

អត្ថបទចុះផ្សាយកាលនៅវិទ្យុ​បារាំង​អន្តរជាតិ Rfi ពីថ្ងៃទី 30/08/2009

 កំណាព្យ​ ស្នេហ៍​មាស ​ជាកម្រង​ បទ​ភ្លេង​ទំនុក​ច្រៀង​​ដែល​ចេញ​មក​ពីកំណាព្យ។​ កំណាព្យ ដែលលោក​ គង្គ ​ប៊ុនឈឿន បាន​និពន្ធ មាន​អត្ថន័យ​ទោរទន់​ទៅ​រក​រឿងបេះដូង ច្រើន​ជាង​រឿង​ដទៃ​ទៀត។

 អ្នក​ដែល​មាន​រឿង​បេះដូង​ ពេល​ណា​យំ​ក៏​ច្រៀង សប្បាយ​ក៏​ច្រៀង​ ខឹងសម្បារ​មួរ​ម៉ៅ​ក្រេវ​ក្រោធ​ក៏​ច្រៀង​ដែរ។​ ដូច្នេះ ​ចំពោះ​លោក​ គង្គ ​ប៊ុនឈឿន ​ចម្រៀង ឬ កំណាព្យ​ស្នេហ៍​មាស​​គ្មាន​អ្វី​ឃ្លាត​ឆ្ងាយ​ពី​គ្នា​ឡើយ។

បទ​ភ្លេង និង​ទំនុក​ច្រៀង​របស់​លោក​ គង្គ ​ប៊ុន​ឈឿន​ សុទ្ធ​​តែ​មាន​អាយុ​ច្រើន​ឆ្នាំ​មក​ហើយ។ ប៉ុន្តែ​នៅ​តែ​មាន​ប្រជាប្រីយភាព​រហូត​មក​ដល់​សព្វ​ថ្ងៃ​នេះ ។

​សូម​អញ្ជើញ​លោក​​ លោក​ស្រី​ នាង​កញ្ញា​ស្តាប់​ចម្រៀង​៣​បទ​ របស់​លោក គង្គ​ ប៊ុនឈឿន ដែល​បក​ស្រាយ​ដោយ​លោក​ស៊ីន​ស៊ី​សាមុត និង​អ្នកស្រី​ រស់ សិរីសុទ្ឋា។

 អ្នក​ខ្លះ​បាន​យក​ចម្រៀង​របស់​លោក​ទៅ​ដាក់​ក្នុង​ខ្សែ ភាព​យន្ត​ ឬ​ខ្សែ​វីដេអូ​ ជា​ចម្រៀង​កាយវិការ ការ៉ាអូខេ​ចេញ​លក់​ព្រោង​ព្រាត​ ឥត​គិត​ដល់​លោក​ គង្គ ​ប៊ុនឈឿន ដែល​ជា​​អ្នក​និពន្ធ​​ដើម​បន្តិច​បន្តួច​ឡើយ សូម្បី​តែ​ដែល​ដឹង​ហើយ​ក៏​នៅ​បំពាន​ដែរ។ ជន​ឱកាស​និយម​មួយ​ចំនួន​ទាំង​នោះ ​ប្រឹង​បឹត​ជញ្ជក់​ញើស​ឈាម​អ្នក​និពន្ធ​ និង​សិល្បករ​ដែល​មាន​គំនិត​ច្នៃ​ប្រឌិត​​ដើម្បី​បម្រើ​​ផល​ប្រយោជន៍​វប្បធម៌​ជាតិ​ ឲ្យ​បាក់​ទឹកចិត្ត​ស្ទើរ​តែ​អស់​ឆន្ទៈ​បម្រើ​ការងារ​ដ៏​អភ័ព្វ​នេះ​រលីង។

 នៅ​ក្នុង​ផែនកាណ៍​១០​ឆ្នាំ​របស់​ពិភពលោក​ខាង​វិស័យ​វប្បធម៌ គេបាន​បែង​ចែក​ចំណុច​ វិជ្ជមាន​៤​យ៉ាង​ច្បាស់​លាស់​ថា ៖

