Category Archives: Uncategorized

អក្សរសិល្ប៍សន្តិភាព រៀបចំ​ដោយ​ សមាគមអ្នកនិពន្ធខ្មែរនៅបរទេស ប្រចាំប្រទេសបារាំង

ក្របសៀវភៅខាងមុខ។ រចនាដោយ អ៊ុំ សុផានី និង ឡឹក ជំនោរ។

សៀវភៅ“អក្សរសិល្ប៍សន្តិភាព” ​មាន​ការ​ចូលរួម​យ៉ាង​សកម្ម​ពី ​កវី អ្នក​និពន្ធ អ្នក​កាសែត និង អ្ន​ក​ស្រាវជ្រាវ​ខ្មែរ ទាំង​នៅ​ក្នុងនិងក្រៅប្រទេស​ ជាច្រើន​រូប​។ សមុច្ច័យនេះ​ផ្សំ​ផ្គុំផ្តុំដោយអត្ថបទ​សិក្សា​ស្រាវ​ជ្រាវ ប្រលោមលោកខ្នាតខ្លីរឿងខ្លី អត្ថបទ​កំណាព្យ និងកាព្យ​​បែប​ទំនើប ព្រមទាំងអម​ដោយ​​​ទំនុកច្រៀង ដែល​ស្តែង​ឱ្យ​ឃើញថា កម្រង​វណ្ណកម្ម​នេះ មានចម្រុះ​​រស​ជាតិ។ ទន្ទឹម​​នឹង​គ្នា​នោះ ​ម្ចាស់​វណ្ណកម្ម​នីមួយៗ ​មាន​សេរីភាពពេញទី​ប្រើប្រាស់​មនោគតិ​ និង​​ប្រឌិតញ្ញាណ​យ៉ាងទូលំទូលាយ​ ដោយ​មិន​ចង​ភ្ជាប់​ត្រឹម​ដែន​កំណត់​នៃអត្ថិភាព​របស់​ម្ចាស់​ស្នាដៃ​នោះ​ឡើយ។ ​ អ្នកអាន​វិញ ក៏​មាន​សេរីភាព​ពេញ​ទី ​ពិចារណា​វែកញែក​ ឆ្លុះបញ្ចាំង​ ដោយ​មិន​កម្រិត​ព្រំដែន​នៃគំនិត ​ត្រឹមតែ​ស្នាដៃជា​​សំណេរ​នោះដែរ។ កម្រងវណ្ណកម្ម “អក្សរសិល្ប៍សន្តិភាព” រៀបចំបោះពុម្ពផ្សាយក្រោម​សុច្ឆន្ទៈ​​ផ្តួច​ផ្តើម​​​​របស់លោកស្រី ប៉ិច សង្វាវ៉ាន ប្រធានស្ថាបនិកសមាគមអ្នកនិពន្ធខ្មែរនៅ​បរទេស​ប្រចាំ ប្រទេសបារាំង។ ដំណើរអាច​​ប្រព្រឹត្តទៅ​រលូន ដោយ​មាន កិច្ច​សហការ​​យ៉ាងជិតស្និទ្ធ​ជាមួយនឹង សមាគមអ្នកនិពន្ធខ្មែរនៅកម្ពុជា មាន​កវី ព្រឿង  ប្រណីត ជា​ប្រធាន និង​គាំទ្រ​សហការ​​ចូលរួម​ដ៏​កក់ក្តៅ​ពី​​សមាគមប៊ិកកម្ពុជា (Pen Cambodia) ក្នុង​អាណត្តិ​ដឹកនាំរបស់កវី យឹង យន សិល្ប​ករខ្មែរ និង មូលនិធិ កវី យិន លួត ដឹកនាំដោយលោក ឃឹម ច័ន្ទសុអហំ អនុប្រធាន​ សមាគមអ្នកនិពន្ធខ្មែរ​​​។

អារម្ភកថា​

លោកស្រី ប៉ិច សង្វាវ៉ាន

ប្រធានស្ថាបនិកសមាគមអ្នកនិពន្ធខ្មែរនៅបរទេស

ប្រចាំប្រទេសបារាំង

ក្រោយពីបានផ្សាយរឿង “នេះឬចិត្តប្រុស?” ប្រលោមលោកទី១របស់ខ្ញុំតាមខ្ទង់ទំព័រសារព័ត៌មាន “កោះសន្តិភាព” និងតាមវិទ្យុជាតិកម្ពុជា បន្ទាប់មកបានផ្សាយ​​​រឿង “ថ្ងៃ៤កក្កដា” ប្រលោមលោកទី២ ក្នុងទំព័រសារព័ត៌​មាន “ដំណឹងចុងក្រោយ” ដែល​មានលោក ជុំ កែម ជាចាងហ្វាង ខ្ញុំក៏បានសម្រេចបំណង និងក្លាយទៅជាសមាជិកាមួយ​រូប មានលេខ​រៀងទី១៩៣ នៃសមាគមអ្នកនិពន្ធខ្មែរ នៅរាជ​ធានីភ្នំពេញ ​គឺក្នុងជំនាន់អាណត្តិ​លោក ​លាង ហាប់អាន      ជាប្រធាន និង​លោក លី ធាមតេង ជាអនុប្រធាន។ ខ្ញុំ​ស្រឡាញ់នាម​​ជា        អ្នក​និពន្ធ និង​ស្រឡាញ់​សមា​គម​​អ្នកនិពន្ធខ្មែរណាស់ ប៉ុន្តែ​​របបកុម្មុយនីស្ត     ផ្តាច់​ការ នៅថ្ងៃទី​១៧ ខែមេសា ឆ្នាំ១៩៧៥ បានផ្តាច់សេចក្តី​សង្ឃឹម​របស់ខ្ញុំ​អស់​រលីង​​គ្មាន​សល់​​។

