មរណភាពលោក យូ ​បូអតីតប្រធានសមាគមអ្នក និពន្ធខ្មែរប្រចាំប្រទេសកម្ពុជា

ខ្ញុំមានការរំជួលចិត្តនិងសោកស្តាយជាខ្លាំង នៅពេលបានទទួលដំណឹងក្រៀមក្រំដែលហេង ឧត្តមបានផ្ញើមកខ្ញុំថា «លោក យូ ​បូដែលជាអតីតប្រធានសមាគមអ្នកនិពន្ធខ្មែរ ប្រចាំប្រទេស
កម្ពុជាបានចូលមរណភាព»។
ខ្ញុំនិងគ្រួសារសូមចូលរួមនិងរំលែកទុកដ៏សោកសៅនេះពីចម្ងាយ។

អនុស្សាវរីយ៍ល្អៗនៃទំនាក់ទំនងផ្នែកអក្សរសាស្រ្តអក្សរសិល្យ៍ខ្មែរតាំង៣០ឆ្នាំកន្លងទៅជាមួួយលោក យូ​បូទៅនៅតែដៅជាប់ក្នុងចិត្តខ្ញុំមិនអាចរលត់
បានឡើយ ជាពិសេសក្មុងឆ្នាំ២០០៤ ឆ្នាំៗដែលខ្ញុំនិងស្វាមីខ្ញុំបានទៅ
មាតុប្រទេសជាលើកដំបូង យើងទាំងពីរបានទៅជួបលោកដល់គេហដ្ឋាន
របស់លោកយូ បូនៅព្រែកប្រា។ រូបភាពនោះ
រមែងលេចធ្លោម្តងម្កាលក្នុងសតិអារម្មណ៍ខ្ញុំដែលុគ្មានអ្វីក្រៅពីការ «ស្រឡាញ់អក្សរសាស្ត្រខ្មែរយើងនិងសន្តានចិត្ដដ៏ថ្លៃថ្នូរនៃមិត្តភាពនិងភាតរភាពរវាងយើងទាំងពីរដែលជាចំណងចងភ្ជាប់ទំនាក់ទំនងរវាងលោក យូ​បូនិងខ្ញុំដែលជាអ្នកបង្កើតសមាគមអ្នកនិពន្ធខ្មែរដូចគ្នា»។ គឺបានន័យថា «ព្រោះតែសេចក្តីស្រឡាញ់អក្សរសាស្រ្តជាតិដ៏មុះមុតនេះហើយទើបយើងបានបង្កើតសមាគមនេះឡើងហើយយើងឆ្លៀតពេលបម្រើការងារក្នុងពេលដែលយើងទំនេរពីការងារចញ្ចឹមជីវិត»។ ឪ! ព្រះជាម្ចាស់ ខ្ញុំបានបាត់បង់មិត្តភក្ដិដែលជាអតីតសមាជិកសមាគមអ្នកនិពន្ធខ្មែរមួយចំនួនហើយគឺលោក​លាង ហាប់អាន លោក លឹម លាងជិន លោក ឡាំង ប៉េងសៀក កញ្ញា ជា ម៉ាក់លីន និងបងធម៌២រូបទៀតគឺ លោក ដជូ ថានី​ នឹង
លោក ម៉ៅ ប៊ុនថន ក្នុងរបបខ្មែរក្រហម។ ការ បាត់បង់មានទំហំស្មើការបាត់
បង់សាច់សារលោហិតផ្ទាល់នេះបានធ្វើឱ្យខ្ញុំសោកស្តាយមិនទាន់បាត់នៅឡើយ។ ថ្ងៃនេះ ខ្ញុំត្រូវំបាត់បង់លោកយូ ​បូ១រូបទៀត… រូបំ ទុក្ខំ អនត្តា។ រូបកាយយើងជារបស់ដែលយើងខ្ចីមកតែមួយរយះប៉ុណ្ណោះ។ «មានរូបគឺមានទុក្ខ»

សរសេរជាមួួយទឹកភ្នែកនឹងការរន្ធត់ចិត្តនៅថ្ងៃ៨ ខែសីហាឆ្នាំ២០១៨ ។
ប៉ិច សង្វាវ៉ាន ហៅ ព្រហ្ម ​សុទ្ធធីតា

Kanitha Neng

នេង កន្និដ្ឋា៖ លោកគ្រូផ្តាំថា (សូមផ្តន្ទាទោសមនុស្សអាក្រក់ដោយចុងប៉ាកា គេនឹងឈឺចាប់ដោយការស្អុយឈ្មោះម៉ឺនឆ្នាំ) (ធ្វើជាអ្នកនិពន្ធឋបើសរសេរតែរឿងស្នេហាស្រីប្រុសកុំសរសេរ)
សិស្សម្នាក់នេះចងចាំជានិច្ច សូមវិញ្ញាណខន្ឋលោកគ្រូបានដល់សុខគតិភពកុំបីឃ្លាងឃ្លាត

****

ក្នុង​ឱកាស​ថ្ងៃ​បុណ្យ​គម្រប់​មរណភាព ៧ថ្ងៃ របស់​ព្រឹទ្ធាចារ្យ​និពន្ធ យូ បូ (ត្រូវនឹងថ្ងៃទី​១៣សីហា​២០១៨) ខ្ញុំ​បាន​ផ្តាំ​ អ្នកនិពន្ធ ឡឹក ជំនោរ ដែល​ជា​អនុប្រធាន​សមាគម​អ្នកនិពន្ធខ្មែរ នៅភ្នំពេញ ជួយ​ចូលរួម​ថវិកា​បុណ្យដែរ។ សូម​វិញ្ញាណក្ខន្ធ​លោក យូ បូ សោយសុខ​នៅបរលោក។

វិយោគកថាពិធីឈាបនកិច្ចសពអ្នកនិពន្ធ អ៊ុំ សុផានី

នៅថ្ងៃដែលខ្ញុំបានទទួលសារអ្នកគ្រូ​ ស៊ិម ចាន់យ៉ា ដែលសរសេរប្រាប់ខ្ញុំក្នុងហ្វេសប៊ូក ថា «សុផានីឈឺធ្ងន់​ និង សុំឱ្យ​អធិស្ឋានឱ្យសុផានី» ខ្ញុំក៏បានអធិស្ឋានភ្លាម ប៉ុន្តែ ខ្ញុំអធិស្ឋានបានតែម្តងគត់​ មិនអស់ចិត្ត អន្ទះសាពេក​ក៏ឡើងមកបើកមើលសារអ្នកបង ចាន់យ៉ា ជាថ្មី ស្រាប់តែពុទ្ធោអើយ! សារនោះបានសរសេរផ្តល់ដំណឹងមកខ្ញុំថា «សុផានីបានចូលមរណភាពទៅហើយ»  ព្រះអើយ!​ ខ្ញុំសឹងតែគាំងបេះដូង ។

ក្បាលខ្ញំឡើងក្តៅ ហើយខ្ញុំដឹងថាសរសៃឈាមខ្ញុំកំពុងតែហូរ ។ ខ្ញុំមិនដែលប្រទះហេតុការណ៍គួរឱ្យភ័យដូច្នេះក្នុងសិរសាខ្ញំឡើយ។ ខ្ញុំក៏អធិស្ឋានសុំព្រះអង្គសង្គ្រោះខ្ញុំ​ក្នុងពេលនោះ ហើយក៏ចូលទៅសម្រាកលើពូក និងយកប្រដាប់ស្ទង់ឈាមមកវាស់មើល។ ឈាមខ្ញុំឡើងដល់ទៅជាង១៦។ នេះគឺមកពីការតក់ស្លុតនិងសោកស្តាយបំផុត ព្រោះខ្ញុំមិនដែលនឹកគិតសោះថា​​ មិត្តនារីសម្លាញ់របស់ខ្ញុំ អ៊ុំ សុផានី ចាកលោកនេះរហ័សដល់ម្លឹង… អនិច្ចំ រូបំ អនត្តា…៕