 ១- ត្រូវ​ដាក់​វប្បធម៌​ក្នុង​បេះដូង​នៃ​ការ​អភិវឌ្ឍ​

២- ​ពង្រឹង​​ និង​ធ្វើ​ឲ្យ​អត្តសញ្ញាណជាតិ​មាន​ភាពសម្បូណ៌​បែប​

៣- ធ្វើ​ឲ្យ​ការងារ​វប្បធម៌​ ទៅជា​ការងារ​របស់​មនុស្ស​គ្រប់​គ្នា

៤- ជំរុញ​វិស័យ​វប្បធម៌​ ឆ្ពោះ​ទៅ​កាន់​សាមគ្គីភាព​អន្តរជាតិ

 លោក ​គង្គ ​ប៊ុន​ឈឿន សូម​ឲ្យ​សៀវភៅ​នេះ​បាន​ទៅជា​ឯកសារ​សម្រាប់​អ្នក​ស្រាវជ្រាវ​ជំនាន់​ក្រោយ​ ជា​ពិសេស​ជា​មរតក​ដ៏​មាន​តម្លៃ​សម្រាប់​គ្រួសារ​របស់​លោក​ផ្ទាល់។

 តាម​រយៈ​ឯកសារ​វប្បធម៌​ដ៏​ល្អ​នេះ ខ្ញុំ​សូម​ឧទ្ទិស​ និង​​ចែក​រំលែក​នាទី​ ដែល​ខ្ញុំ​​បាន​រៀប​ចំ​ឡើង​ដោយ​ពឹង​ផ្អែក​លើ​សៀវ​ភៅ​កំណាព្យ​ស្នេហ៍​មាស​​របស់ លោក ​គង្គ ​ប៊ុនឈឿន ​នេះ​ជូន​ប្រីយ​មិត្ត​អ្នក​ស្តាប់​វិទ្យុ​បារាំង​អន្តរជាតិ​RFI។

 ខ្ញុំ ​ប៉ិច ​សង្វាវ៉ាន ​សូម​អញ្ជើញ​លោក​​ លោក​ស្រី​ នាង​កញ្ញា​ស្តាប់​ចម្រៀង​៣​បទ​ដែល​បក​ស្រាយ​ដោយ​លោក​ ស៊ីន ​ស៊ី​សាមុត និង​អ្នកស្រី ​រស់ សិរីសុទ្ធា៕

យប់១២កើត បកស្រាយដោយ លោក​ស៊ីន ស៊ីសាមុត

រំដួលក្រចេះ​និងអនុស្សាវរីយ៍របស់ខ្ញុំក្នុងវិស័យអក្សរសាស្រ្តជាតិ

ខ្ញុំស្រឡាញ់បទ«រំដួលក្រចេះ»ណាស់។ ស្រណោះ ខែកញ្ញាឆ្នាំ១៩៦៨

ខ្ញុំតែងតែឮវិទ្យុជាតិចាក់ផ្សាយបទ «រំដួលក្រចេះ» នេះជានិច្ច នៅមុន

ពេលវិទ្យុផ្សាយរឿង«នេះឬចិត្តប្រុស?» ប្រលោមលោកទី១របស់ខ្ញុំ។

http://www.youtube.com/watch?v=ofTNZL6VE8E

ចម្រៀង«លួចស្នេហ៍តារា»​បកស្រាយដោយ មុនី ស្រស់ តារាដែលខ្ញុំពេញចិត្ត

mony sros photo: mony sros monysros-1.jpg

ទ្រព្យគាប់ចិន្តា ដកស្រង់ចេញពី ផលិតកម្មស្រីរ័ត្ន ច្រៀងដោយ ស៊ីន ស៊ីសាមុត

គឺជាចម្រៀងមួយបទដែលខ្ញុំស្រឡាញ់បំផុត។

ខ្ញុំផ្ញើជូនប្រិយមិត្តទស្សនាកំសាន្តនៅថ្ងៃអាទិត្យនេះ៕

សម្តែងដោយ ប៉ែន ចំរុង​ និង មុនីស្រស់

សូមចុចលើសខ្សែអក្សរនេះ

 

