ប៉ិចសង្វាវ៉ានក្នុងហ្គហ្គើលខ្មែរ
ខ្ញុំសូមអញ្ជើញលោកអ្នកនាងចូលក្នុងGOOGLE ខ្មែរ
http://www.google.com.kh
ដោយសូមសរសេរឈ្មោះខ្ញុំឲ្យត្រឹមត្រូវដូចខាងក្រោមនេះ
ប៉ិច សង្វាវ៉ាន
លោកអ្នកនឹងបានព៌តមានផ្សេងៗដែលប្រហែលជាលោកអ្នកអាចត្រូវការនិងបានស្តាប់សម្លេងខ្ញុំតាមរយៈ
នាទីអក្សរសិល្ប៍ខ្មែរនិងនាទីជួបជាមួយសិល្បករខ្មែរ
ដែលខ្ញុំបានរៀបចំផ្សាយក្នុង
វិទ្យុបារាំងអន្តរជាតិRFI
រហូតដល់ចុងឆ្នាំ២០០៩។
ដោយសេចក្តីគោរពរាប់អានអំពីខ្ញុំ
ជំរាបសួរអ្នកគ្រូ!
ខ្ញុំចាប់អារម្មណ៍លើការនិពន្ធ…មានន័យថាខ្ញុំចង់រៀននិពន្ធ។
តើអ្នកគ្រូអាចជួយប្រាប់បានទេថា ត្រូវចាប់ពីណា…?
បើមានពេលតើអ្នកគ្រូអាចជួយណែនាំក្មេងម្នាក់នេះទេ?
ជំរាបសួរSopheak
ខ្ញុំមានចិត្តរីករាយនិងជួយណែនាំបាននៅថ្ងៃណាមួយ
ដែលពេលវេលាអនុញ្ញាត។
ប៉ុន្តែ ជាបថម តោងតែក្មួយសាកគិតត្រួសៗហើយដឹងថា
ចង់សរសេរពីរឿងអីសិន
និងដឹងពីឧត្តមគតិរបស់ក្មួយដែលចង់បង្ហាញនៅក្នុងរឿងនេះ។
និយាយឲ្យស្រួលស្តាប់តើក្មួយថាចង់ផ្តល់អ្វីឲ្យអ្នកអាននិងចង់
បានអ្វីជាគតិ។ កាលណាមានគោលជាគ្រឹះខ្លះៗហើយ នោះ
ទើបយើងដឹងថាត្រូវចាប់ផ្តើមសរសេរពីត្រង់ណា។ សូមទម្លាប់
សរសេរពីអារម្មណ៍និងពីអ្វីៗដែលក្មួយបានសង្កេតឃើញ
ឬជួបប្រទះរាល់ថ្ងៃឲ្យបានច្រើនឲ្យរអិលឫរលូនបណ្តើរៗ
ទើបដៃក្មួយដើរទាន់គំនិត។
ខ្ញុំសប្បាយចិត្តណាស់ដែលបានដឹងថាក្មួយចង់រៀននិពន្ធ។
វិស័យអក្សរសាស្ត្រខ្មែរយើងនិងបានកើនធនធានមនុស្ស
មួយរូបទៀតហើយ។
សូមឲ្យបំណងក្មួយបានសម្រេចជាស្ថាពរ។
សូមជំរាបសួរអ្នកគ្រូជាទីគោរព!