សូមអញ្ជើញអានសំណេរខ្លី​របស់ ហេង ឧត្តម ដែលបានចូលរួមផ្ទាល់ក្នុងឱកាសដ៏សោកសៅរន្ធត់និងក្រៀមក្រំនោះ ដែលខ្ញុំបានស្នើសុំអត្ថបទជាពិសេសសម្រាប់គេហទំព័ររបស់ខ្ញុំ។ អរគុណឧត្តម។

សូមបញ្ជាក់ថា តាមពិតឧត្តមនៅសិក្សាក្នុងប្រទេសបារាំងឯណេះ។ ក្នុងពេលវិស្សមកាលនេះ យុវនិស្សិតនេះ ទៅភ្នំពេញក៏ជួនចំព្រឹត្តការណ៍ដ៏រន្ធត់នេះ។ ខ្ញុំសូមឧទ្ទិសអត្ថបទខាងក្រោមនេះជូនវិញ្ញាណខ័ន្តមិត្តសម្លាញ់ខ្ញុំ អ៊ុំ សុផានី៕

អ្នកនិពន្ធ អ៊ុំ សុផានី កំពុង​កាន់​ចែក​រំលែក​បទពិសោធ​នៅ​ក្នុង​វេទិកា​ប្រកាស​ពាន​រង្វាន់​អក្សរសិល្ប៍​សន្តិភាព នៅ​ភ្នំពេញ ឆ្នាំ​២០១៨

xxxxxx

លោកស្រី អ៊ុំ សុផានី បាន​ទទួល​អនិច្ចកម្ម នៅ​ថ្ងៃទី២ ខែមិថុនា ឆ្នាំ២០១៨ ត្រូវនឹងថ្ងៃ៤ រោច ខែជេស្ឋ ឆ្នាំច សំរឹទ្ធិស័ក ព.ស. ២៥៦២ វេលាម៉ោង៩.៣៧ នាទីព្រឹក នៅ​រាជធានីភ្នំពេញ​។  មច្ចុរាជបានផ្តាច់​ជីវិត​របស់​អ្នក​និពន្ធខ្មែររូបនេះ ឱ្យឃ្លាតឆ្ងាយស្នាមញញឹម​របស់​ឧត្តមស្វាមី កូនចៅ ញាតិមិត្តរួមអាជីព សិស្ស​ និងជនរួមជាតិខ្មែរ។

សមាគមអ្នកនិពន្ធខ្មែរនៅបរទេស ប្រចាំប្រទេសបារាំង ​(AEKE) បាន​បាត់បង់ដ៏​ធំ នូវ​អតីតជ័យលាភីរង្វាន់កិត្តិយសរង្វាន់សន្តិភាព មួយ​រូប​ដ៏​ឆ្នើម​។ លោកស្រី អ៊ុំ សុផានី បានទទួលកិតិ្តយជា​ម្ចាស់​ពាន​រង្វាន់​អក្សរសិល្ប៍​សន្តិភាព​នេះ តាម​រយៈ​វណ្ណកម្ម​«​លោហិតតែមួយ» និង«អ្នកណា​ជា​ម្តាយ​ខ្ញុំុ?» នៅឆ្នាំ១៩៩៧ និង​ឆ្នាំ​២០០០។

មជ្ឈដ្ឋាន​អ្ន​កអក្សរសាស្ត្រ​បាន​បាត់​បង់​អ្នកនិពន្ធ​ដ៏​ឆ្នើម​ដ៏​គួរ​ឲ្យ​សោកស្តាយ​ជាទីបំផុត។​

ក្នុង​នាម​ខ្ញុំ ជា​ប្រធាន​សមាគម ខ្ញុំ​មាន​ក្តី​សោកស្តាយនិងក្រៀមក្រំ​ជា​ពន់​ពេក ស្ទើរតែ​រក​អ្វី​នឹង​ថ្លែង​ពុំ​បាន នៅ​គ្រា​ដែលបានបាត់បង់មិត្ត​ភក្តិ​ជា​ស្រឡាញ់ មិត្ត​ដែល​យល់​ចិត្ត និង​ជា​អ្នក​រួម​អាជីព​តែងនិពន្ធ​ដ៏​មោះមុត​។ 

ខ្ញុំ​សោក​ស្តាយ​ដែល​ពុំ​អាច​នឹង​ចូល​រួមបុណ្យ​សព ដែល​ការ​​ជូន​ដំណើរ​មិត្ត​នៅក្នុង​ដំណើរ​ចុង​ក្រោយ​បំផុត​នេះ។ ប៉ុន្តែ ពាក្យ​សម្តី សូរ​សព្ទ​ចម្រៀង​ និង​អនុវស្សាវរីយ៍របស់ សុផានី នៅតែ​ឮរងំ​ក្នុង​ត្រចៀក​របស់ខ្ញុំ។ អ្នកនិពន្ធ សុផានី ដ៏ក្លាហាន នៅតែ​ញញឹម​ស្រស់​ចំពោះ​មុខ​ខ្ញុំ​ ហើយ​គឺ​នៅ​ថ្មីៗនៅឡើយ។​

សូម​វិញ្ញាណក្ខន្ធ​មិត្ត បាន​ទៅ​សោយ​សុខ​!!

ការជួប​ជុំ​គ្នា​នៅគេហដ្ឋាន​របស់ អ៊ុំ សុផានី។ ពីពេល​នេះទៅ ការ​ជួប​ជុំ​ដ៏​សប្បាយ​រីករាយ​បែបនេះ គ្មាន​ទៀតទេ សុផានី អើយ!! អាណិត​មិត្ត​ណាស់!

អ៊ុំ សុផានី ខ្ញុំបុិច ​សង្វាវ៉ាន ទឹង សុខា និង ស៊ិម ចាន់យ៉ា ក្នុងឱកាសទទួល​ទាន​អាហារ​ថ្ងៃត្រង់​ជុំគ្នា នៅ​ភោនីយដ្ឋាន​មួយ នៅភ្នំពេញ​។​

 

ខួបកំណើតធីតា​៧០វស្សា

ពីលោក កែវ ឈុន ប្រទេស​ស្វីស

ខ្ញុំសូម​អរគុណ​យ៉ាងអនេក​ចំពោះលោក កែវ ឈុន ពីប្រទេស​ស្វីស ដែលបានតែងកាព្យនិង​​រចនា​ប័ណ្ណ​ជូន​ពរ​ខ្ញុំ ទុកកាដូជាពិសេស​​។

ទន្ទឹម​នេះ ខ្ញុំ​សូម​ថ្លែងអំណរ​គុណយ៉ាង​ច្រើន ​ចំពោះ​ កវីបណ្ឌិត​ យឹម កិច្ចសែ ពី​អាល្លឺម៉ង ដែលបាន​តែង​កំណាព្យ​  ហើយលោក សំ វិជ្ជា ពី​សហរដ្ឋអាមេរិក ដែល​​រៀបចំច្នៃជា​ប័ណ្ណ យ៉ាងស្រស់​​ស្អាត ​សម្រាប់​ជូន​ពរ​ខួប​កំណើត​៧០ឆ្នាំ​របស់​ខ្ញុំ។

