វិញ្ញាណរូបចម្លាក់ ច្រៀងដោយលោក ស៊ិន ស៊ីសាមុត
និងច្រៀងឡើងវិញដោយ ថាច់ សូលី
១ – សំពាយភ័ព្វព្រេងបុពេប្រឌិត
ព្រះព្រហ្មលិខិតនិមិត្តជីវិតមានតម្លៃ
រូបចម្លាក់ឆ្លាក់ជាប់ដួងហឫទ័យ
សម្ផស្សសម្រសចរណៃចងជានិស្ស័យឧត្តម។
២ – សន្តោសប្រណីអាល័យមេត្តា
រស្មីតារាបំភ្លឺវេហាចិន្តាសុខំ
សែនស្រណោះ ស្រណោះសម្តីមុំ
សុំកុំបំភ្លេចរូបខ្ញុំចិត្តរស់លើភ្នំទឹកភ្នែក។
បន្ទរ – កន្សែងស្នាដៃអូនប៉ាក់
កន្សែងចាក់ជូតទឹកភ្នែក
ពេលណាទឹកនេត្រាហូរជ្រែក
កន្សែងអូនរំលេកបំបែកក្តីទុក្ខជូនបាន។
៣ – ធម្មជាតិប្រណីតលោហិតភក្តី
ជួយឲ្យពរជ័យ
ជប់រាងកាយស្រីឲ្យមានវិញ្ញាណ
រូបចម្លាក់សូមអ្នកកុំនឹកស្មាន
ថារៀមបំភ្លេចកល្យាណ
បំភ្លេចភពស្ថានស្នេហ៍អូន៕
ជម្រាបសួរអ្នកមីងជាគោរពរាប់អាន!
ក្មួយមានឈ្មោះវីរៈ ជាអ្នកស្រាវជ្រាវមរតកភាពយន្តនិងចម្រៀងខ្មែរនាទសវត្សឆ្នាំ៦០និង៧០។ កាលពីនៅក្មេង ក្មួយតែងតែស្តាប់នូវសំដីដ៏ពិរោះរបស់អ្នកមីង ហើយចាំជាប់ចិត្ត។ នាពេលនេះដែរ ក្មួយមានសំណួរចង់សួរអ្នកមីងថា តើបទនេះមាននៅសេសសល់សំឡេងទេ? រឺក៏អ្នកមីងនៅចេះចាំអាចច្រៀងបាន? ក្មួយពិតជាចង់បានណាស់ ដោយមានបំណងចង់ធ្វើវាជាថ្មី។
ចាស លើកដៃថ្វាយព្រះ ក្មួយវិរះបើអ្នកមីងមិនច្រឡំទេប្រហែលជាមានសេសសល់សម្លេងក្នុងខ្សែអាត់របស់អ្នកមីងតែមិនច្បាស់ទេ។ បើអ្នកមីងមានពេលទំនេរបន្តិចនឺងរ់ើរកក្នុងឯកសារសូរស័ព្ទរបស់អ្នកមីង
សិនណា។ សរសេរកអ្នកមីងតាមនេះ aeke.sp@gmail.comល្អជាង ពីព្រោះអ្នកមីងមិនសូវចូលទីនេះទេ។