​កំប្លែង៖សុំព្រះឲ្យរស់បានយូរ ដោយ ​សុ ​ភក្តី

ក្រោយពីបង្កើតផែនដីបានហើយ  ព្រះអាទិទេពក៏បង្កើតសត្វមួយ ហើយឲ្យឈ្មោះថា សត្វលា(donkey )។ បន្ទាប់មកទ្រង់ក៏មានបន្ទូលទៅសត្វលាថា “ឯងជាសត្វដែលត្រូវធ្វើការហត់ គឺចាប់តាំងពីថ្ងៃរះដល់ថ្ងៃលិច។ ឯងគ្មានបញ្ញាអ្វីទេ ។ឯងជាសត្វស៊ីស្មៅ ។ យើងកំរិតឲ្យឯងរស់ដល់អាយុ៥០ឆ្នាំ”។  ឮព្រះមានបន្ទូលអ៊ីចឹង  សត្វលាក៏ឆ្លើយតបទៅព្រះវិញថា៖ ” ដូចជាអយុត្តិធម៌ណាស់  ធ្វើការស្ទើរស្លាប់  ស៊ីតែស្មៅហើយរស់ដល់៥០ឆ្នាំទៀតគឺយូរណាស់  សុំតែ២០ឆ្នាំបានហើយ”។ ព្រះក៏យល់ព្រម។
បន្ទាប់មកព្រះក៏បង្កើតសត្វមួយទៀតម្ដងនេះគឺ ឆ្កែ ។  បង្កើតបានហើយ ព្រះក៏ប្រាប់ទៅឆ្កែថា ” ជីវិតរបស់ឯង គឺថែទាំផ្ទះឲ្យមនុស្ស  និងមានភក្ដីភាពចំពោះគេ។ ឯងបរិភោគតែសំណល់ពីមនុស្ស។  យើងឲ្យេឯងរស់ដល់អាយុ២៥ឆ្នាំ ។ឮព្រះមានបន្ទូលហើយ  ឆ្កែក៏ឆ្លើយឡើងថា ” រស់ដូចខ្ញុំគេ  ហើយដល់២៥ឆ្នាំទៀត គឺដូចជាយូរណាស់ សុំតែអាយុ១០ឆ្នាំគឺគ្រប់គ្រាន់ហើយ ។ ព្រះក៏យល់ព្រម។
បន្ទាប់ពីបង្កើតឆ្កែបានហើយ  ព្រះក៏បង្កើតស្វា ( monkey )។  ទ្រង់ក៏និយាយទៅកាន់ស្វាថា “ឯងគឺជាសត្វរប៉ិលរប៉ូច ឯងនឹងលោតពីមែកឈើ១ទៅមែកឈើ១វាល់ៗល្ងាច។  យើងឲ្យឯងរស់បាន២០ឆ្នាំ”។  ស្វាថា “២០ឆ្នាំយូរណាស់  សុំតែ១០ឆ្នាំបានហើយ”។ ព្រះក៏យល់ព្រម។
ទីបំផុតព្រះបង្កើតមនុស្ស   ហើយទ្រង់មានបន្ទូលទៅកាន់មនុស្សថា ” ឯងជាcreature ដែលមានបញ្ញាជាងគេនៅលើលោក។ ឯងនឹងគ្រប់គ្រងភពផែនដីនេះ។ យើងឲ្យឯងរស់បាន២០ឆ្នាំ”។  ឮព្រះឲ្យរស់បានតែ២០ឆ្នាំ  មនុស្សក៏ឆ្លើយទៅព្រះវិញថា  “២០ឆ្នាំតិចណាស់ ពីព្រោះត្រូវការអាយុវែងដើម្បីគ្រប់គ្រងផែនដី។  ដូច្នេះ ទូលបង្គំសុំ  ៣០ឆ្នាំដែលសត្វលាគែមិនចង់បាន។ សុំ១៥ឆ្នាំដែលឆ្កែគេមិនត្រូវការ  និងសុំ១០ឆ្នាំដែលស្វាមិនចង់បាន។  ព្រះក៏យល់ព្រម។ តាំងពីពេលនោះមក  មនុស្សក៏រស់បាន២០ឆ្នាំ។  បន្ទាប់មកគេក៏មានប្រពន្ធកូន ហើយត្រូវរស់៣០ឆ្នាំជាសត្វលា ដើម្បីធ្វើការយ៉ាងលំបាកវេទនាដើម្បីចឹញ្ចឹមកូនប្រពន្ធ រហូតដល់កូនធំៗបែកផ្ទះបែកសំបែង។  បន្ទាប់មកក៏ត្រូវរស់១៥ឆ្នាំទៀតជាឆ្កែ  គឺថែទាំផ្ទះ  បរិភោគតាមតែភរិយាធ្វើឲ្យ  រហូតដល់ពេលចូលនិវត្តន៏ ។ ទីបំផុត ត្រូវរស់ជាស្វា១០ឆ្នាំទៀត  គឺជាពេលទៅលេងកូន  ពីផ្ទះ១ទៅផ្ទះ១ នឹងធ្វើមុខក្រម៉ិចក្រម៉ើមដាក់ចៅៗដើម្បីឲ្យពូកគេសើចលេងសប្បាយ៕