ខ្ញុំ​ពិត​រំភើបខ្លាំង​ណាស់​ចំពោះ​ប័ណ្ណជូន​ពរ​ទាំងនេះ ហើយនិងនឹក​​ស្ងើច​សរសើរ​ចំពោះ​ទឹក​ចិត្ត​របស់លោក​ទាំងអស់គ្នា។

អរគុណចំពោះ​​កូន​ធម៌​ទាំងអស់នៅ​ភ្នំពេញ ដែល​ជា​អ្នកនិពន្ធ​វ័យ​ក្មេង​  (មិន​មែន​តែ​ ឧត្តម ​ម្នាក់ទេ) នៅមាន​មិត្ត​ភក្តិសម្លាញ់​ និង​ប្អូនៗក្មួយៗជា​ច្រើន​នាក់​ទៀត​ ដែល​បាន​ចូលរួម​ចំណែក​និង​ខិត​ខំ​ប្រឹង​ប្រែង​ ដើម្បីរៀបចំ​ការ​ប្រកួត​ប្រជែង​ពាន​រង្វាន់​អក្សរសិល្ប៍​សន្តិភាព២០១៧។

ទឹក​ចិត្ត​និង​ការ​ខំ​ប្រឹង​ខ្នះខ្នែង​របស់​អ្នក​ទាំងអស់​គ្នា គឺ​ពិត​ជា​ពិសេសណាស់ ​សម្រាប់​ជា​អំណោយ​ដែល​មិន​អាច​កាត់​ថ្លៃ​បាន​ ក្នុង​ឱកាស​ខួប​កំណើត​របស់​ខ្ញុំ។

សូមព្រះ​អង្គ​ប្រទាន​ពរ​ជូនគ្រប់​គ្នា នូវ​សុខភាពល្អ និង​កាន់តែ​ជោគជ័យ​ក្នុង​ជីវិត​និងគ្រប់​ភារៈកិច្ច។

ដោយ យឹម កិច្ចសែ

ខាង​ក្រោម​នេះ ជា​សារ​របស់​ក្មួយ ប្រណីត ដែល​បាន​សរសរ​ផ្ញើ​តាម​ ហ្វែសបុក​ពី​មាតុភូមិ។

«ក្នុងឱកាសកំណើតរបស់អ្នកមីង ក្មួយ និងភរិយា សូមអនុញ្ញាតគោរពជូនពរអ្នកមីង ព្រមទាំងក្រុមគ្រួសារ សូមអ្នកមីងទទួលបាន សុខភាពល្អ សំណាងល្អ និងជោគជ័យគ្រប់ភារកិច្ច ព្រមទាំងជួបប្រទះនូវពរជ័យទាំងឡាយដែលមាននៅលើលោក៕

ឆ្លៀតក្នុងឱកាសនេះដែរខ្ញុំ នៅតែនិយាយពាក្យដដែលៗថា «អរគុណអ្នកមីង» ដែលបានអនុញ្ញាតឲ្យខ្ញុំបានស្គាល់ទឹកអឺរ៉ុប ស្គាល់ពិភពខាងក្រៅ និងទទួលបានបទពិសោធជាច្រើន។

អំពីក្មួយ
ព្រឿង ប្រណីត និងភរិយា»

ខ្ញុំ និងកវី ព្រឿង ប្រណីត នៅ​ស្ថានីយ​វិទ្យុ​បារាំង ក្រុង​ប៉ារីស

ជាបន្ត​នេះ គឺ​សារ​ខ្លីៗ ដែល​អ្នក​ស្រឡាញ់​រាប់​អាន​ខ្ញុំ ជូន​ពរ​ដល់ខ្ញុំ៖

ធម្មធរ ឃឹម ច័ន្ទសុអហំ ៖ ជូនពរ និងរីករាយថ្ងៃកណើតរបស់អ្នកមីង។ សូមអ្នកមីង និងក្រុមគ្រួសារប្រកបដោយសិរីសួស្ដី ជ័យមង្គលគ្រប់ប្រការ។

កវី Luoth Yin ៖ Happy Birthday–Best wihes!!!

ប្អូន អ៊ូច ភីរម្យ ៖ អបអរសាទរ ខួបកំណេីត អ្នកបងធំ🙏

ប្អូនសេដ្ឋារិន៖ HAPPY BIRTHDAY DEAREST NEAK BANG

Vuon Soviry ៖ សូមជូនពរអ្នកបងស្រីពីចម្ងាយ សូមមានសុខភាពល្អ និង ប្រកបដោយសុភមង្គល ។

Soeun Virginia‎ ៖ Mak Om je vous souhaite un joyeux anniversaire.

Vireakphal Sokhom រីករាយថ្ងៃកំណើតអ្នកបងស្រី ខ្ញុំនិងក្រុមគ្រួសារសូមជូនពរអ្នកបង ព្រមទាំងក្រុមគ្រួសារ មានជោគជ័យ សិរីសួស្តី សុភមង្គល និងជ័យជំនះគ្រប់ភារកិច្ច និងបំណងប្រាថ្នា។

ប័ណ្ណជូនពររបស់ លោក សំ វិជ្ជា ពី​សហរដ្ឋ​អាមេរិក

Huot Iv HAPPY BIRTHDAY

. សូមជូនពរជ័យ សិរីមង្គល
ទាំងទេពកោសល្យ តម្កល់កេរ្តិ៍ឈ្មោះ
Sangwawann Pech ពាក្យពេចន៍ពីរោះ
ស្របសព្វសម្រស់ យសចិត្តមេត្តា ។
. បណ្តុះបណ្តាល សព្វកាលស្មារតី
និពន្ធកវី ប្រុសស្រីខេមរា
អក្សរសិល្ស៍ជាតិ វាតវង្សដោយសារ
មេត្រីលៃច្បារ ចារចិត្តមិត្រផង ។
. ស្នាមញញឹមស្រស់ ពង្រស់សង្ឃឹម
កម្លាចិញ្ចឹម មិនត្រឹមគ្រួគ្រង
ចរិតស្និទ្ធស្នេហ៍ ជីពថែបំព្រង
ខិតខំចម្លង រាល់ដងដល់ទី ។
. ជាស្ត្រីខ្មែរ ស្និទ្ធស្នេហ៍ថែល្អ
ខេមរៈវប្បធម៌ បង្កសិរី
សូមមានសុខភាព ជ្រាបរៀបសព្វវ័យ
ប្រាជ្ញាស្មារតី ប្រិមប្រិយសម្ផស្ស ៕
ដោយគោរព និងមេត្រីភាពដ៏ខ្ពងខ្ពស់ពីខ្ញុំ កវី អ៉ីវហួត

កូន សីហា និង ខ្ញុំ កាលពី​ សីហា មក​ជំនុំ​អ្នកនិពន្ធ នៅ​ស្រុក​បារាំង

«ក្នុងឱកាសកំណើតរបស់អ្នកម៉ាក់ កូនសូមអនុញ្ញាតគោរពជូនពរអ្នកម៉ាក់ រួមទាំងក្រុមគ្រួសារ សូមអ្នកម៉ាក់ទទួលបាន សុខភាពល្អ សំណាងល្អ និងជោគជ័យគ្រប់ភារកិច្ច ព្រមទាំងជួបប្រទះនូវពរជ័យទាំងឡាយដែលមាននៅលើលោក។ ព្រះនឹងតាមថែរក្សាអ្នកម៉ាក់ ពិសេសសូមអ្នកឆាប់សម្រេចកិច្ចការនូវការដាក់ប្រកួតស្នាដៃដល់ប្អូនៗជំនាន់ក្រោយ ហើយកាន់តែពិសេសទៀតនោះ សូមឲ្យអ្នកម៉ាក់មានកម្លាំងបរិបូរណ៍ដើម្បីបញ្ចប់ការសរសេរសៀវភៅរបស់អ្នកម៉ាក់។ អំពីកូន កៅ សីហា ភ្នំពេញ»