លុះបានមករស់នៅបារាំង ខ្ញុំបន្តការនិពន្ធផ្សាយ​រឿងខ្លី​ៗ និងកំណាព្យនៅ​​តាម​ព្រឹត្តប័ត្រ​ខ្មែរ នៃ​​សមាគម​ខ្មែរ​នៅអឺរ៉ុប​ និងនៅសហរដ្ឋអាម៉េរិក។ ជាក់ស្តែងពេលមកដល់បារាំងភ្លាមៗ ខ្ញុំរស់​នៅខេត្តស្រ្តាស់បួរ និង​បានសរសេរ​ផ្សាយរឿងក្នុង“ព្រឹត្តប័ត្រ​សេរីកា” ដែលគេយកមកចែកជូនជនភៀសខ្លួនអាន។ បន្ទាប់មក ពេលនៅប៉ារីស ខ្ញុំសរសេរផ្សាយក្នុង “ព្រឹត្តប័ត្រកូនខ្មែរ” របស់មជ្ឈមណ្ឌល   ឯកសារ ​និងស្រាវជ្រាវអារ្យធម៌ខ្មែរ ដែលដឹកនាំដោយលោក  នុត ណារ៉ាង និងបានសរសេរកំណាព្យក្នុង “ព្រឹត្តប័ត្រខ្មែរសាមគ្គី” នៅក្រុងឡុងនៃចក្រភពអង់គ្លេស និងព្រឹត្តប័ត្រ​មួយទៀត នៅប្រទេសអាល្លឺម៉ង់។ ទន្ទឹមគ្នា ខ្ញុំក៏និពន្ធ​ប្រលោមលោកខ្លីៗផ្សាយក្នុងសារព័ត៌មាន “នគរធំ” ក្នុងក្រុងឡុងប៊ិច នៃសហរដ្ឋ​​អាម៉េរិក។ បន្ទាប់មកបានស្ម័គ្រចិត្តជាមួយស្វាមីគឺ លោក ប៉ិច ឈុន ដើម្បីបម្រើនាទី​អក្សរសិល្ប៍ និងសិល្បៈខ្មែររាល់រាត្រីថ្ងៃព្រហស្បតិ៍ ឥតកម្រៃរយៈ​ពេល៤ឆ្នាំ ក្នុង “វិទ្យុអាស៊ីសំឡេងខ្មែរ” ក្នុង​ក្រុងប៉ារីស មុននឹងប្រឡងជាប់ចូលធ្វើការជាអ្នកសារព័ត៌មាន នៃវិទ្យុបារាំងអន្តរជាតិ ក្នុងរដ្ឋធានីប៉ារីសអស់រយៈពេល១៨ឆ្នាំ និង៦ខែ។ នៅក្នុង​​វិទ្យុ​បារាំង RFI នេះ ខ្ញុំ​ក៏​នៅតែបន្ត​កាន់ការ​ងារ​ក្នុង​នាទី​ខាង​វប្បធម៌​ សិល្បៈ អក្សរសាស្ត្រ អក្សរសិល្ប៍​ និងកិច្ចការ​ទាក់ទង​នឹង​អ្នកនិពន្ធ​​ជាប់ជានិច្ច​ដោយ​ក្តីស្រឡាញ់​​រហូត​ដល់​ចូល​និវត្តន៍​។

ចំពោះសកម្ម​ភាព​លម្អិតរបស់ខ្ញុំ​ពី​វិស័យ​អក្សរសាស្ត្រ​ជាតិ​នេះ សូមអញ្ជើញ​អាននៅក្នុងគេហទំព័រផ្ទាល់ខ្លួនរបស់ខ្ញុំ pechsangwawann.wordpress.com។ ខ្ញុំនឹងសរសេរចងក្រង​អំពីជីវប្រវត្តិពិត ដែលមានចំណងជើងថា “ខ្ញុំជាស្រី” និង អព្ភូតហេតុនៃស្ថានសួគ៌ និងសៀវភៅមួយចំនួនទៀត។ល។

ចិត្តស្រឡាញ់​អក្សរសាស្ត្រ អក្សរ​សិល្ប៍ ពេញ​ក្រឳបេះដូង ទោះជារស់​​នៅទីណាក្តី ក៏ខ្ញុំមិនចោល​ការ​និពន្ធ​ឡើយ​។ ខ្ញុំសម្រេចចិត្តចេញផ្សាយ​សៀវ​ភៅប្រលោម​លោក​ពីរ​​បីរឿង។ ការយកសៀវភៅទៅផ្ញើហាងលក់ ក៏​មិន​មែន​ជាការងាយឡើយ ហើយសូម​បញ្ជាក់ថា មិនមែនផ្សាយលក់សៀវភៅដើម្បីរកប្រាក់ចិញ្ចឹមជីវិតទេ ព្រោះ​ខ្ញុំមានការងារបានប្រាក់ខែសម្រាប់​រស់ហើយ។ ប៉ុន្តែ    គោល​ដៅ​ចម្បង ក្នុងនាម​ជាអ្នកស្រឡាញ់ការតែងនិពន្ធមួយរូប​ គឺខ្ញុំចង់ឱ្យគេដឹងថា​ មានអ្នក​និពន្ធខ្មែរ​ដែលរួច​ពីស្លាប់​នៃរបបខ្មែរក្រហម និងរស់នៅក្រៅស្រុក បាន​រួម​​គ្នា​​ចេញផ្សាយស្នាដៃឱ្យសហ​គមន៍ខ្មែរ ដែល​និរាសស្រុក មានសៀវភៅខ្មែរអាន ​ដូចសាសន៍ដទៃ ក្នុងទឹកដី​បរទេស​។​

ដោយ​សេចក្តី​ស្រឡាញ់​អក្សរសាស្ត្រ​ អក្សរ​សិល្ប៍​ជាតិ ពិសេស​​ស្រឡាញ់​ឈ្មោះ​សមាគមអ្នកនិពន្ធ ដូចដែល​ខ្ញុំ​ជម្រាប​មក​មុននេះ គឺ​ខ្ញុំបាន​សម្រេចចិត្តបង្កើត​​សមាគមអ្នកនិពន្ធខ្មែរនៅបរទេស​ ​ប្រចាំប្រទេស​បារាំង នៅឆ្នាំ​១៩៨៩​។ កន្លងមក គឺបានតែ​ផ្សាយរឿងសៀវភៅរបស់ខ្ញុំ ដោយចេញប្រាក់ផ្ទាល់ខ្លួនគ្រាន់តែដាក់ថា​ចេញផ្សាយពី​សមាគម ដើម្បីឱ្យគេបានស្គាល់សមាគមនេះ។ ក្រោយមក​ ខ្ញុំ​បាន​ទទួល​​ព្រះរាជូបត្ថម្ភ​​ប្រាក់មួយ​​ចំនួនពីអតីតព្រះមហាក្សត្រ នរោត្តម​​ សីហនុ​​ ហើយ​ខ្ញុំក៏រៀប​ចំការ​ប្រកួតការ​តែងនិពន្ធប្រលោម​លោក រង្វាន់សន្តិភាព។