សុខភាព៖ផលប្រយោជន៍នៃផ្លែម្នាស់ ​ដោយ ​អេរិច ស.

យោងតាម   The Doctors book of food remedies
 
ផ្លែម្នាស់  ( pineapple ) មានផលប្រយោជន៏ដូចតទៅនេះ៖
១)  ធ្វើឲ្យឆ្អឹងរឹងមាំ  ( keep bones strong )
 
២)  ជួយសម្រួលក្នុងការរំលាយអាហារ (  improve digestion )
 
៣)  ជួយសម្រួលក្នុងការ ហើម ឬរលាក ( ease inflammation )
 
៤)   ជួយសម្រួលខាងជំងឺផ្ដាសាយ  ( Relieve cold symptoms ).
 
៥)   កាត់បន្ថយគ្រោះថ្នាក់នៃជំងឺ  មហារីក  នឹង ជំងឺបេះដូង ( Lower the risk

of cancer and heart  disease ).
 
ទាំងអស់នេះគឺជាលទ្ធផលនៃការសិក្សាររបស់ពួកអ្នកស្រាវជ្រាវនៃសាកល

វិទ្យាល័យ Connecticut  ។ សារជាតិដែលគេរកឃើញនៅក្នុងផ្លែម្នាស់ គឺ  

Bromelain។
 
 
 