«ជម្រាបសួរអ្នកម៉ាក់លោកប៉ា

កូនសូមជូនពរម៉ាក់​ និងលោកប៉ា ព្រមទាំងចៅ មានសេចក្តីសុុខសប្បាយ។
មួយរយៈនេះកូនរវល់ក្រោកពីកៅអីមិនរួចទេ ក្នុងកិច្ចការអក្សរសិល្ប៍ និងកិច្ចការរកទទួលទាន។
សូមអភ័យទោសឱ្យកូនផងដែលយឺតយ៉ាវមិនសូវបានសរសេរទៅអ្នកម៉ាក់។
នេះជាកាដជូនពររបស់កូន!!!

ឡឹក ជំនោរ (ប៉ាកកាខ្មែរ)»

នៅមាន​អ្នក​ដទៃ​ផ្សេងទៀត ដែល​ខ្ញុំ​ពុំ​អាច​យក​មក​ផ្សាយ​បាន​អស់នៅគ្រានេះ។ អរគុណ​ច្រើន។

សុន្ទរកថា លោក លឹម ប៊ុន ឡេង

សុន្ទរកថា

លោក លឹម ប៊ុន ឡេង

តំណាងលោកស្រី ប៉ិច សង្វាវ៉ាន

ប្រធានសមាគមអ្នកនិពន្ធខ្មែរនៅបរទេស

សូមគោរពឯកឧត្តម សុខ អាន ទេសរដ្ឋមន្ត្រី រដ្ឋមន្ត្រីទីស្តីការគណរដ្ឋមន្ត្រី និង

លោកជំទាវជាតំណាងដ៏ខ្ពង់ខ្ពស់របស់សម្តេច ហ៊ុន សែន នាយករដ្ឋមន្ត្រីនៃ

ប្រទេសកម្ពុជា!

សូមគោរពឯកឧត្តម លោកជំទាវ លោក-លោកស្រីនាងកញ្ញាជាទីគោរព!