 

«បើ​សិន​អូនឱ្យ​របស់​អ្វី​ប្រគល់​មក​បង

ស្រស់​ពៅ​នួន​ល្អង​បង​សូម​ទទួល​តែ​មួយ​ប៉ុណ្ណោះ

ទោះ​អូន​ឱ្យ​ច្រើន​ស្ទើរ​តែ​រាប់​មិន​អស់

ក៏​បង​ទទួល​ដោយស្មោះ​

តែ​បង​ទទួល​យក​តែ​មួយ​ប៉ុណ្ណោះ​ ជាទ្រព្យ​គាប់​ចិន្តា​ប្រចាំ​ជីវិត

ស្លាប់​រស់​មិន​គិត​រក្សា​ឱ្យ​គង់​គឺ​ស្នេហា​ដែល​អូន​ប្រគល់​ទុក​ឲ្យប្រុសបង

អ្វី​ក្រៅ​ពីនោះ​ដែល​ពៅ​ស្រី​ស្រស់ឱ្យ​ប្រុស​បង​ដែរ

ពេញចិត្ត​ទាំងអស់​ឥត​ខ្វះ​ទេ​ស្នេហ៍​ធ្លាប់​តែត្រកង

ទោះ​នៅ​ពេល​អូន​ឃ្លាត​កាយ​ឆ្ងាយ​ពី​បង​ច្រើន​ខែ​ច្រើន​ថ្ងៃ​កន្លង

​ក៏​បងនៅ​ចាំ​នួន​ល្អង​ឥត​ប្រែ​ក្រឡាស់​ផ្លាស់​ពី​ស្នេហ៍ៗ​យើង​ទេ​អូន

រឿង​រ៉ាវ​អភ័ព្វ​អណ្តែត​ចោល​តាម​ក្បូន​ ចោល​ឱ្យឆ្ងាយ​រ៉ាយ​រ៉ាប់​

ជាថ្មី​រឿង​ស្រី​និង​បង។»

សិលាចាំប្តី បកស្រាយដោយ ទូច ស៊ុននិច

ថតក្នុងcouloir ផ្លូវដើរ ក្នុងផ្ទះយើង រូបថត៖​ប៉ិច សង្វាវ៉ាន

ថតក្នុងផ្ទះខ្ញុំក្នុងប្រទេស បារាំង រូបថត៖ប៉ិច សង្វាវ៉ាន)

ថតក្នុងផ្ទះខ្ញុំក្នុងប្រទេស
បារាំង( រូបថត៖ប៉ិច សង្វាវ៉ាន)

សិលាចាំប្តី បកស្រាយដោយ ទូច ស៊ុននិច

ខ្ញុំ និង ស្វាមីខ្ញុំស្រឡាញ់ ចូលចិត្តបទនេះណាស់។

បទនេះធ្វើឲ្យយើងនឹកឃើញអនុស្សាវរីយ៍ក្នុងរាត្រី

ណូអែលមួយដែលកន្លងទៅកាលពីជាងដប់ឆ្នាំមុន

គឺក្នុងពេលដែលកញ្ញា«ទូច ស៊ុននិច» មកច្រៀងក្នុង

ប្រទេសបារាំង ហើយនាងបានមកបរិភោគអាហារ

រួមគ្នានៅផ្ទះយើងដែលស្ថិតនៅឯទីក្រុង«ម៉ុងទីញី»

ប្រទេសបារាំង។

ខ្ញុំសូមអញ្ជើញប្រិយមិត្តទស្សនាវីដេអូមួយ

ដែលរំលឹកអំពីពេលដែលកញ្ញា ទូច ស៊ុន និច

ចេញមកច្រៀងក្នុងប្រទេសបារាំង។

http://www.youtube.com/watch?v=aEax1mPkpP8