ភាពយន្តវីដេអូ៖ បេះដូងស្រស់ស្អាត

គឺជាខ្សែភាពយន្តវីដេអូដ៏ល្អរបស់

ផលិតករ  ឆយ

ដឹកនាំដោយលោក ភិជិត ឫទ្ធា និង លោក ឆយ

ដឹកនាំថតដោយ លោក អ៊ុច មករា។

ជាខ្សែភាពយន្តខ្នាតខ្លីមួយគួរឲ្យសរសើរ

និង

គួរឲ្យចាប់អារម្មណ៍ជាពន់ពេក។

ខ្សែភាពយន្តនេះសម្តែងដោយយុវជនដ៏សង្ហា

ភក្ត្រាញញឹម

ម៉ា ច័ន្ទបញ្ញា

រួមជាមួយកញ្ញាដ៏ស្រស់សោភា

លី លីនណា

តារាថ្មីទាំងពីររូបនេះប្រើកាយវិការ

មនុស្សគរថ្លង់នៅព្រះរាជាណាចក្រកម្ពុជា។

ខ្ញុំសូមអញ្ជើញប្រិយមិត្តទស្សនាដោយរីករាយ។

អ្នកបើក Taxi យល់ខុស……ដោយ សុ ភក្តី

រក្សាសិទ្ធិ
 
ខ្ជិលញ៉ាំបាយផ្ទះ  ប្ដីប្រពន្ធមួយគូនេះគិតគ្នាទៅ

ញ៉ាំបាយក្រៅ( go out for dinner ) ។ គេទាំង

ពីរក៏ចាប់តែងខ្លួនរួចហើយ ភរិយាក៏ទៅបិទភ្លើង

នៅផ្ទះបាយ។  បុរសជាប្ដីយកទឹកនិងចំណីមក

ដាក់ឲ្យសត្វសេក១គូស៊ី។ បន្ទាប់មកគាត់ក៏យក

ឆ្មាទៅដាក់ខាងក្រៅផ្ទះ។ រួចរាល់ហើយ គេក៏ទូរ

សព្ទហៅឡាន Taxi  ឲ្យមកទទួល។  ១៥នាទី

ក្រោយមក  Taxi  ក៏មកដល់  ។  គ្រាន់តែបើក

ទ្វារផ្ទះដើម្បីទៅជិះ Taxi  ស្រាប់តែឆ្មា ស្ទុះចូល

មកខាងក្នុងផ្ទះបណ្ដោយ។ ប្រពន្ធក៏ទៅអង្គុយ

ក្នុងឡានទៅ។   ចំណែកបុរសជាប្ដីក៏ស្ទុះទៅ

តាមចាប់ឆ្មាជាបន្ទាន់  ពីព្រោះឆ្មាហ្នឹងចង់ស៊ី

សត្វសេកដែលគេចិញ្ចឹម។ ដោយសារមិនចង់

ឲ្យអ្នកបើកតាក់ស៊ីដឹងថា គ្មានអ្នកណានៅផ្ទះ 

នាងជាប្រពន្ធធ្វើជានិយាយជាមួយអ្នកបើក

តាក់ស៊ីថា៖  “ចាំមួយភ្លែតណា  ពីព្រោះប្ដីខ្ញុំ

គាត់ត្រូវទៅប្រាប់ម្ដាយគាត់ដែលសំរាន្តនៅ

ជាន់ខាងលើ”។

 ប្រហែល១០នាទីក្រោយមក បុរសជាប្ដីក៏

ចេញពីផ្ទះមកដល់ឡាន  ហើយក៏ចាប់

និយាយថា   “  រំបល់យរ  ឯងទៅដល់ ស្រាប់

តែទៅពួននៅក្រោមគ្រែធ្វើមិនដឹង ហៅយ៉ាង

ម៉េចក៏មិនចេញ  ទាល់តែយកឈើចាក់គូទ

បានចេញ ឥឡូវបងយកវាទៅដាក់ក្រៅផ្ទះ

បាត់ហើយ ” ។
 
ចំណែកអ្នកបើក Taxi  គ្រាន់តែឮភ្លាម មិន

ហ៊ានថាអ្វីទេគ្រាន់តែនឹកក្នុងចិត្តថា៖ ” យី!

ស្អីក៏សាហាវម៉្លេះ  ហ៊ាននិយាយរបៀបហ្នឹង

ជាមួយម្ដាយរបស់ខ្លួនឯង”៕

 

កម្រងកំណាព្យខ្លី (ដោយ ទី ធាវី)