ខ្ញុំបាទជានិសិ្សតនៅក្រុងបាត់ដំបងទើបតែបានទទួលសំណាង
ដោយចៃដន្យក្នុងការទស្សនាគេហ៍ទំព័ររបស់អ្នកគ្រូ។ ខ្ញុំមានសំនួរ
មួយចង់សួរទៅដល់អ្នកគ្រូថា តើជាការល្អដែរឬទេបើសិនខ្ញុំនិពន្ធ
សៀវភៅមួយក្បាលអំពីភាពពិតនៃកម្ពុជាដោយរួមបញ្ជូលស្ថានភាព
នយោបាយផងនោះ? ខ្ញុំពេញចិត្តនឹងស្នាដៃនិពន្ធរបស់អ្នកគ្រូណាស់។
ជាទីគោរពពីខ្ញុំ
បូរេន
ជំរាបសួរក្មួយបូរេន
រីករាយណាស់ដែលបានដឹងនិងបានទទួលសាររបស់ក្មួយ។ អរគុណក្មួយ
ដែលពេញចិត្តស្នាដៃនិពន្ធរបស់ខ្ញុំ។ ខ្ញុំពិបាកណាស់និងមិនហ៊ានជូនយោបល់
ក្មួយអំពីការនិពន្ធប្រភេទសៀវភៅដែលក្មួយចង់សរសេរទេ។ សូមក្មួយពិចារណាឲ្យ
ល្អិតល្អន់ជាមុនសិនថា តើក្មួយចង់បានអ្វីនិងចង់ផ្តល់អ្វីខ្លះដែរដល់អ្នកអាន?
បើសៀវភៅនោះចេញផ្សាយហើយ តើអាចមានផលវិបាកអ្វីដល់ក្មួយឬទេ?៕
ដោយរាប់អានអំពីខ្ញុំ
ជូនចំពោះអ្នកគ្រូជាទីគោរព
ខ្ញុំមានភាពរីករាយយ៉ាងអនេកខណះដែលបានទទួលនូវយោបល់
ដ៏ប្រពៃ។ គំនិតរបស់ខ្ញុំគឺចង់អោយប្រជាពលរដ្ឋខ្មែរមើលឃើញចាក់
ធ្លុះអំពីស្ថានភាពពិតប្រាកដនៃការគាបសង្កត់របស់ពួកបក្សពួកនិយមនិង
មានបញ្ហាមួយចំនួនធំៗទៀត។
ដូច្នេះសូមអ្នកគ្រូជួយត្រួសត្រាយចង្អុលបង្ហាញផ្លូវ។
មូលហេតុដែលកើតកូនគំនិតបង្ហូរទឺកខៀវនេះជូនមិត្តអ្នកអានក៏ដោយសារ
តែជីវិតពិតរបស់ខ្ញុំចាប់កំណើតក្នុងត្រកូលអ្នកក្រតោកយ៉ាករកព្រឹកខ្វះល្ងាច
តែអាចឈានទៅដល់ជនម្នាក់ដែលមានភ័ព្វសំណាងអាចបន្តការសិក្សាថ្នាក់
អនុបណ្ឌិត។
ខ្ញុំសូមបរិយាយត្រឹមនេះសិនចុះ
សង្ឃឹមថាអ្នកគ្រូជាទីគោរពពិតជាយល់គំនិតរបស់ក្នួយ។
សេចក្តីគោរពពីខ្ញុំ
ក្មួយបូរេន
ជម្រាបសួរអ្នកមីងប៉ិច សង្វារ៉ានដោយក្តីគោរពរាប់អានពីចម្ងាយ! ខ្ញុំសប្បាយចិត្ត
ជាពន់ពេកនៅពេលខ្ញុំបានអានប្រវត្តិពិស្តារបស់អ្នកមីងដែលខ្ញុំរំពឹងចង់ស្តាល់ជា
យូរមកហើយ។ ពេលខ្ញុំចាប់អានភ្លាម ក្ក្នុងអារម្មណ៍ខ្ញុំហាក់បានឮសម្លេងអ្នកមីង
កំពុងនិយាយអំពីប្រវត្តិរបស់អ្នកមីងផ្សាយក្នុងវិទ្យុបារាំងអញ្ចឹងដែរ។ ម្យ៉ាងទៀត
ក្មួយចង់សួរថា តើរឿងប្រលោមលោក”នេះឬចិត្តប្រុស”និងចំរៀងដែលច្រៀង
ដោយអ្នកមីងសូ សាវឿនតើនៅមានសល់ទេ?តើខ្ញុំអាចរកអាននឹងស្តាប់តាម
រយៈណា?