សមាគមអ្នកនិពន្ធខ្មែរនៅបរទេស «ស.អ.ខ.ប.» AEKE បានកើតចេញ

ជារូបរាងក្នុងប្រទេសបារាំងនៅថ្ងៃទី២ខែកក្កដាឆ្នាំ១៩៨៩ដោយសារការផ្តួច

ផ្តើមគំនិតរបស់លោកស្រីប៉ិច សង្វាវ៉ានដែលជាអ្នកនិពន្ធខ្មែរមួយរូបចាប់ពីឆ្នាំ

១៩៦៨។ លោកស្រីលជាអតីតសមាជិកាសកម្មមួយរូប(Membre active)នៃ

សមាគមអ្នកនិពន្ធខ្មែរពីដើម។ គឺដោយសារការស្រឡាញ់អក្សរសាស្ត្រខ្មែរប្តូរ

ផ្តាច់នេះហើយទើបលោកស្រីប៉ិច សង្វាវ៉ាន បានធ្វើពលិកម្មចំណាយពេល

វេលាឥតនឿយណាយខំប្រឹងប្រែងដឹកនាំសមាគមអ្នកនិពន្ធខ្មែរនៅបរទេស

ប្រចាំនៅប្រទេសបារាំងជាង១០ឆ្នាំមកហើយ។ សកម្មភាពលើកតម្កើងអក្សរ

សាស្ត្រនេះ ក៏បានត្រូវជ្រួតជ្រាបដល់បេះដូងកូនខ្មែរមួយចំនួនក្នុងប្រទេស

បារាំងហើយចាប់អារម្មណ៍និងជួយគាំទ្រទាំងផ្លូវចិត្តនិងផ្នែកថវិកា។ រូបខ្ញុំផ្ទាល់

លឹមប៊ុនឡេងក៏បានចូលរួមយ៉ាងសកម្មក្នុងសកម្មភាពខាងលើនេះដោយបានខំ

ជួយផ្សព្វផ្សាយ ឧបត្ថម្ភជាប្រាក់កាស និងជួយធ្វើជាមេប្រយោគ។

ថ្ងៃនេះ  ខ្ញុំបាទមានកិត្តិយសតំណាងលោកស្រីប៉ិច សង្វាវ៉ាន ប្រធានសមាគម

អ្នកនិពន្ធខ្មែរនៅបរទេសប្រចាំនៅប្រទេសបារាំង ក្នុងការទទួលភារៈកិច្ចនាំ

រង្វាន់មកចែកជូនជ័យលាភីក្នុងប្រទេសកម្ពុជាដែលមិនអាចទៅទទួលរង្វាន់

ក្នុងប្រទេសបារាំងនៅថ្ងៃទី២០មករាកន្លងទៅ។

សមាគមអ្នកនិពន្ធខ្មែរនៅបរទេស(ស.អ.ខ.ប) (A.E.K.E.)មានសេចក្តីសោក

ស្តាយយ៉ាងខ្លាំងពីព្រោះពុំទាន់មានលទ្ធភាព ដោយខ្វះថវិកាបោះពុម្ពប្រលោម

លោក ស្នាដៃជ័យលាភីដែលជាប់ចំណាត់ថ្នាក់លេខ៣ដើម្បីលើកតម្លៃនិងលើក

ទឹកចិត្តអ្នកនិពន្ធ។ ខ្ញុំបាទក៏សូមជម្រាបដែរថា ពិធីចែករង្វាន់ក្នុងប្រទេសបារាំង

បានប្រព្រឹត្តទៅដោយអឹកធឹកដោយមានវត្តមានឯកឧត្តមប្រាក់ សុខុនឯកអគ្គរាជ

ទូតខ្មែរប្រចាំប្រទេសបារាំង និងលោកជំទាវចូលរួមផងដែរ។

លោកស្រីប៉ិច សង្វាវ៉ានមានចិត្តស្តាយក្រៃលែង ដោយមានធុរៈមិនអាចអញ្ជើញ

មកបំពេញភារកិច្ចនេះដោយផ្ទាល់ដៃ ប៉ុន្តែលោកស្រីផ្ញើសេចក្តីថ្លែងអំណរគុណដ៏

ជ្រាលជ្រៅចំពោះលោកយូ បូ ប្រធានសមាគមអ្នកនិពន្ធខ្មែរក្នុងរាជធានីភ្នំពេញ

ដែលអញ្ជើញមកក្នុងពិធីចែករង្វាន់អក្សរសិល្ប៍«សន្តិភាពលើកទី២»ឆ្នាំ២០០០

នេះ។ លោកស្រីប្រធានក៏សូមផ្ញើសេចក្តីនឹករលឹកនិងមិត្តភាព ភាតរភាព សាមគ្គី

ភាពនិងការស្រឡាញ់រាប់អានដ៏ស្មោះសបំផុតចំពោះអស់លោក-លោកស្រីដែល

ជាកវីអ្នកនិពន្ធខ្មែរទាំងអស់ក្នុងប្រទេសកម្ពុជា។ ខ្ញុំបាទសូមជម្រាបថា ថ្វីត្បិតតែ

ជីវភាពរស់នៅក្នុងប្រទេសបារាំងមមាញឹកពិតមែនតែសមាគមអ្នកនិពន្ធខ្មែរនៅ

បរទេសប្រចាំនៅប្រទេសបារាំងមានការរីកចម្រើនបោះជំហានទៅមុខជានិច្ចគួរ

ឲ្យសង្ឃឹម។ នេះក៏ដោយសារការខំប្រឹងប្រែងឥតសំចៃកម្លាំងកាយកម្លាំងចិត្ត

និងគោលគំនិត ព្រមទាំងរក្សាទំនាក់ទំនងស្ទើរតែមិនដែលស្គាល់ការសម្រាក

របស់លោកស្រីប្រធាន ប៉ិច សង្វាវ៉ាន។

គោលបំណងធំបំផុតគឺចង់ឲ្យខ្មែរយើងទោះនៅទីណាក៏ដោយ ស្គាល់តម្លៃ អក្សរ

សាស្ត្រនិងវប្បធម៌ជាតិខ្មែររបស់យើង ព្រោះថា អក្សរសាស្ត្រ អក្សរសិល្ប៍ដែល

មែកធាងនៃវប្បធម៌នេះជាអត្តសញ្ញាណរបស់ជាតិយើង។

ប្រទេសនីមួយៗមានគណបក្សនយោបាយ២ឬ៣ ឬច្រើនពិតមែន តែវប្បធម៌មាន

តែមួយគត់។ វប្បធម៌នេះហើយជាព្រលឹងនៃជាតិនិមួយៗ។

ប្រទេសណាឬជនណាម្នាក់ដែលបាត់បង់វប្បធម៌គឺប្រៀបដូចជារូបកាយនិងគ្មាន

ព្រលឹង។

ឆន្ទៈរបស់សមាគមអ្នកនិពន្ធខ្មែរនៅបរទេសប្រចាំប្រទេសបារាំង ក៏មិនខុសពីឆន្ទៈរបស់

សមាគមអ្នកនិពន្ធខ្មែរនៅកម្ពុជាដែរគឺប្រកាន់ខ្ជាប់ជានិច្ចលើពាក្យស្លោកមួយថា

«អក្សរសាស្ត្ររលត់ ជាតិរលាយ អក្សរសាស្ត្រពណ្ណារាយ ជាតិថ្កើងថ្កាន»។

ឯកឧត្តម លោកជំទាវ លោក-លោកស្រី អ្នកនាងកញ្ញា ៤ឆ្នាំហើយដែលសមាគម

អ្នកនិពន្ធខ្មែរនៅបរទេសបានរៀបចំមហោស្រពតែងនិពន្ធ «ពានរង្វាន់អក្សរ

សិល្ប៍សន្តិភាព»។

នេះជា«ពានរង្វាន់អក្សរសិល្ប៍សន្តិភាពលើកទី២»ដែលត្រូវប្រព្រឹត្តធ្វើនៅថ្ងៃ

នេះ។

សូមបញ្ជាក់ថា«ពានរង្វាន់អក្សរសិល្ប៍សន្តិភាពលើកទី១»បានប្រព្រឹត្តទៅនៅ

ឆ្នាំ១៩៩៧និង១៩៩៨។ «សន្តិភាព»ពាក្យ៣ម៉ាត់នេះមិនត្រឹមតែពីរោះទេតែ

ត្រជាក់ល្ហឹមក្នុងបេះដូងនិងក្នុងអារម្មណ៍មនុស្សជាតិ។ ឈ្មោះពានរង្វាន់នេះប្រគល់

ជូនអ្នកនិពន្ណាដែលមានឧត្តមគតិខ្ពស់ខ្ពស់ចេះរកសុខជូនមនុស្សផងគ្នា ជៀសវាង

ការបៀតបៀននិងច្រណែននិន្ទាឈ្នានិសគ្នាដើម្បីរស់នៅជិតឬរស់នៅជាមួយគ្នា

ឲ្យបានសេចក្តីសុខ។ «គ្មានអ្នកណាម្នាក់ចង់បានទុក្ខទេ»។ «គេចង់បានសុខ

យើងក៏ចង់បានសុខដែរ»។ នេះជាប្រធានបទដែលជ័យភីទាំងឡាយបាននិពន្ធ

និងបានទទួលពានរង្វាន់ថ្ងៃនេះ។

តាងនាមលោកស្រី ប៉ិច សង្វាវ៉ាន ប្រធានសមាគមអ្នកនិពន្ធខ្មែរនៅបរទេស និង

សមាជិកសមាជិកាទាំងអស់ ខ្ញុំបាទសូមថ្លែងអំណរគុណដ៏ខ្ពង់ខ្ពស់ទូលថ្វាយព្រះ

ករុណាព្រះបាទសម្តេច នរោត្តម សីហនុ ព្រះមហាក្សត្រកម្ពុជានៃព្រះរាជាណា

ចក្រកម្ពុជានិងសម្តេចព្រះរាជអគ្គមហេសីដែលបានប្រទានព្រះរាជូរាជូបបត្ថម

ទឹកប្រាក់ចំនួនពីរពាន់(២០០០ដុល្លារអាមេរិកUSD)ដល់សមាគមអ្នកនិពន្ធខ្មែរ

នៅបរទេសនិងសូមថ្លែងអំណរគុណជាភិយ្យោភាពដល់ឯកឧត្តម ប្រាក់ សុខុម

នឹងលោកជំទាវ  ព្រមទាំងអស់លោក លោកស្រី ញាតិមិត្តទាំងអស់ដែលបាន

អញ្ជើញចូលរួមផ្តល់កិត្តិយសជូនអ្នកនិពន្ធជ័យលាភីទាំងគ្រប់រូបក្នុងពេលនេះ។

នេះជាសក្ខីភាពបង្ហាញនូវសាមគ្គីភាពរវាងអ្នកនិពន្ធខ្មែរក្នុងប្រទេសកម្ពុជា និង

ក្រៅប្រទេសគឺប្រទេសបារាំង។

ឆ្លៀតឱកាសដ៏ប្រសើរនេះ ខ្ញុំបាទសូមបញ្ជាក់ជូនថា សមាគមអ្នកនិពន្ធខ្មែរនៅ

បរទេសជាសមាគមឯករាជ្យគ្មាននិន្នាការនយោបាយណាមួយឡើយ។ សមាគម

មានគោលដៅសំខាន់តែម្យ៉ាងគត់ គឺលើកតម្កើងអ្នកនិពន្ធឱ្យសរសេរនិងលើកស្ទួយ

អក្សរសាស្ត្រខ្មែរយើងងើបមុខឡើងឈានដើរទន្ទឹមស្មើអក្សរសាស្ត្រនានាក្នុងអារ្យ

ប្រទេសលើសកលលោក។

ជយោ!ពានរង្វាន់«សន្តិភាព»

ជយោសាមគ្គីភាព!

ជយោវប្បធម៌ខ្មែរ!

ជយោព្រលឹងជាតិ!

សូមអរគុណ!