ក្រោយពីខ្ញុំបានប្រឡងជាប់​ចូលធ្វើការ​ជាអ្នក​សារព័ត៌មាន ​ក្នុងវិទ្យុបារាំង​អន្តរជាតិនៅរដ្ឋធានី​ប៉ារីស ខ្ញុំ​​កាន់នាទីអក្សរសិល្ប៍ខ្មែរ​ ដែលជាឱកាសបានជួបសម្ភាស​អ្នកនិពន្ធ កវី​ នៅប្រទេសបារាំង និង​នៅ​ស្រុក​ខ្មែរ​។ ខ្ញុំបានបង្កើតនាទីជួបជាមួយសិល្បករខ្មែរនៅបារាំង ​​អាម៉េរិក និងកម្ពុជា ជាដើម។ល។ ក្រៅពីការងារ​វិទ្យុ ខ្ញុំឆ្លៀតរៀបចំ​រាត្រីជប់លៀងរាំ​កម្សាន្ត គឺ​តាម​សេចក្តីអញ្ជើញ​របស់​សមាគម​គ្រូពេទ្យ​ខ្មែរ ហើយ​ក៏បែកគំនិតធ្វើត្រាប់តាម​សមាគមខ្មែរនានានៅ     ទីនេះ ដើម្បីប្រមូលកម្រៃដែលសល់ពីការចំណាយក្នុង​រាត្រីនោះ​ ទុកសម្រាប់ប្រើការប្រកួតស្នាដៃរង្វាន់សន្តិភាព លើកទី១ ទី២ ​និងទី៣។

លុះដល់ឆ្នាំ២០០៤ ខ្ញុំបានទៅវិស្សមកាលក្នុងប្រទេសយើង ជាលើកដំបូង ក៏ជួបស្គាល់​សមាគម​អក្សរ​សិល្ប៍ នូ ហាច តាមរយៈលោក ខូ តារាឫទ្ធិ លោក ព្រឿង ប្រណីត ដែលខ្ញុំ​បាន​ធានា​មកទស្សនាប្រទេសបារាំង។ កាលនោះសមាគមអក្សរសិល្ប៍ នូ ហាច សុំឱ្យខ្ញុំចែករំលែកបទពិសោធ​​នៃការតែងនិពន្ធ ហើយក្នុងឱកាសនោះ ខ្ញុំក៏ស្គាល់លោកគ្រូ ឃឹម ច័ន្ទសុអហំ, អ្នកនិពន្ធ      សុខ​ ចាន់ផល,​ អ្នកនិពន្ធ សួង ម៉ាក់ ហៅ អាចម៍​ផ្កាយ​។​ ក្រោយមកទៀត ខ្ញុំបានស្គាល់​លោកស្រី​អ្នកនិពន្ធ ប៉ាល់ វណ្ណារីរក្ស ក៏អញ្ជើញខ្ញុំចូល​រួមក្នុងកម្មវិធី​សៀវភៅ​ល្អៗ​ ផ្សាយ​តាម​កញ្ចក់​ទូរ​ទស្សន៍​ជាតិ (ទទក)…។

ឆ្នាំក្រោយៗមកទៀត ខ្ញុំចូលរួមក្នុងសិក្ខាសាលាដែលអាចផ្តល់ពេលឱ្យខ្ញុំបានស្គាល់កវីអ្នកនិពន្ធ​មួយ​​ចំនួន​​ទៀត​ដូចជាលោកគ្រូ យូ សុភា, អ្នកនិពន្ធ    កៅ សីហា, អ្នកនិពន្ធ ណេង កន្និដ្ឋា និងអ្នកនិពន្ធ កវី មួយ​ចំនួន​ជាបន្ត​បន្ទាប់​ដែលខ្ញុំមិនបានរៀបរាប់​អស់ ​សូមអធ្យាស្រ័យ។

តាំងពីពេលនោះមក ខ្ញុំរក្សាទំនាក់ទំនងជាមួយអ្នក​និពន្ធក្នុងប្រទេសតាម​រយៈ​ការ​ងារ​វិទ្យុបា​រាំង​អន្តរ​ជាតិ ហើយ​រហូតមកទល់ពេលនេះ ខ្ញុំនៅតែ រក្សាទំនាក់ទំនងជាមួយបណ្ឌិត ឃីង ហុកឌី, កវីបណ្ឌិត យឹម កិច្ចសែ, អ្នកគ្រូ​   ស៊ិម ចាន់យ៉ា, អ្នកនិពន្ធ ទីង សុខា និង អ្នកនិពន្ធ​ អ៊ុំ​ សុផានី។ អ៊ុំ សុផានី​        ជា​​អតីត​ជ័យលាភី​មួយ​រូប នៃ​រង្វាន់​អក្សរសិល្ប៍​សន្តិភាព តាម​រយៈ​វណ្ណកម្ម         “​លោហិត​​តែមួយ” និង “អ្នកណា​ជា​ម្តាយ​ខ្ញុំ?” នៅឆ្នាំ១៩៩៧ និង​ឆ្នាំ​២០០០។ មិត្ត​នារី​ដ៏​ស្និទ្ធស្នាល​របស់​ខ្ញុំ​​​ម្នាក់នេះ ​​លា​ចាក​ឋាន ក្នុង​ឆ្នាំ​២០១៨​។  ការ​រៀបចំបោះពុម្ពសៀវភៅ​នេះឡើយ ក៏​ដើម្បី​ជាការ​ឧទ្ទិស​ចំពោះ​មិត្ត​សម្លាញ់​​​​ដែរ។​ ខ្ញុំ​បួងសួង​សូមឱ្យវិញ្ញាណក្ខន្ធមិត្ត​សោយសុគតិភព​។