ជម្រាបសួរក្មួយអឿង សីហា
ពេលអានយោបល់ក្មួយដែលបង្ហាញពីទឹកចិត្គគោរពរាប់អានខ្ញុំ ខ្ញុំចង់ឆ្លើយ
ភ្លាម ប៉ុន្តែស្តាយណាស់ ខ្ញុំជាប់រវល់ពេក រកដកឃ្លាមិនរួច។ ជាពិសេស
ខ្ញុំរំភើបនិងសប្បាយចិត្តណាស់ ដែលបានស្គាល់ក្មួយដែលជាអ្នកស្តាប់
របស់ខ្ញុំមួយរូបតាមរយៈវិទ្យុបារាំងអន្តរជាតិ។
រឿងប្រលោមលោក”នេះឬចិត្តប្រុស”និងចំរៀងដែលច្រៀងដោយអ្នក
ស្រីសូ សាវឿន គ្មាននៅសល់ទេក្មួយ អស់រលីងហើយក្នុងរបបខ្មែរក្រហម។
ក្រុមគ្រួសារខ្ញុំមកដល់ស្រុកបារាំងតែមួយចង្កេះប៉ុណ្ណោះ។
ខ្ញុំគិតថានឹងសរសេររឿងនេះឡើងវិញ ព្រោះក្របប្រលោមលោកនេះ ខ្ញុំបានឲ្យ
គេគូរជិតម្ភៃឆ្នាំហើយ តែខ្ញុំគ្មានពេលអាចសរសេរបាន។ ខ្ញុំប្រហែលជានឹងសរសេរ
ក្រោយពីចេញផ្សាយសៀវភៅជីវប្រវត្តិខ្ញុំ។ បើព្រះទុកជីវិត ខ្ញុំនឹងរើសរឿងចាស់ៗ
ដែលមានឧត្តមគតិដែលខ្ញុំបានសរសេរហើយមកបោះពុម្ភឡើងវិញ។
អរគុណក្មួយដែលបានចូលអានប្លក់អ្នកមីង។
ជំរាបសួរ អ្នកមីងជាទីគោរពរាប់អាន
ខ្ញុំបាទ ធ្លាប់បានចូលអានក្នុងប្លុករបស់អ្នកមីង ពីរ បី ដងដែរ។ ខ្ញុំមានចំណាប់អារម្មណ៍
និងស្នាដៃដ៏បិុនប្រសប់និងរយពាន់វាចាដែរមិនចេះរីងស្ងួតរបស់អ្នកមីងណាស់ហើយក៏ជា
ចំណូលចិត្តរបស់ខ្ញុំបាទដែរ។ខ្ញុំមានអត្ថបទកំណាព្យមួយចំនួនចង់ឲ្យអ្នកមីងជួយពិនិត្យកែ
តម្រូវ ពីព្រោះកាលកន្លងមកខ្ញុំសរសេហើយទុកចោលមិនដឹងថាយកឲ្យអ្នកណាជួយពិនិត្យ
ខ្ញុំស្ទើរតែអស់កំលាំងចិត្តទៅហើយ។ ឥឡូវមានតែអ្នកមីងទេទើបអាចជួយខ្ញុំបាន។
សូមអរគុណ អ្នកមីងពីចំងាយ
ជំរាបសួរក្មួយជាទីរាប់អាន
ទើបតែមានពេលចូលក្នុងប្លក់ឃើញសារក្មួយក៏ប្រញាប់ឆ្លើយតែម្តង។
អរគុណក្មួយណាស់ដែលបានចូលអានក្នុងគេហទំព័ររបស់អ្នកមីង។
ក្មួយស្គាល់ទីនេះតាមរយៈអ្នកណាដែរ?។
ក្មួយផ្ញើកំណាព្យក្មួយមកចុះ អ្នកមីងនឹងពិនិត្យ។ បើគ្មានទាក់ទងនឹងនយោបាយ