លោកស្រី ប៉ាល់ វណ្ណារីរក្ស ជាអ្នកនិពន្ធឥតនឿយណាយ

លោកស្រី ប៉ាល់ វណ្ណារីរក្ស ជាអ្នកនិពន្ធដែលមានការទទួលស្គាល់មួយរូប នៅក្នុងមាតុភូមិកម្ពុជា ព្រមទាំងនៅក្នុងតំបន់ផងដែរ តាមរយៈជ័យលាភី SEA Write ក្នុងក្របខណ្ឌអាស៊ីអាគ្នេយ៍ រៀបចំនៅក្រុងបាំងកក។

លោកស្រីបានជួយជ្រោមជ្រែងបង្កើត«សមាគមអ្នកនិពន្ធខ្មែរ»ឡើងវិញ ជាមួយសហស្ថាបនិកផ្សេងទៀត ក្រោយពីការដួលរលំនៃរបបខ្មែរក្រហម។

នៅស្រុកខ្មែរ លោកស្រី បន្តការសរសេរឥតនឿយណាយ ទាំងប្រលោមលោក កំណាព្យ ទំនុកច្រៀង អត្ថបទភាពយន្ត ហើយនាពេលបច្ចុប្បន្ន លោកស្រីកំពុងតែសរសេរជីវប្រវត្តិជូនបុគ្គលសំខាន់ៗ និងខ្លះជាមហាសេដ្ឋីផងដែរ។

ខ្ញុំនៅចាំបានថា ក្នុងខែកក្កដា ឆ្នាំ២០០៧ នៅក្រុងភ្នំពេញ លោកស្រី ប៉ាល់ វណ្ណារីរក្ស បានអញ្ជើញខ្ញុំឲ្យចូលរួមអន្តរាគមន៍­នៅក្នុង«កម្មវិធីសៀវភៅល្អៗ» ក្នុងនាមជាអ្នកនិពន្ធរឿង«ជើងមេឃថ្មី»។ កម្មវិធីនេះ ផ្សាយនៅទូរទស្សន៍ជាតិកម្ពុជា (ទទក TVK) ។

ចំពោះខ្ញុំផ្ទាល់ លោកស្រី ប៉ាល់ វណ្ណារីរក្ស បានរួមចំណែកយ៉ាងច្រើនក្នុងវិស័យអក្សរសាស្ត្រអក្សរសិល្ប៍ខ្មែរ ព្រមទាំងផ្តល់វិភាគយ៉ាងច្រើនសន្ធឹកដើម្បីកសាងមាតុភូមិយើង។

ដើម្បីឈ្វេងយល់ពីអ្នកនិពន្ធ ប៉ាល់ វណ្ណារីរក្ស សូមចុចតំណភ្ជាប់ Link ខាងក្រោមនេះ

បទសម្ភាសក្នុងនាទីជីវិតជោគជ័យ របស់វិទ្យុបារាំង ដោយ គួច គន្ធារ៉ា ចុះផ្សាយកាលពីថ្ងៃទី 30/03/2010

លោកស្រី ប៉ាល់ វណ្ណារីរក្ស «ខ្ញុំអាចបោះបង់អ្វីទៀតបាន តែមិនបោះបង់ការងារនិពន្ធ»

http://www1.rfi.fr/actukm/articles/123/article_4943.asp

នាពេលថ្មីៗនេះ បទសម្ភាសក្នុងនាទីជីវិតជោគជ័យ របស់វិទ្យុបារាំង ដោយ គួច គន្ធារ៉ា ត្រូវគេយកទៅផលិតជាវីដេអូឡើងវិញ ដោយយករូបថតដែលថតដោយ ហេង ឧត្តម នៃបទយកការណ៍របស់វិទ្យុបារាំង។ ការផលិតដាក់ជាវីដេអូ ពុំមានដាក់ឈ្មោះអ្នករៀបចំ និងរូបថត ព្រមទាំងប្រភពពីវិទ្យុបារាំងអន្តរជាតិអ្វីបន្តិចសោះ។ ម្យ៉ាងទៀត ការសុំអនុញ្ញាតណាមួយ ក៏គ្មានដែរ។ ទោះយ៉ាងណាក្តី លោកអ្នក អាចស្តាប់ខ្លឹមសារនៃបទយកការណ៍នៅក្នុង youtube នេះ។

បទយកការណ៍របស់វិទ្យុបារាំង រៀបដោយ ហេង ឧត្តម ចុះផ្សាយកាលពីថ្ងៃទី ២១ កក្កដា ២០១៥

 

យុវអ្នកនិពន្ធខ្មែរពីរនាក់ជាប់ពានរង្វាន់

«អ្នកនិពន្ធវ័យក្មេងអាស៊ានឆ្នាំ២០១៥»

ខ្ញុំ​រំភើបចិត្តជា​ខ្លាំង​ពេលដឹង​ថា កូន​ប្រុស​ធម៌​ពីរ​នាក់របស់​ខ្ញុំ​នៅប្រទេស​​កម្ពុជា បា​នជាប់​ពាន​​រង្វាន់​អ្នកនិពន្ធ​វ័យ​ក្មេង​អាស៊ាន​ឆ្នាំ​២០១៥ នា​ពេល​ថ្មីៗនេះ​ គឺ​ដើម​សប្តាហ៍​នេះ នៅ​ប្រទេស​​ថៃ។

គណៈកម្មាធិការ​អ្នកនិពន្ធ​អាស៊ាន The S.E.A. WRITE COMMITTEE ​នៅ​ក្រុងបាងកក រៀបចំ​ពានរង្វាន់ THE ASEAN YOUNG WRITER AWARDS 2015​​ នេះ ​ដោយមាន​ការ​ចូលរួមប្រកួត​ពី​អ្នកនិពន្ធ​វ័យ​​ក្មេង ​ទាំង​១០ប្រទេសរបស់​ ASEAN។ ក្នុង​ការ​ប្រកួត​ស្នាដៃ​កម្រិត​​តំបន់​​លើក​​នេះ គឺ​សមាគម​ PEN CAMBODIA ជា​អ្នកជួយ​​​សម្រប​​សម្រួល​បញ្ចូន​​ស្នាដៃ​​ពី​កម្ពុជា​​ ក្នុង​នោះ មាន​ពីរ​ស្នាដៃ គឺ រឿងខ្លី «ខ្ញុំ​រៀនត្រួតថ្នាក់» របស់ ហេង ឧត្តម និង​រឿង «អាណាចក្រ​ចង្រិត» របស់ ម៉ា ច័ន្ទបញ្ញា។

សូម​បញ្ជាក់ថា ប្រទេស​សមាជិក​អាស៊ាននីមួយ​ៗបាន​ជាប់​ស្នាដៃ​ចំនួន​ពីរនាក់ គឺ​ផ្នែក​ភាសា​ជាតិម្នាក់ និង​ភាសា​អង់គ្លេស​ម្នាក់។ ប៉ុន្តែ​ជាការ​កត់​កម្គាល់​ ស្នាដៃ​ពី​ប្រទេស​ឡាវ និង​ឥណ្ឌូនេស៊ី ​ជាប់​តែ​ម្នាក់ៗប៉ុណ្ណោះ គឺផ្នែក​ភាសា​ជាតិរបស់​គេ​។​

 

រឿងខ្លី «ខ្ញុំ​រៀនត្រួតថ្នាក់»របស់ ហេង ឧត្តម បាន​ជាប់​ជ័យលាភី​លេខ​២ ឆ្នាំ​២០១១ ហើយ​ត្រូ​វ​​បកប្រែជាភាសា​អង់គ្លេស ​និង​បោះពុម្ព​​​ផ្សាយ​នៅ​ឆ្នាំ​២០១៣​ ដោយសមូហកម្ម​អក្សរ​សិល្ប៍​​​នូហាច។ ស្នាដៃនេះ​ត្រូវ​​បោះ​ពុម្ព​លើក​ទី​២ ក្នុង​សៀវភៅ«គ្រប់​យ៉ាង​ដើម្បី​អ្នក​ណា​?​» ​ក្នុង​​ឆ្នាំ​២០១៤​។ ក្រោយ​មកទៀត រឿង«​ខ្ញុំ​រៀនត្រួតថ្នាក់» នាំឲ្យ ហេង ឧត្តម បាន​ជាប់​​ជ័យលាភីអ្នកនិពន្ធ​វ័យ​ក្មេង​អាស៊ាន​ឆ្នាំ​២០១៥នេះ​។ ​