ឆ្លៀត​វេលា​នេះ ខ្ញុំ​សូមជម្រាបថា​​ សមាគមអ្នកនិពន្ធខ្មែរនៅបរទេស បានបោះពុម្ព​សៀវ​ភៅ​ជ័យ​លាភី​​​ពីរបីរឿង មិនសូវបានបោះពុម្ពស្នាដៃច្រើនទេ ដោយហេតុថា​ បញ្ហា​ថវិកាជាចំណោទធំណាស់។ ខ្ញុំអំពាវនាវសូមឱ្យអ្នកនិពន្ធក្នុងស្រុក និងក្រៅស្រុកយើងទាំងអស់ក្នុងពិភពលោកយើងនេះ រួប​រួមគ្នា​ជាធ្លុងមួយ ពួតដៃគ្នាបង្កើតចរន្តចលនាអព្យាក្រឹត​ និងមូលនិធិ បើអាចធ្វើបាន​ ដោយ​ហ៊ានបរិច្ចាគ​ប្រាក់​កាស​ផ្ទាល់​ខ្លួន ដើម្បីជួយបោះពុម្ពស្នាដៃជាប់រង្វាន់​ដើម្បី​ទុកឱ្យអនុជន​ជំនាន់ក្រោយ និងដើម្បីផ្តល់សន្ទុះការតែងនិពន្ធ​​ និ​ងការអានឱ្យដូចជាប្រជាជនបរទេស។

លើសពីនេះ ខ្ញុំសូមអ្នកកវីនិពន្ធចូលជា​សមាជិក​សមាគម​ទាំងក្នុង​ទាំង​ក្រៅ ​​ដោយជួយបង់វិភាគ​ទាន​ប្រចាំ​ឆ្នាំ​ ពី​ព្រោះ​បើ​​សមាគមមិនបាន​ទទួលប្រាក់វិភាគ​ទាន​​របស់​សមាជិក​ទេ សមាគម​ក៏​មិន​អាច​ដំណើរការ និង​មាន​ជីវិត​​យូរ​   អ​ង្វែង និងមិនអាច​ចេញផ្សាយ​សៀវភៅថ្មីឡើយ។

ខ្ញុំ​មាន​សំណូមពរ​ពិសេសមួយទៀត សូមកវីអ្នកនិពន្ធបរិច្ចាគសៀវភៅរបស់ខ្លួនមួយចំនួន ធ្វើ​អំណោយ​​ដល់​សមាគម​អ្នកនិពន្ធ​ខ្មែរទាំងពីរ ហើយអនុញ្ញាតឱ្យសមាគម​លក់សៀវភៅ​នោះ ដើម្បីបានកម្រៃយកមកប្រើការ​រៀបចំ​ការប្រកួតរឿងខ្លី និងរឿងប្រលោមលោក ព្រមទាំងកំណាព្យ និងអាចជួយ   បោះពុម្ពចេញផ្សាយសៀវភៅដែល​ជាប់​រង្វាន់​អក្សរសិល្ប៍រាល់ឆ្នាំផង៕

ជយោមហាគ្រួសារអ្នកនិពន្ធខ្មែរ!

ជយោអក្សរសាស្ត្រអក្សរសិល្ប៍ខ្មែរ!

ម៉ុងទីញី ឡេ គ័រម៉ៃយ៍ ប្រទេសបារាំង ថ្ងៃទី២ ខែមិថុនា ឆ្នាំ២០២០                                                              

   ​     ប៉ិច សង្វាវ៉ាន នាមដើម ព្រហ្ម សង្វាវ៉ាន ហៅ ព្រហ្ម សុទ្ធធីតា

   អតីតអ្នកសារព័ត៌មាននៃវិទ្យុបារាំងអន្តរជាតិផ្នែកការផ្សាយភាសាខ្មែរ

 ប្រធានស្ថាបនិកសមាគមអ្នកនិពន្ធខ្មែរនៅបរទេស ប្រចាំប្រទេសបារាំង

សេចក្តីថ្លែងអំណរគុណ
ពីប្រធាន​ស្ថាបនិក​សមាគមអ្នកនិពន្ធខ្មែរ នៅបរទេសប្រចាំប្រទេសបារាំង (AEKE)
 

នៅឆ្នាំ​២០១៧-២០១៨ សមាគមអ្នកនិពន្ធខ្មែរ នៅបរទេសប្រចាំប្រទេសបារាំង (AEKE) រៀបចំការប្រកួតពានរង្វាន់ “អក្សរសិល្ប៍សន្តិភាព លើកទី៣”​ មានគោលបំណងចូលរួមចំណែកលើកស្ទួយការអាន, បង្កើនទំនើបភាពនៃអក្សរសិល្ប៍ជាតិយើង និងលើកកម្ពស់ការប្រកួតប្រជែងស្នាដៃថ្មីៗ ជាពិសេស ផ្តល់ឱកាស​សម្រាប់ កវី និង អ្នកនិពន្ធវ័យក្មេង ដែលចង់បញ្ចេញ   វណ្ណកម្មរបស់ខ្លួន។​ បេក្ខជនដែលឈ្នះរង្វាន់ជ័យលាភី និងទទួល​រង្វាន់លើកទឹកចិត្ត នៅក្នុងការប្រកួតស្នាដៃមានរាយនាម៖ ស្វាយ លីម៉េង, ប៊ុន ពិសី,​ ឈាវ សំណាង, ហ៊ួន សាវង, ហូវ លីឃាង, ប៉េង សំរិទ្ធ, ជឿន គឹម​ហេង​។