និងអ្នកនយោបាយទេ អ្នកមីងនឹងផ្សាយជូនដោយរីករាយ ពីព្រោះអ្នកមីងមិនប្រើ
ប្រាស់ទីនេះជាវេទិការនយោបាយនិងមិនចង់ប៉ះពាល់នរណាម្នាក់ទេ។ ប៉ុន្តែ គ្រាន់
តែបញ្ជាក់ជាមុនថា អ្នកមីងមានការពិបាកច្រើនក្នុងការតម្រឹមជួរអក្សរកំណាព្យឱ្យ
ត្រឹមត្រង់ស្អាតល្អដូចចិត្តចង់។
បើក្មួយមិនយល់ទាស់ទេ អ្នកមីងនឹងផ្សាយកំណាព្យក្មួយ។ ៕
បាទ ជំរាបសួរអ្នកមីង អ្នកមីងសុខសប្បាយជាទេ?ចំពោះសុខភាពវិញយ៉ាងម៉េចដែរអ្នកមីង? ខ្ញុំបានស្គាល់គេហទំព័រនេះដោយការ
ស្រាវជ្រាវក៏គឺខ្ញុំគ្រាន់តែវាយពាក្យថា(អ្នកនិពន្ឋ)ចូលក្នុងហ្គោលហ្គលខ្មែរហើយចុចយកពាក្យថា(រូបភាព)ក៏បានឃើញរូបថតអ្នកមីងពេលដែលបានឃើញរូប
ថតរបស់អ្នកមីងហើយខ្ញុំក៏បន្តចូលមើលតទៅទៀតហើយក៏បានស្គាល់គេហទំ
ព័រនេះតែម្តង។[……] គ្រាន់តែបានឃើញសារឆ្លើយតបរបស់អ្នកមីងភ្លាមខ្ញុំមាន
សេចក្តីត្រេកអរណាស់ទៅហើយ ចុះទំរាំអ្នកមីងចំណាយពេលវេលាដ៏មានតម្លៃ
មកជួយស្រោចទឹកបណ្តុុះផ្សាំនូវពន្លកដ៏ខ្ចីមួយនេះទៀត ម្លេះសមចិត្តខ្ញុំ
សប្បាយរីករាយយ៉ាងណា។សូមអរគុណអ្នកមីងជាថ្មីម្តងទៀត ឥឡូវនេះក្មួយ
កំពុងប្រមែលប្រមូលនូវសំណេរអត្ថបទកំណា្យដែរត្រូវបានទុកចោលយូរ ពេល
ដែលប្រមូលបានហើយក្មួយនឹងផ្ញើទៅជូនអ្នកមីងភ្លាម។
សូមអ្នកមីង បានជួបប្រទះនូវពុទ្ឋពរបួនប្រការ គឺ អាយុ វណ្ណ សុខ ពល និង មានសេចក្តីសុខកាយ សប្បាយចិត្តព្រមទាំងមានសុខភាពល្អកុំបីឃ្លៀងឃ្លាត
ឡើយ៕
(មិនមានអត្ថបទណាមួយទាក់ទងនយោបាយទេ)
សូមអរគុណ និង សូមជំរាបលា
សូមគោរពអ្នកមីងពីចំងាយ មូលហេតុដែលយឺតយូរដោយសារខ្ញុំជាប់រវល់ទៅស្រុកកំណើតអស់រយពេលជាច្រើនខែ ឥឡូវទើបត្រឡប់មកធ្វើការវិញ ដូច្នេះហើយ សូមអ្នកមីងមេត្តាអាធ្យាស្រ័យ ដល់ខ្ញុំបាទផង ។ហើយខាងក្រោមនេះជាកំណាព្យដែលខ្ញុំផ្ញើជូនអ្នកមីង សូមអ្នកមីងជួយពិនិត្យនិងកែសម្រួលផង។សូមអរគុណ និងសូមជំរាបលា។