 

ខ្ញុំ​បាន​ដឹង​ថា​ ហេង ឧត្តម ​ផ្តើមតែងនិពន្ធ តាំងពីឆ្នាំ២០០៩ រហូតមកដល់​ចុង​​ឆ្នាំ២០១៥នេះ បាន​​ជាង​៣០ចំណង​ជើង​។ ឧត្ដម កើត​​ឆ្នាំ​១៩៩២ នៅ​ខេត្ត​កំពង់​ចាម និង​ធំ​ដឹង​ក្តី​នៅ​ខេត្ត​សៀម​​រាប​​។ ក្នុង​កុមារ​ភាព​និង​វ័យ​ជំទង់​ ​ឧត្តម ​រស់​នៅ​ឆ្ងាយពីភាព​កក់ក្តៅ​របស់​​​ឪពុក​ម្តាយ​បង្កើត​ ហើយ​គេ​​ធ្លាប់​បាន​​​រស់នៅក្នុង​​មណ្ឌល​កុមារកំព្រា​​​ ជិត​៧ឆ្នាំ​។ ហេតុនេះហើយ ទើប​គេ​បាន​សុំ​ខ្ញុំ​ជាមាតា​ធម៌។​ ដោយសារ​មនោសញ្ចេតអាណិត​អាសូរ និងមាន​និស្ស័យ​ក្នុង​វិស័យ​តែងនិពន្ធដូចគ្នា​ ខ្ញុំ​និង​ស្វាមី​រីករាយ​នឹង​ធ្វើ​ជា​ម្លប់​របស់​កូន​ឧត្តម​។​

សព្វថ្ងៃ ឧត្តម ជានិស្សិតផ្នែកនីតិសាស្ត្រ នៃមជ្ឈមណ្ឌលសហប្រតិបត្តិការ​បារាំង​ នៅ​សាកល​វិទ្យាល័យភូមិន្ទនីតិសាស្ត្រ​និងវិទ្យាសាស្ត្រសេដ្ឋកិច្ច​ ក្នុង​​រាជធានី​ភ្នំពេញ​ ហើយ​ក៏​កំពុង​ធ្វើការ​ជា​អ្នកសារព័ត៌មានឯករាជ្យ Freelancer ឲ្យ​​វិទ្យុ​បារាំង​អន្តរជាតិ​ RFI khmer ផង​​ដែរ​។

ចំណែក ​កូនធម៌ ម៉ា ច័ន្ទបញ្ញា កើត​នៅ​ភ្នំពេញ ហើយ​​​ចាប់​ផ្តើម​តែង​និពន្ធ និង​រៀន​វិជ្ជា​និពន្ធន៍​​នេះ នៅសមាគម​អ្នកនិពន្ធខ្មែរ ដំណាល​នឹង​កូន​ឧត្តម​ដែរ។ បញ្ញា មាន​ទេព​កោសល្យ​​សិល្បៈ​ច្រើ​នយ៉ាងណាស់ ដែលគួរ​ឲ្យ​កោត​សរសើរ។ គេ​ចេះ​តែង​និពន្ធ បទភ្លេង ទំនុក​ច្រៀង រឿង​ខ្លី កំណាព្យ ចេះរាំ ចេះ​ច្រៀង… សព្វបែប​យ៉ាង។​ បញ្ញា​ បាន​ទទួល​ពាន​រង្វាន់​​ក្នុង​ស្រុក​ខាង​តែងនិពន្ធ និងជ័យលាភី​​ចម្រៀងថ្នាក់​ជាតិ​​ ព្រមទាំង​បាន​ឡើង​ឆាក​ជា​ច្រើន​មក​ហើយទាំង​ក្នុង​ប្រទេស​ និង​ក្រៅ​ស្រុក​។ ស្នាដៃរបស់​ ម៉ា ច័ន្ទបញ្ញា គឺរឿង «អាណាចក្រ​ចង្រិត» ដែល​ឈ្នះ​ពានរង្វាន់ពី​សមាគម PEN Cambodia រួច​ម្តង​ហើយ​នា​ពេល​​កន្លងទៅ និង​បាន​ទទួល​រង្វាន់​«អ្នកនិពន្ធវ័យក្មេង​អាស៊ានឆ្នាំ​២០១៥» នេះទៀត។​

គួរ​ឲ្យ​ស្តាយ ដែល​ បញ្ញា ពុំ​បាន​មា​នវត្តមាន​នៅ​ឱកាស​ទទួល​ពាន​រង្វាន់​នៅ​រាជធានីបាង កក​​នោះ​ទេ ពី​ព្រោះ​គេត្រូវ​ទៅ​សម្តែងសិល្បៈ​ ​នៅ​រដ្ឋធានី​ប៉េកាំង ប្រទេស​ចិន ដើម្បី​តំណាង​​ឲ្យ​មាតុភូមិ​កម្ពុជា​ ក្នុង​ថ្ងៃជាមួយ​គ្នា​នេះ​ដែរ។​

 

ខ្ញុំ​រីករាយ​សប្បាយ​ចិត្ត ពេល​ឃើញ​កូន​ធម៌​ទាំង​ឡាយ​របស់​ខ្ញុំ​ មាន​ស្នាដៃ​ក្នុង​វិស័យ​តែង​និពន្ធ និង​ផ្តើម​មាន​ការ​ទទួល​ស្គាល់​។​ ពួក​គេ​ទាំង​នោះ​ មាន​ តួយ៉ាង៖

កូន​ កៅ សីហា មាន​ស្នាដៃ​ច្រើន​ទាំង​រឿង​ខ្លី ប្រលោមលោក និង​ការ​ដឹកនាំ​សម្តែង​នៅផលិត​កម្ម​ល្បីក្នុងប្រទេស​ផង ព្រមទាំង​បាន​ត្រូវ​សមាគមអ្នកនិពន្ធ​​នៅ​ស្រុក​បារាំង អញ្ជើញមកថ្លែងពី​វណ្ណកម្ម​របស់​ខ្លួន នៅ​ប្រទេស​បារាំង​។

កូន ណេង កន្និដ្ឋា មាន​ស្នាដៃ​រឿង​ខ្លី និង​មាន​សញ្ចេតនា​ច្រើន​ក្នុង​ផ្នែក​តែងនិពន្ធ ហើយ​ដោយសារតែ​ស្នាដៃ​រឿង​ខ្លី​របស់​នាង ទើប​បាន​ត្រូវ​សមាគម​នៅ​ស្រុក​បារាំង អញ្ជើញ​មក​សាធារណៈរដ្ឋ​បារាំង ដើម្បី​និយាយ​ពីស្នាដៃ​របស់​ខ្លួន​ផង (ជាមួយ​ កៅ សីហា ដែរ)។​

កូន​ សុខ ចាន់ផល ដែល​ទើប​ទទួល​ពានរង្វាន់ THE S.E.A WRITE​ឆ្នាំ​ទៅ​ថ្មីៗនេះ និងជាអ្នកនិពន្ធ​ល្បី​មួយ​រូបនៅ​ក្នុងស្រុក ខាង​ទំនុក​ច្រៀង។