ឆ្លៀតវេលាគ្រានេះខ្ញុំ ប៉ិច សង្វាវ៉ាន ជា​ប្រធានស្ថាបនិកសមាគមអ្នកនិពន្ធ​ ​ខ្មែរនៅបរទេសប្រចាំប្រទេសបារាំង (AEKE) សូមអរគុណជា​អនេក​ចំពោះ លោកស្រីបណ្ឌិត ប៉ែន​ សេដ្ឋារិន, អ្នកនិពន្ធ ​ប៉ាល់ វណ្ណា​រីរក្ស, អ្នកនិពន្ធ អ៊ុំ​ សុផានី​ អ្នកនិពន្ធ ស៊ិម ចាន់យ៉ា, អ្នកនិពន្ធ ទឹង ​សុខា,​ អ្នកនិពន្ធ ប៉ុល ពិសី, ឯកឧត្តមកវី ជ័យ ចាប, កវីនិពន្ធ វ៉ែន សុន, លោក គឹម ចាន់ណា, ​កវី​បណ្ឌិត យឹម កិច្ច​សែ,  កវី យិន លួត, កវី អ៊ីវ ហួត​​, អ្នកនិពន្ធ​ ទឹម​ ម៉ានី, ក្មួយ ព្រឿង ប្រណី​ត​, លោក   អ៊ូច ភីរម្យ, លោក សំ វិជ្ជា, កវីនិពន្ធ ស៊ូ ខេមរិន្ទ, លោក កែវ ឈុន,​ អ្នកនិពន្ធ​​    លឹម សន្តិភាព​​​ និង ក្មួយៗ​កូនធម៌ទាំងអស់មាន,​​​​ឃឹម ច័ន្ទ​សុអហំ, កៅ សីហា​​​, ណេង កន្និដ្ឋា​​, យូ​ សុភា, សុខ ចាន់ផល​​, ឡឹក ជំនោរ, ហេង ឧត្តម​ ព្រមទាំង ម៉ា​ ច័ន្ទបញ្ញា ជាមេ​ប្រយោគ​ទាំង​អស់​ដែល​បា​ន​ចំណាយពេលដ៏មានតម្លៃដើម្បីជួយជ្រោមជ្រែង ហើយ​នឹងដែល​បាន​ចូលរួម​ធ្វើ​ជា​វាគ្មិនកិត្តិយស ​នៅថ្ងៃប្រកាសលទ្ធផល រឿងខ្លីនិងកំណាព្យ ពានរង្វាន់សន្តិភាព លើកទី៤ នៃសមាគមអ្នកនិពន្ធ​ខ្មែរនៅបរទេសប្រចាំ ឆ្នាំ២០១៧-២០១៨។ សូមអរគុណជាពិសេសម្តងទៀត ចំពោះការដែលជួយជ្រោមជ្រែងអស់ពីចិត្តពីថ្លើមរបស់​អស់លោក​លោកស្រី​និងកូន​ក្មួយ​គ្រប់គ្នា​។ នេះអំណោយដ៏មានតម្លៃឥតកាត់ថ្លៃពុំ​បាន សម្រាប់ខួបកំណើត​គម្រប់​៧០ឆ្នាំរបស់​ខ្ញុំ។

នឹកដល់​ក្នុងទិវា​​ប្រកាស​រង្វាន់​ជ័យ​លាភីនោះ ​ខ្ញុំ​សូមថ្លែងអំណរ​គុណ​ជាថ្មីម្តងទៀត​ ចំពោះអ្នក​ដែល​ជំនួស​ដៃ​ខ្ញុំ​យ៉ាង​ច្រើន។ កញ្ញា អ៊ឹម រចនា ជាអ្នកសម្រប​​សម្រួល​ក្នុងការ​ជជែក​ពិភាក្សា។ ឯកញ្ញា គឹម ឌីណា ​ជួយ​​ធ្វើជា​ពិធីការិនី​​ក្នុង​កម្មវិធី​ប្រគល់​រង្វាន់នេះ​ ហើយសិល្បករ​កវី​ យឹង យន ​​ជួយ​ស្មូត្រ​កំណាព្យ នៅពេល​​ប្រកាស​​លទ្ធផល​ផង។ នៅមាន​អ្នក​ជួយ​ចាត់ចែង​ផ្សេងៗ​ជាច្រើន​រូប​​ទៀត​ ដែល​​ខ្ញុំ​សូម​ក្តីមេត្តាអធ្យាស្រ័យ ដោយ​ពុំ​អាច​រាយនាម​អស់​នៅទីនោះ។​​​ សូមលោកនិងនាងកញ្ញាទទួលការដឹងគុណដ៏ជាលជ្រៅ និងគោរព​កោត​សរសើរ​ក្រៃលែងអស់​ពីដួង​ចិត្ត​របស់​​ខ្ញុំ។

ក្នុង​ការ​បោះពុម្ព​កម្រង​វណ្ណកម្ម​ជាប់​​ជ័យលាភី​​នេះ គឺមាន​កវីអ្នក​និពន្ធដែល​បាន​រាយ​នាម​​រួច​​ហើយ​ គឺលោក លោកស្រី​​មួយ​ចំនួនបាន​បន្ត​ចូលរួមផ្តល់​ស្នាដៃ​ខ្លះ​សម្រាប់ការ​​​បោះពុម្ពផ្សាយ​ថែមទៀត​។ ខ្ញុំ​សូម​ថ្លែងអំណរគុណចំពោះ​លោកលោកស្រីជាថ្មីម្តង​ទៀតដែរ​។

​ខ្ញុំ​សូម​​​គោរព​អរគុណ​ដល់​លោកគ្រូ គឹម ខូវនី ដែល​ខ្ញុំ​និងស្វាមី​​គោរព​យ៉ាង​ជ្រាលជ្រៅ​បំផុត​។​ បន្ថែមពីនេះ​ ​ក៏​មាន​កវីអ្នក​និពន្ធនិងអ្នក​ស្រាវជ្រាវ​ថ្មីថែមទៀត បាន​ចូលរួម​ផ្តល់​វណ្ណកម្ម​​បន្ថែម​ដែរ​។

ឆ្លៀត​វេលា​នេះ ខ្ញុំ​ក៏​សូម​អរគុណចំពោះលោក​ តៃ សុវណ្ណារុណ ដែល​​ជូន​អត្ថបទ​ស្រាវជ្រាវ​មួយ ​និង​កំណាព្យ​មួយសម្រាប់​ការ​បោះពុម្ព។

សូម​អរគុណកវីនិពន្ធខ្មែរ ស៊ូ ខេមរិន្ទ ដែល​ផ្តល់​កំណាព្យ​ដ៏​មានន័យ​និង​ចម្រៀង​មួយ​បទ​យ៉ាង​ពីរោះ​ជាប់​ចិត្ត​។​

ជាងនេះទៅទៀត ខ្ញុំក៏សូមអរគុណ កវី ព្រឿង ប្រណីត ប្រធានសមាគម​អ្នកនិពន្ធខ្មែរ​ដែលបានសហការ និង​ផ្ដល់ជូនកំណាព្យ​ចូលរួមបោះ​ពុម្ពជា​មួយ​សៀវភៅ អក្សរសិល្ប៍សន្តិភាព នេះប្រកដោយខ្លឹមសារជ្រាលជ្រៅ។ 