***រក្សាសិទ្ធិ***

ករុណាមេត្តាកុំស្អប់បង    

រឿងយើងកន្លងគឺព្រហ្មលិខិត

គ្មានអ្នកណាម្នាក់ដឹងរឿងកើតពិត

នេះព្រហ្មលិខិតយើងត្រូវដើរតាម។

អាណិតអូនដែរតែបងមិនអាច     

រឿងនោះគួរខ្លាចបង្ខំចិត្តហាម

លែងជួបរូបអូនមានគេដើមតាម

គេដាក់បម្រាមឃាំងបងឆ្ងាយអូន។

ប៉ុន្តែបងគិតនៅមានថ្ងៃមួយ      

 ថ្ងៃនោះព្រះជួយឲ្យបងនិងស្ងួន

ប្រែចិត្តស្អប់នេះយល់ចិត្តពីស្ងួន  

ហើយប្រែចិត្តអូនយល់ថាបងល្អ។

*******

បងដឹងថាអូននឹកដល់គេម្នាក់ 

បុរសនោះជាក់គឺមិនមែនបង

ស្តាយណាស់រូបអូនឲ្យបងសៅហ្មង

រាត្រីកន្លងបេះដូងឈឺផ្សា៕

*******

នឹកឃើញប្រហុក                      ធ្លាប់រស់នៅស្រុក

ភ្លក់រសក្លិនស្អុយ                       ឥឡូវឃ្លាតកាយ

ស្តាយរូបប្អូនស្រី                       លាបងមានថ្មី

ស្រមៃនៅចាំ៕

 

 

*******

ស្រីម៉ុមអូនអើយបងអរគុណស្ងួន

ពាក្យពេចន៍រណ្តំអូនពីរោះណាស់

ឆ្លើយឆ្លងទូរស័ព្ទបញ្ជាក់យ៉ាងច្បាស់

 បងរីករាយណាស់មានអូនជាមិត្ត។

តាមពិតមនុស្សយើងត្រូវមានមិត្តភក្តិ

សាមគ្គីស្មោះស្ម័គល្អជាងអមិត្ត

មិត្តភាពភក្តីអាចកើតស្នេហ៍ពិត

ពាក្យបងបពិតវមិត្តត្រូវដឹង។

ជាថ្មីម្តងទៀតបញ្ជាក់ប្រាប់ម៉ុម

ថានេះរូបខ្ញុំបានស្គាល់ព្រលឹង

សំណាងបងណាស់ស្អាប់អូនថ្ងៃហ្នឹង

យ៉ាងណាសង្ឃឹមអូនយល់ចិត្តបង៕

 

