កំណាព្យ ៖ ឆ្កែយួនចេះខ្មែរ​ ដោយលោក​​ឈរ ​ហ៊រ​ឃៀង

–ខ្ញុំនឹងអាង្វៀង      ជា Maître Chien  

   ធ្វើការរួមគ្នា        នៅស្រុកបារាំង

   យប់សែនរងា      គេឱ្យការពារ

   ក្រុមហ៊ុនរករ៉ែ   ។

— ថ្ងៃមួយវាថា        ឆ្កែវានេះណា     

   ចេះភាសាខ្មែរ      ឯងអាចបញ្ជា           

   បានរាល់ថ្ងៃខែ      អ្វីក៏ធ្វើដែរ

   តែឱ្យនំវា       ។

–ខ្ញុំឆ្ងល់អស្ចារ្យ        ឆ្កែយួនសោះណា     

   ម្ដេចស្ដាប់បញ្ជា      ភាសាផងខ្ញុំ    

    មិនមែនផងវា       ធ្វើតាមបញ្ជា

   វាពិតជាល្អ     ។

–ខ្ញុំស្រែកយ៉ាងខ្លាំង   មុខវាឡើងស្លាំង

   ឮសូរថា ឈរ          ភ្នែកវាលិញឡង់       

   មានភាពវឹកវរ         ឮសូរថា ឈរ

   វាធ្វើមុខស្អុយ     ។

–ក្រោយមួយនាទី      ស្រែកលើកទីពីរ  

   ស្រែកថា  អង្គុយ     វាបិទភ្នែកជិត         

   ធ្វើដូចងងុយ           វាក្តោបកន្ទុយ

   រាងអ៊ួទីនួរ    ។

— អាង្វៀងប្រឹងលោត    ចង់ឱ្យគេកោត    

    ក៏ស្រែកថា  ស៊ួរ        ឆ្កែវាងើបភ្លែត        

    ព្រោះយល់សំនួរ       ភាសាថា  ស៊ួរ 

    គឺឱ្យវា  ឈ។

—  អាង្វៀងអរណាស់     សើចឮហាស់ៗ   

    កាច់ស្រងកាច់ក        ចង់អ៊ួតឆ្កែវា         

    ឱ្យគេរាប់រក               ថាពិតជាល្អ

    មានឆ្កែតែមួយ    ។

— អាង្វៀងវាចា                បង្គាប់បញ្ជា  

    ស្រែកថា  គួយ !គួយ   ឆ្កែវាលុតគ្រឹប     

    មិនឱ្យម្ចាស់ព្រួយ        ភាសាថា គួយ

    គឺឱ្យ អង្គុយ  ។

–ឆ្កែអើយអើយឆ្កែ           យួននិយាយខ្មែរ      

  បែរជាអង្គុយ                 ឯងខ្មែរមែនទែន    

   បែរធ្វើមុខស្អុយ            ស្តាប់ម្ចាស់តែមួយ

   បញ្ជារាល់ថ្ងៃ     ៕

 

Chhor H. Khieng

March/15/2012

Maryland  USA.