បេក្ខជន​​បណ្ឌិត កែវ ភីរិទ្ធ ​ប្រឹង​ប្រែង​​ស្រាវជ្រាវ​ពី​អក្សរ​សិល្ប៍បារាំងនៅ​ឥណ្ឌូ​ចិន ហើយ​បាន​ផ្តល់​ស្នាដៃ​សិក្សា​ស្រាវជ្រាវ​សម្រាប់​ការ​បោះពុម្ព​សៀវភៅ​នេះដែរ​។ សូម​ឱ្យ​លោកក្មួយ​​ឆាប់​សម្រេច​​ជោគជ័យ​​ទទួល​បាន​សញ្ញាបត្រ​បណ្ឌិត និងឆាប់​បាន​ត្រឡប់​ចូល​បម្រើមាតុប្រទេស​​។​

​លោកបណ្ឌិតរដ្ឋ​សភាចារ្យ​ ឃីង ហុកឌី ជា​សមាជិក​សមាគមអ្នក​និពន្ធ​ខ្មែរ​នៅ​បរទេស​ប្រចាំ​ប្រទេស​បារាំងស្រាប់ ​ក៏​ផ្តល់​អត្ថបទ​​ស្រាវជ្រាវ​អក្សរ​សិល្ប៍​និង​ការ​បោះពុម្ពផ្សាយ ជាភាសាបារាំង​ ដើម្បីឱ្យ​ក្រុម​ការងារ​បោះពុម្ព​ចាត់ចែងបកប្រែដែរ។​ ​ខ្ញុំ​សូមថ្លែងក្តីដឹងគុណ​យ៉ា​ងច្រើន​ចំពោះ​លោក​​បណ្ឌិត និង​ជូនពរ​ សូម​ឱ្យ​លោក​មាន​សុខភាព​ល្អ​ប្រពៃ​។​

​ខ្ញុំសូម​កត់ត្រាទុកនូវ​កាយវិការខ្ពង់ខ្ពស់ ប្រកបដោយវី​រិយ​ភាពទាំ​ង​ឡាយ​​នេះ ក្នុងប្រអប់​ដួងចិត្តខ្ញុំ លុះថ្ងៃអវសាន៕​

ខួបរំឮកកំណើត​៧៣ឆ្នាំ​របស់​ខ្ញុំ

ជារៀងរាល់ឆ្នាំ បណ្តា​មិត្ត​និងក្រុម​គ្រួសារ​តែងតែ​ជូន​ពរ​ថ្ងៃ​កំណើត​ដល់​ខ្ញុំ​ជានិច្ច។ អ្នក​ខ្លះ​បាន​រចនា​ប័ណ្ណជូនពរ អ្នក​ខ្លះទៀត​តែង​កំណាព្យ ជូនពរ​ជាដើម។ អនុស្សាវរីយ៍​ទាំង​នេះ ធ្វើ​ឱ្យ​ខ្ញុំ​រំជួល​ចិត្ត និង​នឹក​ទទួល​ភាពកក់ក្តៅផ្លូវចិត្ត​ នៅលើ​ផ្លូវ​មេត្រីភាព និង​ថ្នាល់​តែងនិពន្ធ។

ខ្ញុំ​សូម​អនុញ្ញាត​ចុះផ្សាយ​ទីនេះ នូវ​សារ​របស់​មិត្ត​ភក្តិមួយ​ចំនួន​ ​ដែលបាន​ជូន​ពរ​ខ្ញុំ​ ថ្ងៃនេះ៖

លោក កែវ ឈុន ពី​ស្វីស ដែល​បាន​រចនាប័ណ្ណដ៏ស្អាតនេះ និងកវីបណ្ឌិត យឹម កិច្ចសែ ពី​អាល្លឺម៉ង់ ជាអ្នក​តែង​កាព្យ​ជូនពរដ៏ពីរោះនេះ៖

អរគុណប្អូនស្រីធម៌ ​ប៉ែនសេដ្ឋារិន ហៅនាងតូចជាទីស្រឡាញ់។​ បងក៏នឺកនិងស្រឡាញ់អូនដែរណា។ និយាយអញ្ចឺង ក្មួយស្រីរបស់បងស្រឡាញ់ប្រទេសជប៉ុនណាស់។ គេបានទៅលេងប្រទេសនេះម្តងដែរ។ ​យូរៗចូលទីនេះម្តង បងវាក់សឺងតែមិនចេះប្រើ។​ បងមិនអស់ចិត្តនៅដល់ម៉ោង១អធ្រាត្រនិង៤០នាទី។ ប៉ុណ្ណេ បងអាចគេងលក់ស្រួលហើយ៕

បណ្ឌិត ប៉ែន សេដ្ឋារិ ពី​តូក្យូ៖ សូមជូនពរបវរចំពោះអ្នកបងជាទីស្រឡាញ់និងរលឹក។

Thank you Mr Kazuhiko Mamada. I’ am very happy to hear from you here in my blog

លោក គី ពិសិដ្ឋ ពីកម្ពុជា៖ រីករាយថ្ងៃកំណើតអ្នកគ្រូ។ សូមបួងសួងដល់អ្នកគ្រូអោយមានសុខភាពល្អ ប្រាថ្នាអ្វីបានសម្រេចដូចបំណង។

អរគុណ លោកក្មួយគី​ពិសិដ្ឋ

លោក គង់ សំអ៊ុល (SamUl Kong‎ ) ពី​សហរដ្ឋអាមេរិក ៖ ក្នុងឧកាសបុណ្យកំណើត ប្អូន​សង្វារវ៉ាន់ សូមជូនពរ សូមអ្នកទទួលពុទ្ធពរប្រាំប្រការគឺ អាយុ វណ្ណៈ សុខៈ ពលៈ បដិភាណៈ! សូមមានសុខភាពល្អ មានជោគជ័យគ្រប់ប្រការ រកស៊ីមានបាន បានអាយុវែង!សូមមានសុភមង្គលក្នុងគ្រួសារ!

ចាស អរគុណ លោក គង់ សំអ៊ុល សូមឱ្យខ្ញុំបានទទួលអ្វីៗដូចបំណងតាមពររបស់លោក ជាពិសេស សូមឱ្យខ្ញុំសរសេរសៀវភៅអំពីខ្សែជិវិតរបស់ខ្ញុំនិងប្រលោមលោក១ចំនួនទាំអអស់ក្នុងឆ្នាំនេះ៕

Kazuhiko Mamada‎ ៖ Happy birthday !