*******

សក់ឈ្មោះកេសាថែទាំរាល់ថ្ងៃ   

 សក់គ្រប់ប្រុសស្រីថែថ្នមលំអ

សក់ជួយសម្រស់មុខមាត់បវរ        

ជ្រុះចូលសម្លហេតុអ្វីខ្ពើមសក់។

ថាលាមកទៅមានក្លិនភាយស្អុយ      

មនុស្សខុសពីរុយទើបខ្ពើមលាមក

ចុះសក់ខ្លួនឯងមួយសរសៃសោះ   

ម្តេចមនុស្សអាក្រក់ខ្ពើមសក់ខ្លួនឯង៕

បទវិភាគលើរឿង កម្មករសេរី​ និង ម្តាយក្មេកទំនើប ដោយ លោកកែវ ឈុន

រឿងទាំងពីរនេះត្រូវបានលោកស្រី សំរិទ្ធ សុទ្ធាលើកយកមកឲ្យនិស្សិតផ្នែក

អក្សរសាស្រ្តខ្មែរនៃសាកលវិទ្យាល័យភូមិន្ទភ្នំពេញធ្វើការសិក្សា។ លោកស្រី

បណ្ឌិត ក្លៃរ៉ុង អមរាទីសា នៃសាកលវិទ្យាល័យឈូឡាឡុងកនៃទីក្រុងបាងកក

ក៏បានសរសេរលិខិតមកខ្ញុំ ដើម្បីស្នើរសុំយកទៅឲ្យនិស្សិតដែលសិក្សាអក្សរ

សាស្ត្រខ្មែរក្នុងប្រទេសថៃធ្វើការសិក្សាដែរ។

អាន ដើម្បីអានបំបាត់ការអផ្សុក

អាន ព្រោះចូលចិត្តអាន។

អាន ព្រោះស្រឡាញ់អក្សរសាស្ត្រ អក្សរសិល្ប៍។

អាន ដើម្បីយល់ទស្សនៈអ្នកនិពន្ធ។

ការអានទាំងនេះ ពិតជាផ្តល់ផលដល់អ្នកអាន

ខុសប្លែកពីគ្នា។

 បើអ្នកអានបានយល់ពីទស្សនៈនិងឧត្តមគតិរបស់ខ្លួនដែល

ចង់បង្ហាញក្នុងស្នាដៃរបស់ខ្លួននិមួយៗនោះ  អ្នកនិពន្ធពិត

ជារំភើបរីករាយណាស់។  ខ្ញុំជឿជាក់ថា អ្នកនិពន្ធរាល់រូប

មិនមែនសរសេរដើម្បីគ្រាន់តែសរសេរនោះទេ ទោះបីរឿង

ដែលខ្លួនបានតែងជារឿងពិត ឬរឿងប្រឌិតក្តី អ្នកនិពន្ធតែង

តែបង្កប់ជានិច្ចនូវសារសុះខាន់ចំពោះអ្នកអាន។ ក្នុងករណី

នេះខ្ញុំសូមចែករំលែកជូនប្រិយមិត្តអ្នកអាន នូវមតិរបស់

លោកកែវឈុនដែលជាការវិភាគល្អិតល្អន់លើរឿងទាំងពីរ

ដែលខ្ញុំបានផ្សាយក្នុងទីនេះ ។

លោកកែវ ឈុនបានដាក់ស្នើមតិនេះកាលពី2012/04/22

ម៉ោង 2:31 ព្រឹក។

ថ្មីៗនេះខ្ញុំបានអាន «រឿងម្ដាយក្មេកទំនើប»