 កូន ឡឹក ជំនោរ បាននិពន្ធរឿងខ្លីល្អៗជាច្រើន។ រឿង«ជាងធ្វើកង់» បានជាប់ជ័យលាភីចំណាត់ថ្នាក់លេខ២ ឆ្នាំ២០១១ នៃសមាគមអក្សរសិល្ប៍ នូ ហាច និងសមាគមអ្នកនិពន្ធខ្មែរនៅបរទេសប្រចាំ ប្រទេសបារាំង។

 

ខ្ញុំ​ភើប​ត្រេក​អរ​ខ្លាំង​ណាស់​ដែល​បាន​ឃើញ​កូន​ៗ​ធម៌​ទាំង​អស់​នេះ​កំពុង​តែលេច​ត្រដែតក្នុងវិស័យអក្សរសាស្ត្រអក្សរសិល្ប៍ ក្នុងមាតុប្រទេសនិងប្រទេសជិតខាង៕

កូលាបប៉ៃលិន និពន្ធដោយ លោកយឹង ​ស្រស់

និពន្ធដោយ​យឹង​ស្រស់កូលាបប៉ៃលិន

កត្តាទាំងបី ​​និពន្ធដោយ​ លោកស្រី ស៊ីម​ ចាន់យ៉ា

ច្រើនសតវត្សរ៍ហើយស្ត្រីខ្មែរ

រងទុក្ខឥតល្ហែក្នុងសង្គម

សិទ្ធិ(១)ស្រីទន់ទាបមិនសម

ថានៈឧត្តមបានទៅប្រុស។

ស្រីសែនតូចចិត្តហើយតវ៉ា

ច្រើនលើកច្រើនសារមិនស្រួលស្រុះ

ទាមទារឲ្យស្រីនិងបុរស

គ្រប់សិទ្ធិទាំងអស់សុំឲ្យស្មើ។

សិទ្ធិក្នុងសង្គមនិងគ្រួសារ

ប្រកបមុខការងារប្រសើរ

ឋានៈឧត្តមសមគ្រាន់បើ

ស្រីស្នើឲ្យគិតដល់នាងផង។

បញ្ហាទាំងនេះសំខាន់ណាស់

ព្រោះស្រីដេរដាសច្រើនកន្លង

ហុកសិបភាគរយកម្លាំងច្បង

មិនអាចកន្លងរំលងឡើយ។

តែត្រូវស្វែងយល់ពីកត្តា

ធ្វើក្តីប្រាថ្នាឲ្យដល់ត្រើយ

ធ្វើឲ្យចិត្តស្រីបានធូរស្បើយ

តើត្រូវយើងឆ្លើយដាក់លើអ្វី។

កត្តាទីមួយគឺផ្នែកច្បាប់

ត្រូវចែងរ៉ាយរ៉ាប់ពីសិទ្ធិស្រី

ឲ្យស្មោះនិងប្រុសគ្រប់ករណី

ហើយគិតដល់អ្វីតាមភេទផង។

ទីពីរគឺត្រូវរដ្ឋជំរុញ

ព្រោះស្រីធ្លាប់តុញតុះកន្លង

ទម្លាប់សង្គមសង្កត់ចង

ច្រើនពេលកន្លងស្រីមិនក្លា។

បើកសិទ្ធិមួយមុខមិនគ្រប់គ្រាន់

ត្រូវតែបន្ទាន់រុញយ៉ាងណា

ធ្វើឲ្យស្រីហ៊ានចូលសិក្សា

ចូលកាន់មុខការគ្រប់តំណែង។

គឺថាបង្កលក្ខណៈគ្រប់

ឲ្យចិត្តស្រីឈប់ព្រួយចំបែង

ឈប់អៀន ឈប់ស្ទក់ ប្រែខែងរែង

ចូលគ្រប់កន្លែងដែលមានសិទ្ទិ។

កត្តាទីបីសំខាន់ខ្លាំង

គឺស្រីត្រូវច្បាំងក្នុងគំនិត

ច្បាំងនឹងខ្លួនឯងដែលមិនស្បិត

មិនរវល់គិតថាខ្លួនថ្លៃ។

បែរជាគិតថាខ្លួនទន់ទាប

មិនអាចប្រៀបធៀបឬកែឆ្នៃ

ខ្លួនឲ្យចេះដឹងមានតម្លៃ

ដូចភេទដទៃ គឺបុរស។

ម៉្លោះហើយស្រីច្រើននៅទំរន់

ចិត្តស្ពឹកស្រទន់ទន់ទាំងអស់

ច្រើនតែចំនួនគួរស្រណោះ

មិនអាចលោតផ្លោះតាមស្រមៃ។

បើចង់បានសិទ្ធិត្រូវខំប្រឹង

ស្រីអើយចូរដឹងឈប់សង្ស័យ

លើកសមត្ថភាពខ្លួនឲ្យថ្លាថ្លៃ

រៀនសូត្ររាល់ថ្ងៃថ្លាដូចត្បូង។

ដំបូងរៀនចំណេះទូទៅ

រួចហើយកុំនៅប្រញាប់ឈោង

ចាប់បច្ចេកទេសហើយលើកជ្រោង

កែច្នៃដូចត្បូងច្នៃរាល់ថ្ងៃ។

ហើយត្រូវពង្រីកចំណេះដឹង

ឲ្យលាតសន្ធឹងទូលាយក្រៃ

គឺអានកាសែតទស្សនាវដ្តី

សព្វសៀវភៅអ្វីដែលប្រសើរ។

ចូលរួមប្រជុំហើយខំស្តាប់

ត្រងត្រាប់យោបល់ណាគ្រាន់បើ

យកមកអនុវត្តហើយអាចស្មើ

យោបល់ប្រសើរត្រឡប់វិញ។

ត្រង់ណាមិនច្បាស់ត្រូវស្វែងយល់

មិនត្រូវនៅខ្វល់ហើយទោម្នេញ

ចិត្តអៀនចិត្តខ្លាចត្រូវទាត់ចេញ

ទើបនោះហៅពេញសមត្ថភាពស្រី។

សមត្ថភាពគ្រប់គ្រាន់ទើបមានសិទ្ធិ

ចូលរួមគូរគិតរឿងអ្វីៗ

ចូលរួមដោះស្រាយរឿងទឹកដី

មុខងារស្ត្រីប្រែខ្ពង់ខ្ពស់។

ទាំងក្នុងសង្គម ក្នុងគ្រួសារ

ស្រីប្រែថ្លៃថ្លាមានកិត្តិយស

កត្តាទាំងបីប្រែកេរ្តិ៍ឈ្មោះ

ស្រីឲ្យពិរោះខ្ពស់ក្នុងសិទ្ធិ៍៕

ភ្នំពេញ ១៩៩៩

ផ្ការំយោលក្នុងសួនខ្ញំ

 

 

 

 

អំពីលោកប៉ិច ឈុនស្វាមីរបស់ខ្ញុំ ដែលជាបទសម្ភាសន៍៍របស់លោកកៅ សីហា

បទសម្ភាសន៍របស់លោក កៅ សីហាអំពីស្វាមីខ្ញុំដែលបានផ្សាយក្នុងទស្សនាវដ្តី ឡេហ្សោមស្ស៍LES HOMMESកាលពីខែកញ្ញាឆ្នាំ២០១១នៅរាជធានីភ្នំពេញ 

 

កំណាព្យ​ ឈ្មោះនានានៃប្រាសាទខ្មែរ ដោយ លោកយឹង ​ស្រស់

នៅមានត