Thank you, Mr KAZUHIKO YAMADA . Well, I’m very happy to hear from you here . How are you ?

កូនធម៌​និង​ក្មួយៗ​នៅ​កម្ពុជា​និង​បារាំង បាន​រៀបចំ​សៀវភៅ​មួយ ចំណងជើងថា«អក្សរសិល្ប៍សន្តិភាព» សម្រាប់បោះពុម្ព​នៅពេលឆាប់ៗ​​ខាងមុខ​។ ជាសៀវភៅ​ដែល​សមាគម​អ្នកនិពន្ធខ្មែរ​ប្រចាំនៅប្រទេស​បារាំង ក្រោម​អាណត្តិ​ខ្ញុំ​ជា​ប្រធាន បាន​រៀបចំ​ពានរង្វាន់​អក្សរិសល្ប៍​សន្តិភាព ខាងរឿងខ្លី​និង​កំណាព្យ ឆ្នាំ​២០១៧-១៨។ រង្វាន់​និង​សៀវភៅ គឺ​សម្រាប់​អបអរ​ខួប​កំណើត​ ៧០ និង​៧៣ឆ្នាំ​របស់ខ្ញុំ។ ខ្ញុំ​ថ្លែង​អំណរគុណ​គ្រប់​កវីអ្នកនិពន្ធ​និងអ្នក​ស្រាវជ្រាវ ដែល​បាន​ចូលរួម​ចំណែក​ផលិត​សៀវភៅ​នេះឡើង។​

កម្ពុជា : អំពើប្រល័យពូជសាសន៍នៃរបបកម្ពុជាប្រជាធិបតេយ្យខ្មែរក្រហមត្រូវបានទទួលស្គាល់ជាលើកដំបូង

រូបភាព

ថ្ងៃណាជួងវ៉ៃ និពន្ធដោយកវី យឹម កិច្ចសែ

រូបភាព

ពរជ័យវិច្ឆិកា ដោយ​ កវី យឹម កិច្ចសែ

កាលពី១៥ឆ្នាំមុន មានសាច់មានឈាម មានទម្ងន់៤២គីឡូកន្លះហើយនៅធ្វើការផង។ បើកឡានទៅដាក់GARE ហើយជិះរទេះភ្លើងRER C។ ដល់ពេលចូលនិវត្តិន៍ មានពេលគ្រប់គ្រាន់តែកិច្ចការក្នុងផ្ទះធ្វើមិនអស់មិនហើយ។ នេះជាម្ចាស់ខ្លួនឯង បម្រើខ្លួនឯង។ យូរៗ ត្អូញឱ្យលោកប្តីស្តាប់ម្តង ថា នេះជាម្ចាស់ខ្លួនឯង ប្រសិនជាអ្នកបម្រើគេវិញ​ច្បាស់ជាសុំលាឈប់ហើយ។ សព្វថ្ងៃនេះ គ្មានពេលសម្រាក ណាចង់មើលនិងសរសេរសៀវភៅ ។ ឱ ខ្លួនខ្ញុំអើយ! ហត់នឿយជាងតួអង្គនាងសូភាពក្នុងរឿង«ជើងមេឃថ្មី»ដែល​ខ្ញុំបាននិពន្ធទៅទៀត។ សព្វថ្ងៃនេះ ខ្ញុំគ្មានពេលសម្រាកឱ្យសមជាមនុស្សចាស់ទេ។ ណាចង់អាននិងសរសេរសៀវភៅ។ ណាហ្វេសប៊ុក។ ណាចង់អាននិងឆ្លើយឆ្លងសារញាតិមិត្ត។ មិនដែលគិតសោះថាក្នុងជីវិតនេះ ខ្ញុំរវល់អីក៏រវល់ម្ល៉េះព្រះអើយ! នឿយអីក៏នឿយម៉្លេះ! សឹងតែមិនហ៊ានឆ្លុះកញ្ចក់ទៅហើយ។ឱ ! ជរាភាព ណ្ហើយចុះ សុំតែសុខភាពនិងកម្លាំងពលំដើម្បីសរសេរសៀវភៅដែលខ្ញុំប៉ងសរសេរតាំងពីឆ្នាំ២០១០។

វិច្ឆិកា២០១៩ មកដល់ហើយ! ខ្ញុំមិនត្រូវការអ្វីទៀតទេក្នុងជាតិនេះ ក្រៅពីចង់ទុកស្នាដៃជូនអនុជនជំនាន់ក្រោយបំណាច់កើតមកព្រះចារឱ្យខ្ញុំស្រឡាញ់អក្សរសាស្ត្រអក្សរសិល្ប៍ជាតិ៕


ជូនពរថ្ងៃកំណើត ដោយកវី សំ វិជ្ជា

អ្នកនិពន្ធ ប៉ិច សង្វាវ៉ាន សូមស្វាគមន៍

ក្នុងថ្ងៃខួបកំណើតខ្ញុំគំរប់៧១ ឈានចូល៧២ឆ្នាំ លោក សំ វិជ្ជាដែលជាកវីមួយរូបនៅឯសហរដ្ឋ

អាមេរិកបានតែងកំណាព្យមួយអំពីទឹកចិត្តពុះពាររបស់ខ្ញុំក្នុងវិស័យអក្សរសិល្ប៍ អក្សរសាស្ត្រខ្មែរ

៥ទស្សវត្សរ៍ពោលគឺរយះពេល៥០ឆ្នាំមកហើយតាមរយះការបោះពុម្ពផ្សាយជាសៀវភៅប្រលោម

លោកខ្លះៗ និងតាមរយះការផ្សាយតាម«សារព័ត៌មានកោះសន្តិភាព» «វិទ្យុជាតិភ្នំពេញ»នៅឆ្នាំ

១៩៦៨ និង ក្នុងប្រទេសបារាំងតាមព្រឹត្តិ

ប័ត្រ «សេរីកា»ឆ្នាំ១៩៧៧​ពេលមកដល់ប្រទេសបារាំងដំបូង។ បន្ទាប់មក «តាមរយះសារព័ត៌មាននៅសហ

រដ្ឋអាមេរិកមានជាអាទិ៍ «នគរធំ»និង«អង្គរបូរី »ក្នុង «វិទ្យុអាស៊ី95.6FM»ទីក្រុងប៉ារីស៍ប្រទេសបារាំងពីឆ្នំា