ឃើញអ្នកនិពន្ធមានចិត្ដខ្វល់ខ្វាយពីរឿង

សីលធម៌សង្គមបែបម្យ៉ាងទៅហើយ។ ថ្ងៃ

នេះ អានរឿង«កម្មករសេរី»ទៀត ឃើញ

ទឹកចិត្ដអ្នកនិពន្ធ រឹតតែខ្វល់ខ្វាយពីសីល

ធម៌សង្គមយ៉ាងខ្លាំងទៀត។ ក្នុងសាច់រឿង

អ្នកនិពន្ធបានទាញមកបង្ហាញអំពីការរៀប

ចំទុកដាក់កូនចៅឲ្យមានគូស្រករដូចគ្នានៅ

ក្នុងសង្គមសម័យកាលមួយ ដែលអ្នកនិពន្

ធខ្លួនឯងឆ្លងកាត់ ហើយ គឺ ជាគំនិតមួយ

ដែលមានក្នុងសន្ដានចិត្ដប្រជារាស្រ្ដខ្មែរគ្រប់ៗ

សម័យកាល គឺគំនិតទំនើបហួសខ្នាតនៅ

ក្នុង «រឿង«ម្ដាយក្មេកទំនើប»ហើយគំនិត

បែបចាស់គំរិលហួសសម័យ ក្នុងរឿង

 «កម្មករសេរី»។

បាត់សេរីយូរខែ ម្ដាយសេរីមានកង្វល់ក្នុង

ចិត្ដជាខ្លាំង។ សេរីទៅធ្វើការនៅរោងចក្រ

ហើយបានលបទៅទាក់ទងនារីក្រមុំម្នាក់

ឈ្មោះ សម្ជស្សភួង ដែលទើបមកដល់ហ្វ័រ

យេថ្មី នៅក្រុងស្រ្តាស់បួរប្រទេសបារាំង។ 

សម្ជស្សភួង ជានារីខ្មែរម្នាក់ឈ្លក់ទឹកព្រិល

ថ្មី មិនខ្ចីរវីរវល់ហើយថែមទាំងមើលងាយ

មើលថោកទឹកចិត្ដស្នេហារបស់កំលោះសេរី

យ៉ាងខ្លាំងទៀតផង។ មិនយូរប៉ុន្មាន សេរីបាន

យល់ដឹង អំពីអំពើប្រទូស្ដរាយរបស់គ្រួសារ

នាងសម្ផស្សភួងចំពោះរូបគេ ហើយក៏បានផ្ដាច់

ចំណងស្នេហ៍ជាមួយនាងបាន។ សេរីបានទៅ

ទាក់ទងស្នេហាជាមួយនាងជាត្ដាហើយបាននាំ

សង្សារមកបង្ហាញឲ្យប៉ាម៉ាក់បងប្អូនបានជ្រាប

គឺជាសេចក្ដីស្នេហាមួយ ដែលធ្វើឲ្យប៉ាម៉ាក់សេរី

និង ក្រុមគ្រួសារសប្បាយចិត្ដយ៉ាងខ្លាំងណាស់

ដែរ។ ប៉ុន្ដែ អ្វីៗហាក់ដូចជាប្រទាំងប្រទើសយ៉ាង

ខ្លាំង គឺសេចក្ដីស្នេហារបស់សេរីបានត្រូវល្អក់កករ

ព្រោះគ្រួសារខាងស្រីទារតម្លៃទឹកដោះ រហូតដល់

ពីរម៉ឺនហ្វ្រង់ឯណោះ។ សេរីជាកម្មកររោងចក្រ

បានប្រាក់ខែបន្ដិចបន្ដួច។ គេត្រូវចំណាយទៅលើ

ការបង់ថ្លៃផ្ទះទឹកភ្លើង ទូរស័ព្ទ និង សព្វសារពើ

ទៀតតែទីបំផុត  សេរីបានរៀបការជាមួយនាង

ជាត្ដាដោយត្រដាបត្រដួសរស់នៅក្នុងភាពក្រី

ក្រ ជំពាក់បំណុលគេវាន់ក។

នៅក្នុងរឿងនេះ អ្នកនិពន្ធបានបង្ហាញនូវទឹក

ចិត្ដពិតៗក្នុងគោលដៅបង្រៀនមនុស្សឲ្យមើល

ឃើញវិបត្តិក្នុងសង្គម ឲ្យជៀសឲ្យផុតអំពីអំពើ

ខុសឆ្គងដូចនៅក្នុងរឿង«ម្ដាយក្មេកទំនើប»