១៩៨៩ដល់១៩៩២» និងជាពិសេសក្នុង«វិទ្យុបារាំងអន្តរជាតិRADIO FRANCE INTERNATIONALE

RFI» ពីឆ្នាំ១៩៩៣ដល់ឆ្នាំ២០១០ឆ្នាំចូលនិវត្តន៍ និង បច្ចុប្បន្នកាលនេះ ក្នុងគេហទំព័ររបស់ខ្ញុំនេះ

WWW.PECHSANGWAWANN.WORDPRESS.COM

សារុបសេចក្ តីគឺចាប់តាំងពីឆ្នាំ១៩៦៨នៅភ្នំពេញ រហូតដល់ឆ្នាំ២០១៨នៅប្រទេសបារាំងនេះ

ហើយនឹងបន្តទៅមុខជានិច្ចដរាបដល់ជរាភាពនិងរោគាយាយីពុំអាចបន្តសកម្មភាពបាន។

ឆ្លៀតឱកាសនេះ ខ្ញុំសូមអរគុណអ្នកនិពន្ធ កវីគ្រប់រូបដែលបានផ្តល់អត្ថបទដ៏មានខ្លឹមសារនិង

ស្នាដៃប្រកបដោយទេពកោសល្យផ្នែករចនាបភាពដ៏ល្អប្រណិតដែលមាននាមលើទំព័រនិមួយៗ

ក្នុងវេបសាយរបស់ខ្ញុំ។

នេះជាកិច្ចរួមចំណែកដ៏មានតម្លៃខ្ពស់ឥតកាត់ថ្លៃបានឡើយក្នុងកិច្ចលើកស្ទួយអក្សរសាស្ត្រ

និងអក្សរសិល្ប៍ជាតិយើង។

សូមអរគុណ

គេហទំព័រនេះបានកើតឡើងដោយសារជំនួយរបស់ហេង  ឧត្តមកាលពីឆ្នំា២០១០នៅភ្នំពេញ៕

View original post

អក្សរសាស្ត្រខ្មែរចែងចាំងនៅក្រៅស្រុក និពន្ធដោយបណ្ឌិតយឹម ​កិច្ចសែ រចនារំលេចដោយលោក សំ វិជ្ជា

បណ្ឌិតយឹម កិច្ចសែតែងតែលើកទឹកចិត្តខ្ញុំក្នុងកិច្ចបំរើអក្សរសាស្ត្រខ្មែរចាប់ពីឆ្នាំ១៩៦៨ក្នុងមាតុប្រទេសកម្ពុជារហូតមកដល់ប្រទេស
បារាំងក្នុងវិទ្យុអាស៊ីផ្នែកការផ្សាយភាសាខ្មែររៀងរាល់រាត្រីព្រហស្សត៍ចាប់ពីឆ្នាំ១៩៨៩ដល់ឆ្នាំ១៩៩២ជាមួួយស្វាមីខ្ញុំលោកប៉ិច ឈុន
​ កញ្ញាថាវរី លោករស់ សាលីនឹងលោកឈរ ហ៊ឃៀងដោយស្ម័គ្រចិត្ត​​ឥតកម្រៃរយះពេល៤ឆ្នាំ។
បន្ទាប់មក ខ្ញុំបានប្រឡងជាប់ចូលធ្វើការជាអ្នកសារពត៌មានក្នុងវិទ្យុបារាំងអន្តរជាតិ«RADIO FRANCE INTERNATIONALE
                            RFI ​ A PARIS ផ្នែកការផ្សាយភាសាខ្មែរ»នៅរដ្ឋធានីប៉ារីសនៃប្រទេសបារាំងចាប់ពីខែមីនាឆ្នាំ១៩៩៣រហូតដល់ពេលខ្ញុំចូលនិវត្តិន៍
នៅខែមករាឆ្នាំ២០១០គឺជាង១៨ឆ្នាំ៕
ខាងក្រោមនេះជាកំណាព្យនិពន្ធដោយលោកយឹម កិច្ចសែដែលរស់នៅក្នុងប្រទេសអាល្លឺម៉ង់ និង រចនារូបភាពរំលេចពណ៌ដោយ
លោកសំ វិជ្ជាដែលរស់នៅឯសហរដ្អាមេរិក។
ខាងក្រោមនេះ
គឺជាអំណោយដ៏មានតម្លៃបំផុតក្នុងថ្ងៃខួបកំណើតរបស់ខ្ញុំគម្រប់៧១ឆ្នាំឈានចូល៧២ឆ្នាំ។
អរគុណបណ្ឌិត យឹម កិច្ចសែ និង លោកកវី​សំ វិជ្ជាដែលបានលើកទឹកចិត្តខ្ញុំរាល់ឆ្នាំ៕
Aucun texte alternatif disponible.

Vichea Sam Chunborrotes est avec Guechse Yim et 3 autres personnes.

អក្សរសាស្រ្តខ្មែរចែងចាំងនៅក្រៅស្រុក (ដោយ យឹម-កិច្ចសែ) Re-post

 

    1. 606 éléments à examiner
    2.  

      Intro

       

      Ajoutez une courte bio pour vous présenter.

      Ajouter une bio

       

      Photo de Sangwawann Pech.
      Photo de Sangwawann Pech.
      Photo de Sangwawann Pech.
      Photo de Sangwawann Pech.
      Photo de Sangwawann Pech.

       

      pechsangwawann.wordpress.com

       

អក្្សរខ្មែរ​​ ស្រង់ចេញពីល្បែងប្រឡែងពាក្យ ​ដោយកវីអ៊ីវ​ហួត

អក្សរខ្មែរមានព្យញ្ជន:

សាមសឹបបីជាក់កំណត់ត្រា

ចំនួនព្រលឹងជាតិខេមរា

ព្រលឹងលិលាអង្គរវត្ត៕

 

ក្តារស្ពានចាស់ ដោយ យឹម កិច្ច​សែ

អរគុណ​លោក សំ វិជ្ជា ដែលបាន​រចនា​កាព្យ​នេះ​។

លេងពស់ ពស់ចឹក ដោយ​ យឹម កិច្ចសែ

អរគុណលោក សំ វិជ្ជា ដែល​ជួយ​រចនាកំណាព្យ​នេះ។