ក៏ដូចគ្នាក្នុងរឿង«កម្មករសេរី»ផងដែរហើយ

បែរមកខំប្រឹងតាំងខ្លួន ពង្រឹងជំហរឲ្យមាំមួន

រឹងប៉ឹងក្នុងឋានៈព្យាយាមលើឋានៈរបស់ខ្លួន

ឲ្យរស់នៅក្នុងកំរិតខ្ពស់ប្រកបដោយការខិត

ខំតស៊ូយ៉ាងមោះមុត។បង្រៀនឲ្យស្គាល់ការ

កំចាត់បង់ ឬបន្ថយសេចក្ដីត្រូវការដែលមាន

កម្លាំងខ្លាំងក្លាពេក និង ដែលអាចក្លាយទៅជា

តណ្ហាដ៏ទូលំទូលាយគ្មានកំណត់ព្រំដែន

ត្រឡប់ផ្ដល់ឲ្យនូវសេចក្ដីទុក្ខវិញ ដូចការកសាង

គ្រួសារ សេរី និងនាងជាត្ដាដូច្នោះដែរ។

គំនិតអ្នកនិពន្ធមានសន្ទុះធំធេងប៉ុណ្ណា អ្នកអាន

ជាច្រើនគង់មានសន្ទុះយ៉ាងសន្ធោសន្ធៅដូច

នោះដែរនៅក្នុងសីលធម៌សង្គម និងការជួយរិះ

រកមធ្យោបាយធ្វើយ៉ាងណាឲ្យមនុស្សជាប់ចិត្ដ

ស្រលាញ់យុត្ដិធម៌នៃសង្គម និយមគុណធម៌ល្អ

ទាំងក្នុងទីស្ងាត់កំបាំង ទាំងក្នុងទីប្រជុំជនដើម្បី

សន្ដិសុខនៃជីវិតមនុស្សក្នុងសង្គម និងសន្ដិភាព

សកលក្នុងលោក មនុស្សត្រូវតែរស់នៅដោយ

អាស្រ័យសង្គមឬមានសង្គមល្អទើបរស់នៅបាន

ប្រពៃ៕

កែវ ឈុន
អ្នកអានម្នាក់នៅប្រទេសស្វីស

កំប្លែង៖ បន្តិចទៀតប្រហែលជាទា=duck or canard ដោយ ​សុ​ ភក្តី

រៀបការជិត៥ឆ្នាំហើយនៅតែគ្មានកូន   ប្ដីប្រពន្ធ

មួយគូនេះមានបំណងចង់បានកូនយ៉ាងខ្លាំង។

ពួកគេក៏ទៅគ្លីនីកដើម្បីឲ្យគ្រូពេទ្យដាក់ជីវជាតិ

ឲ្យប្រពន្ធមានកូន។  បានដូចបំណង  នៅទីបំផុត

ប្រពន្ធក៏ចាប់មានផ្ទៃពោះ ដោយសារជីរជាតិ

ច្រើនពេកមិនដឹង  គឺនាងមានទារកជាច្រើន

នៅក្នុងគភ៌( multiple birth )។ ប្រាំពីរខែ

ក្រោយមក ក៏ដល់ពេលប្រសូត្ ពីព្រោះទារក

ច្រើនពេក។  នៅថ្ងៃសំរាលកូន  បុរសជាប្ដីមិន

បាននៅជាមួយប្រពន្ធទេ។ គាត់គ្រាន់តែជូន

ប្រពន្ធមកមន្ទីរពេទ្យ  ហើយក៏ត្រឡប់ទៅផ្ទះ

វិញ ពីព្រោះគាត់មិនស្រួលអារម្មណ៍ nervous

ដោយសារមានទារកច្រើនពេក ហើយវាហួស

ពីការនឹកឃើញរបស់គាត់ ។  នៅឯផ្ទះ ប្ដីទំនង

ជាតក់ក្រហល់ ក៏ទូរសព្ទទៅឆ្មបទៅមន្ទីរពេទ្យ។

ប្ដី ៖  ម៉េចទៅប្រពន្ធខ្ញុំ ?

ឆ្មប៖ ប្រពន្ធមិនអីទេ។ កូនប្រុស១កើតហើយ។

ឥឡូវនៅចាំកូនកូនស្រីទៀត។

៣០នាទីក្រោយមក ប្ដីក៏ទូរសព្ទម្តងទៀត ។

ឆ្មប៖ កូនស្រី២នាក់ទើបនឹងកើត។ ឥឡូវនៅចាំ

កូនប្រុស២ទៀត។

ប្ដី៖ នៅកូនប្រុស២ទៀត ?

មកដល់ដំណាក់ហ្នឹង  បុរសជាប្ដីតក់ក្រហល់មែន

ទែន   គាត់ក៏ចាប់ផឹកស្រា ហើយស្រវឹងយ៉ាង

ខ្លាំង។ បន្ទាប់មកគាត់ក៏ចាប់ទូរសព្ទទៅផ្ទះពេទ្យ

ជាថ្មីទៀត។ ដោយសារស្រវឹងខ្លាំងពេក គាត់ក៏

ចុចលេខទូរសព្ទខុស  គឺគាត់ចុចចំលេខអ្នក

លក់មាន់ទា ហើយវាចំពេលដែលគេកំពុងតែ

រាប់ចំនួនមាន់ទៀត។

ប្ដី៖បានប៉ុន្មានហើយ ?

អ្នកលក់មាន់ទា៖ បានដប់ប្រាំហើយ ឥឡូវនៅចាំ

ទា (duck=canard) ទៀត។

ប្ដី៖ នៅចាំទា ? ងាប់ហើយខ្ញុំ  កូនប្រុសផងកូន

ស្រីផង  ឥឡូវមានទាឯណាទៀត ៕